تجمع اللي بيولدوا في شهر ربيع الثاني 1434

[أم جنى فديتها]

انا ماذكر شي خخخ
بقول اللي اذكر

الاول ..

كنت عند اهلي في منطقه ثانيه وزوجي في ديرتنا ماكان معاي
المهم رحت عندهم الاسبوعين الاخيرين من الحمل وكنت يوميا امشي واكل 7تمرات وكل تمره اقرا عليها اية الكرسي
لين اخر يوم ونزلت ديرتي عند زوجي لان اهلي صار لهم زمان مانزلو الديره
وطبعا نمت مع زوجي خخخخ وثاني يوم الصباح الساعه 9 تقريبا حسيت بالم ودخلت الحمام الا اشوف السداده ومعاها خيوط دم
ورحت المستشفى وطبعا الالم زاد وكشفت طلع 4 سم تقريبا
وبعدها كل ساعه يفتح سم واحد لمن صارت الساعه 3 والله ماذكر وبدا الدفع وولدت عالساعه 3 ونص العصر
وكان تاريخ ولادتي 3/3/1428
عطوني تاريخ ولاده 8 وولدت فهالتاريخ

اما الثاني..

الفجر حسيت بطقه عند عنق الرحم الساعه 5 بس بدون الم وكنت نايمه فزيت من هالشي بس نمت ثانيه
لما صارت الساعه 8 جاني الجد وقمت من النوم وصحيت زوجي ورحنا المستشفى وماوصلت ماشاء الله لا اله الا الله الا الرحم فاتح عالاخير سهالات من ربي هالولاده عجيييبه بالنسبه لي
غير الولاده الاولى والثالثه عذاااااااب مو طبيعي كانو
المهم فتحت موية الراس وركض الى قسم الولاده وبدأ الدفع وكل دفعه احس روحي بتطلع وولدت عالساعه 3ونص او 4 العصر
وكان التاريخ 28/5/1429
وكانو محددين لي تاريخ ولاده 25 جمادى بس عديت 3 ايام

ولاداتي كلهم العصر

يعني تقريبا كنت اكمل شهري كله بكل ولاداتي
وهالمره الله اعلم ..

[كفاني عذاب]

السلام عليكم ام جنى الاموره اسأل الله لكي ولكروشات التجمع الولاده السهله الميسره بالنسبه لولدي انتكست حالته وصار عنده التهاب في الامعاء وانتفاخ في البطن وعملو له عمليه شالو الجزء الملتهب ولازال في العنايه المركزه وصارو يعطوه حليب شوي عشان يشوفو يتقبله او لا والله يشفيه ويقر عيني بشوفته سليم معافى ولاتنسونا من دعواتكم

[أم جنى فديتها]

كفاني عذاب
الله يشفيه ويعافيه
وتقر عينك بشوفته باتم صحه وعافيه
الله يشفيه شفاء لايغادر سقما يارب..
انشالله يطلع بالسلامه ..

[ام حمودي_]

كفاني عذاب اسأل الله الكريم رب العرش العظيم ان يشفي ولدك ويحميه ويخرجه لك سليم معافي ويفرح قلبك فيه






وتصبحون على خير حبيباتي بنام عندي موعد بكره بحمودي ومن الصباح لازم اروح

[ام جنى الامورة]

بولادتي الفجر انفجرت المويه علي وغرقت السرير وبدى معاي مغص وعلى الساعه 7اختفى كل شي ورحت نمت احلى نومه الى اذان الظهر صحيت على الوجع والالم من جديد وامشي واوقف اذا نزل مويه او جاني مغص وبعدها سويت زنجبيل وشربت كوب كامل وكل العصر مشي ماوقفت الا وهو يأذن المغرب واخذت دش حار على ظهري وعلى بطني وطلعت المستشفى وصار فاتح الرحم 4ودخلوني غرفه التخطيط وجلست فيها ساعه كامله وبعدها على غرفة التنويم وجلست الى الساعه 10وبعدها على غرفه الولاده كنت فرحانه وكنت ابكي خايفه وجلست على السرير الولاده ساعتين وهاتي يابش مافيه قالت نامي على اليسار وراحت تكمل اوراقي وعطتني ورد الولاده قالت سوي دعاء وقرأن على بطن انتي
والحمدلله احس جاب نتيجه يمكن نص ساعه الا احس بديت ادف قالت خلاص بيبي بيطلع الحسن وخمس مرات ادف بأقوى حيلي ويطلع الرأس ويغمى علي فتحت على الخياطه اه ياقلبي منها هالخياطه والتفت بجمبي بنتي ياحلوها صح ماشفت وجهها لكن الي لفت انتباهي اصابع ارجولها مثلي وعرفت ان مارح تتبدل بالحضانه ههههه

[قطعة السكر]

اكشناتكمم مره حلوووه ههههههههههههههههه عقبال ما اكتب لكم اكشن ولادتي يارب


عدووله وين ولدتي بأي مستشفى وكيفها ابرة الظهر تعوور لما يعطونك ياها او لا وتنصحيني فيها .؟؟؟؟

كفاني عذاب اسأل الله العظيم رب العرش الكريمم ان يشفي طفلللك ويقر عينك بشووفته سليم معافى يارب

[عديل الروح3]

كفاني عذاب
الله يشفي ولدك وتفرحين فييييه
يا رب

[بنت صقور]

🚦
"اللهم اجعلنا من اللذين سرحت ارواحهم في دار العلى وحطت همم قلوبهم في غاية التقى حتى أناخوا برياض النعيم وجنوا من ثمار رياض التسنيم وخاضوا لجة السرور وشربوا بكأس الرحيق المختوم وأستظلوا تحت ظل الكرامة الظليل 🚦
لاتنسوا : صلاة الوتر ، سورة الملك ، صيام الاثنين ..

[عديل الروح3]

ام جنى فدينها
وﻻداتك كلهم تعدين التاسع
يﻻ انشاء الله هاامره اول يوم لك بتاسسع

[كفاني عذاب]

باقي لي يومين واخلص الاربعين وانا مااشتريت ولاشي لنفسي ولاسويت شي احس مالي نفس اروح سوق او اصبغ شعري وربي مكتئبه الله يفرجها علي