تجمع الكروشات اللي ولادتهن في رمضان 1433ه

[مام صغيره]

هلا بنات كيفكم وكيف كروشاتكم

[أرجوآن]

الحمدالله أأخبارك انتي كيفك وكيف النونو ...؟؟

[مام صغيره]

تمام. والحمد الله كبر ة هل كروشه هههه

[(( أم يارا ))]

ارجوان هلا فيك ضيفه بيننا
ام مهند ودي اسلفك ال 3 سم بس انا ابي اوصل 165 عشان اصير طول زوجي وانا احس انه طوله اكثر من كذا لانه يدنق اذا جاء يضمني ويضحك علي هو من زمان ماقاس طوله بس في الاحوال حاطين 165 وانا ابي اصير طوله ..
انا ابوي وعماني ماشاء الله طوال وعمتي ماشاء الله مره طويله حتى تتعب اذا جينا نسلم علينا والا نسلم ع راسها هههه وفيه منا اللي قصير واللي طويل مافيه نص ونص .. امي وام زوجي مره صغار انا اطول منهم ههههه احيانا اتريق عليهم .. الله يخليهم لي
ام مهند انا بجيب ان شاء الله ريان وبوقف لمدة خمس سنوات اكون وقتها في تقريبا 23 او 24 خليني ادلعه ع راحتي وادلع نفسي و زوجي
وريان اذا يبي احد يلعب معاه ماشاء الله اخو زوجي الصغير عمره سنتين وامي الحين ع وشك ولاده واخليه يلعب مع عمه وخالته ان شاء الله ..
هذرت كثير ههههه حتى نسيت وش كنت ابي اقول لمناير وميدوري

[(( أم يارا ))]

مناير ههههه مشكله التضاريس
اذكر قبل سنه رحت عند دكتوره كنت تعبانه والممرضه حقتها قزمه ومليانه دخلت قست الوزن طلع نفس وزن الممرضه تخيلي هي مرره سمينه وانا نحيفه . حتى هي استغربت وقعدت تكلم الدكتوره بالانجليزي وقالت لي انها استغربت قلت عشان الطول قالت ايوه فهمتها ..
انا لما جيت التجمع توقعت انه ام حماده اصغر مني بس اتوقع انها اكبر مني بسنه لانها تقول وقفت دراسه كم سنه << ام حماده صح علي والا الزهايمر عامل عمايله
ميدوري انا بسمي ولدي ريان ان شاء الله وماعلي توني ادري انه لولد وبنت
ماصدقت لقيت اسم ولد حلو ومو موجود بكثره وموافق عليه زوجي .. وحلو لما يكون جسم الوحده مو مره نحيفه ولامره سمينه تكون وسط واتوقع 55 بيكون مناسب لك << واحنا يالحريم مايعجبنا شي
تخيلي اختي جسمها روووعه والكل يتمنى جسمها وهي مو عاجبها تبي تنحف للاربعين .. هي تقريبا 56 او اقل

[نسمة دفا]

السلام عليكم ورحمة الله وبركاته

كيفكم اليوم

أم يارا....... الطول عز...والقصر ذكاء ودهاء ههههههههههه كله زين أهم شي الصحة والعافية

[(( أم يارا ))]

ههههههه نسومه شي جديد توني اعرف انه القصر ذكاء ودهاء الطوال هم اللي فيهم ذكاء ..
وانا اعتبر نفسي قصيره ابي اوصل لفوق 165 😏

[ام مهند4]

باااااااك
ياسلام على الطول بس لا تطولي اكثر من هيك مو حلوو خلي رجلك اطول منك اذا اقبل عليك تحسي بهيبه
اي صادقه هذي ميزه الزواج بكير انا تزوجت 17 وبجيب الرابع ولسه احس روحي صغيره انا اذا بجيب ولد بسميه عبدالله ان شالله
واذا بنت ابي راما غشيته من نسمه بس اتوقع بتصير حرب ماراح يرضى

[ميدوري]

ام يارا

ريان حلو و معناه حلو برضو

حتى في بنت الحين برابع ابتدائي اسمها ريان مرره عسل و حلوه

بس مثل ما قلت ما بحب اسمي ولدي ريان و حنا عندنا بنت اسمها ريان

و بما ان زوجك موافق و انتي مقتنعه و هوا حلو
سميه بدون تردد

لا تهتمي لرأي الي حولك
اي وحدة تختار اسم تلقى ناس تقول مو حلو و ناس تقول حلو
و ناااس تجيب لك احباط
سواء بنت او ولد

المهم الاسم حلو و معناه حلو و مقتنعه فيه و لا بظلم ولدي به
و خلاص ... الناس اذواق و كل واحد بكيفه

و انا اشوف ...
يا سبحان الله
كل واحد اسمه يليق عليه و ممكن تحبي اسم لان عرفتي شخص اسمه كذا و مواصفاته واوو

و حتى لو الي حولك رفضوا الاسم بكره ما يعرفوه الي بالاسم الي انتي اخترتيه و يتعودون و يحبون الاسم

انا لما كنت اظنها بنت قلت بسمي جوري و لقيت انتقادات
منهم يقول احس عطر لما اسمع جوري و غيرره من التعليقااات

لكني قررت اطنش

و الحين ولد و الله اعلم ايش نسميه

ما عندكم اسماء اولاد حلووة ؟ وجديدة ؟

نسومة


انا احب طولي لانه يعطيني اقل من عمري بكثيييير
مع اني انحرج بالجامعة دائماً يطلبوا بطاقتي و يظنوا اني مو طالبة معهم
و اقول ابغى اطوول لما اشوف ان وزني مو كثير و مع هذا مو رشيقة
و الي اطول مني وزنهم اكثر مني و صايرين انحف مني =(

يارب ما يزيد وزني اكثر
و يارب اقدر انزله بعد الولادة و اوصل للخمسين

[نسمة دفا]

أم يارا إذا أنتي لسا تحت العشرين فعندك أمل في الطول

أنا طولت يمكن 5 أو 6 سم بعد زواجي وكير مقاس رجلي (أكرمكم الله)..وشعري صار يطول كثير..بفضل الله ثم الهرمونات هههه