تجمع حوامل ليبيا

ميرنا · 06-02-2010, 10:47 AM

ايش اخبارك يا حبل الوصل ايش صار امعك انا دم لى لقيته طلع سببها لبواسير واما بنسبة للحمل خليت روحى طبيعية ما خذيت شى الشهر هذا ونرجاء فى الدورة 11/6 انتى شن خذيتى

حبل الوصل · 06-02-2010, 11:03 AM

اقتباس:

المشاركة الأصلية كتبت بواسطة ميرنا

ايش اخبارك يا حبل الوصل ايش صار امعك انا دم لى لقيته طلع سببها لبواسير واما بنسبة للحمل خليت روحى طبيعية ما خذيت شى الشهر هذا ونرجاء فى الدورة 11/6 انتى شن خذيتى

أنا تمام وانتى
انا توقف الدم مافيش شي وامس مشيت لدكتور عندنا كويس في علاج حالات هرمون الحليب ووريته التحليل قالي امورك ميه في المية بالمقارنة مع الشهر اللي فات وقالى انتى شن خديتى علاج قلتله ماخذيت شي وانا واخذة ميرامية مع حلبة والله كويسة جربوها يابنات
وقالي استنى لموعد الدورة وقالي احتمال كبييييييييير نكون حامل لان هرمون البروجسترون مرتفع وان شاءالله مايخيب ضنى

ميرنا · 06-02-2010, 10:55 AM

ام اسيل ربى يساعدك وانشالله الف مبروك على خيتكى ام بلنسبة الابر المنشطة اسمها المنيقون وهى 14 دينار الابرة عندن فى درنة وانتى ماهى طريقة علاجك كم حبة اكلوميد وكم ابرة عطتك وهل تاخذى فى مجفف حليب ؟ وانشالله ربى يفرحك ويفرحنا

صابرة · 06-02-2010, 11:48 AM

يارب تكوني حامل يا حبل الوصل انت وميرنا وتلحقكم ام اسيل على طول

موعد ولادتي كان يوم 29-5 واليوم عندي موعد عند الدكتورة وربي يسهل

عيون زوجي · 06-02-2010, 12:17 PM

ربي ينزله بالسلامه يا صابرة وانتي صبري بالك وكوني اسم على مسمى انا حماتي اتاخرت على موعدها اسبوعين لانها بكريه ماتخافيش على قولة ميرنا كثري جماع ودوشي بميه دافيه كل يوم وامشي اقل شي ساعه وربي يفرجها اعليك
حبل الوصل يارب يسمعنا الاخبار الطيبه وتكوني حامل يارب
ميرنا ربي يفتحها اعليك من وسعه خليها على ربي فهو حسبنا ووكيلنا
ام اسيل مبروك على اوخيتك وعقبال اصغارك في حياتك وعقبال اسبوعك على ولد ولا ابنيه
هنديه وين هالغيبه راجلك كيف حاله وابنيتك هدت ولا مازال عياطة زي بنتي

حبل الوصل · 06-02-2010, 12:35 PM

هندية مختفية هاليومين مش مبينة ان شاءالله المانع خير

عيون زوجي · 06-02-2010, 03:03 PM

حبل الوصل كم عمره ولدك الصغير

حبل الوصل · 06-02-2010, 05:45 PM

عمره خمس سنين ونص ربي يخليه ليا

عيون زوجي · 06-02-2010, 06:50 PM

ربي يحفظه معناها ليك هلبه عالحمل يارب تكوني حامل اكيد نسيتي حتى الحمل وتعبه صح اتعودتي عالراحه ورح يجيك التعب وبعده السهر والعياط الله يعينا ويعينك

الهندية · 06-02-2010, 07:25 PM

مساء الخيرات يابنات كيف حالكم اناشاءالله اخباركم تمام ...زوجى حاله احسن بس ماشيا لتونس الاسبوع الجاى عشان يشوف روحه الحكاية الباين مش حكاية قرحة
بنتى كويسا سيبت الرضاعة ومتبيش الا الصدر ,,,زعما يشبعها
ولاهية واجازتى قريب تكمل معنديش نية نمشى للشغل خايفة تلخبط بعد معودت روحى على روتين معين
حبل الوصل ربى يخليلك ولدك ويايتربى فى عز امه وبوه وبارك الله فيك اللى سئلتى عليا

عيون زوجى والله لما يجيك عيل اول مرة تبدى زى الحايسة ,,والا كيف تبى وقت باش تتنظمى حايرة فى اللى عندهم هلبا صغار كيف مدايرين
ميرنا ...الله يبارك فيك اوخيتى اللى فقدتينى انا معاش عرفت انتو امتى تفتحتوا عادة باش نحصلكم .؟