تجمع اللي بيولدوا في شهر ربيع الثاني 1434

[عديل الروح3]

يﻻ ننتظركم كلكم

[ام حمودي_]

في البدايه ولدت بدايه التاسع مدري ايش السبب مع العلم اني ماحملت الا بابره منشطه وهذا اللي خلاني متاكده من تاريخ حملي بس كانت نفسيتي خلال فتره الحمل مرررره زفت وكان عندي بدايه سكر حمل والتهابات فيمكن هو اللي خلاني اولد بدري والله اعلم مالكم بالطويله دخلت التاسع وقامت امي فوق راسي امشي امشي وزوجي مسافر ومحد يودي ويجيب قال اخوي وش رايكم نروح مكه ناخد عمره قلت معاكم بس بمشي في الحرم مقدر اخد عمره كامله

المهم رحت العصر ووصلت وقعدت امشي في الساحات الخارجيه ولفيت الحرم والمسعى والتوسعه وكلها وانا ادعي ربي يفرج علي ا في الحرم حسيت شي نزل مني واحس حتى طلع له صوت بس مدري وشهو عشان كذا ماهتميت المهم خلصو اهلي ومرينا تعشينا ورجعنا البيت صحتني امي الفجر افطرت ولا فيني شي ورجعت نمت الظهر اصحى من الالم في رجليني وعلى بالي من المشي واحاول ارجع انام وكل شوي يجي الالم ويخف وارجع انام المهم لين العصر صحيت وصليت والا الالم يزيد وادق على اخوي الكبير ومايجي الا على العشاء صلى ورحت دخلت الطواري وانا ابكي هههههههه قعدت اقول لامي شيليني مقدر امشي وامي تبكي تقول كيف اشيلك المهم جاء وقت الكشف جات مصريه الله لا يسامحها دنيا واخره دخلت قاست قالت 4 سم وتجيب شي حديده كبيره وتدخلها شكلها وسعت الرحم وخرجتها وخرج الدم معاها قالت طلعوها فوق الولاده خلاص طلعوني يمكن على 9 اول ماطلعت شافو الدم قالو لي ليه كذا قلت من تحت سوت لي حتى القابله قعدت تخاصم عليها بس مدري وش قالت المهم ركبو التخطيط للطفل وهنا كان االاكشن



الططفل ضعفت دقات قلبه وخفت حركته والطلق والرحم قاعد ينفتح والطفل تعب جات فتحت مويه الراس قالت ان شاء الله ساعه وتولدين راحت وجات ووراحت وجات مافي امل وانا ادعي ربي وابكي وكل مايجيني الطلق والدف القابله تقول لا تدفين الرحم بينفجر لانو الطفل مايتحرك ومختنق طبعا انا ماهمني شي بس ابغى افتك وخلاص وقتها ادف غصبن عني من الالم وهي تصيح وقتها شكلو مابقى احد في المستشفى مادخل يده وكشف وانا بس اصيح الالم ماصيح منه اصصيح من يداتهم يوم يدخلونها المهم الساعه 4 جات قالت خلاص قيصيري طفلك ممكن نلحقه وممكن لا له ساعتين نهائي مافي نبض ووقعتني على اوراق وعلى العمليات بعد ماذقت العذاب كله والكل كشف والرحم وصل 9 سم بس الطفل خلاص ماعاد تحرك المهم 5 وهي تخرج النونو وتقولي مبروك لانو كان بنج نصفي وخرجت والحمد لله يوم طلبته قالو لي ولدك تعبان تبرز في بطنك وشرب مويات لانو مطول وطوفتي على التاسع وفي صدره مويه قلت لا الولد ماطوفت دوبي في التاسع 7 ايام لاني حملت بمنشطات وعارفه الحسبه صح هم شكلهم مفوتين وانا ماكنت عندهم في نفس المستشفى المهم جلست 5 ايام وخرجت وجلس حمودي كمان بعدي يومين وهو في حضانه الاطفال المرضى ومحد يدخل عليه ولا يجيبوه لي اذا انا رحت بس وانا مقدر اقوم والحمد لله الحين طيب وماعليه الله يخليه ليه
والحين بعد يقولون نفس الشي ولاده طبيعي واذا احتاج قيصري واخاف نفس الشي اخذ الوجع كله ومايبقى احد مايدخل يده وفي النهايه يقولو قيصري


وخلاص انتهى واحس بطني مغصصني يوم تذكرت

[زوجة السهلي]

بنات بقولكم قصة ولادتي ببنتي الثانية الله يحفظها ويحفظ اختها واخوانها واللي في بطني ان شاء الله تخيلوا يجيني الم ومغص قوي مثل حملي هذا وكان تاريخ الولادة محددينه في 14 شهر10طيب من شهر رمضان والم التحجر ماسك علي جا بعد العيد ورحت المستشفى قسم الطوارىء تكشف علي الدكتورة بس ماانفتح الرحم وجلست يومين ورحت مرة ثانية واكشفت علي وطلع فاتح 2 طيب وقالت روحي امشي وبعديومين ان شاء الله في ولادة المهم رحت امشي بقوة كاني اضرب الارض من قوة المشي المهم زاد الم ورحت بعد يومين المستشفى الصباح والدكتورة حطت علي السونار وقالت الرحم مش فاتح ورفضت هي تكشف علي قلت لها كشفي رفضت تقول كم مرة يكشفون عليك وحطت جهاز الطلق تقول مافيه طلق طيب والله اني قمت من على سرير التخطيط وانا مااقدر اتحرك من قوة الالم ورحت البيت وجاني مغص قوي ونزل دم ورحت مستشفى الولادة واكشفت علي الدكتورة وقالت فاتح 8ونص تخيلوا الدكتورة اللي في المستشفى اللي قبل تقول مش فاتح كان الحين ولدت بنتي في البيت بس الحمدالله لحقت على نفسي وودوني فوق في غرفة الولادة وجات الممرضة تقول لي غيري ملابسك وبدلت ملابسي وخليت نقابي مع الغطاء فوقي ماشلتهم وشنطة الجوال علي وقلت لها ركبي المغذي خلاص انا في ولادة قالت لي انتي معلوم كيف ولادة قلت لها اي قالت رفعي رجولك قلت لها لا ركبي مغذي اول ورفضت لين رفعت رجولي فوق وبعدين راحت عني تجهز حق البيبي وخفت اولد قالت مسكي الشرشف وشدي لحالك خفت تنزل بنتي وجات جنبي والحمدالله ولدت بنتي بالسلامة والحين عمرها 3سنوات الله يسهل علي هالمرة اميييين

[ام جنى الامورة]

ماشاء الله عدوله وان شاء الله هالمره يصير مثل اسوله

ام حمودي تذكرتك انتي معي بنفس العمر 28 اكبر بنات التجمع انا واياك ههههههه بعد هالسالفه اختفيتي انتي وقلب طفله ونوتي وكمان فيه وحده اسمها ام حمودي عراقيه كانت بتسافر. لبريطانيا

ايضا كفاني عذاب ليت تدخل وتطمنا على ولدها الله يشفيه ويخليه لها يارب


برد برد الدفايه ماتسوي شي

[ام حمودي_]

ماشاء الله عدوله ربي سهل لك وان شاء الله يسهل الحين بس كن بنتك صغيره شوي استعجلتي بالح
مل

انا ولدت في 8-7 -1430 وعمر حمودي الحين 3 سنوات و7 شهور ان شاء الله يجي اخوه يبقى له كم شهر ويخلص 4 سنين

[زوجة السهلي]

الله اقولكم قصتي ولااحد معبرني خلاص بطلع من هالتجمع الله يسامحكم زعلتوني جزاكم الله خير وماقصرتوا

[ام حمودي_]

فديتك يام الاموره ايه حنا عجايز القروب ههههههههههههههههههههههه

يلا هات اكشنك

[عديل الروح3]

والله مدري وش اقولك من جد اسول مرره صغيره حتى فطمتها من صدري بدري
وللحين افكر كيف بعتني فيهم الله يكون بعوني رغم سني صغير
وعايشه بشقه لحالي وبيت اهلي بعيد مسافه ساعه بسياره
الله المستعان بس

[عديل الروح3]

زوجه السهلي
وش هالدكتوره ذي
المفروض اشتكيتي عليها

[ام جنى الامورة]

ماشاء الله عليكم كتبتوا الاكشن
يارب يسهل علينا هالمره.