تجمع اللي بيولدوا في شهر ربيع الثاني 1434

[عديل الروح3]

بنات ليش مو كل وحده تكتب لنا قصص وﻻدتهااا الاكشن
خلونا نستفيد

[ρυяỉтч •]

ام حمودي يلا شدي همتك انتي وعدوله من الشاطره اللي تولد قبل خخخ
/
اي والله الى الان ماكدوا انها بنوته ربي يخليها لي .. بس انا خلاص اخذت على انها بنت عسسا ربي يرزقنا برهم
..
عدوله ايش تبين ب الاكشن ؟ انتظريه يجيك وتجين تقولين لنا خخ فرررررررش

[قطعة السكر]

اي والله صادقه عدوووله كل وحده تكتب اكشنها
ابي اتعلم حرام بكريه اكسر الخاطر هههههههه

[عديل الروح3]

يﻻ عاااااد
خلونا نتحمسسسسس

[عديل الروح3]

خﻻص انا ببتدي فيكم خخخخخخ
يﻻ بسم الله انتظرونيمع خمس الى 10 دقايق اتذكر لكم
هههههه

[ρυяỉтч •]

هههههههههههههههههههههههههه يلا عدوله ننتظرك
يا سلام لو مو برد كان جبتلي ايسكريم مع اكشنك خخخ جا البرد وخرب علي جوي الجميل

[ام حمودي_]

ايه صح ريما الله يقومها بالسلامه وتحفظ لها بنتها يارب



يلا وانا الثانيه ببداء بالاكشن انتظروني اخاف اكتب واصيح وماعاد اكمل

[ام حمودي_]

في البدايه ولدت بدايه التاسع مدري ايش السبب مع العلم اني ماحملت الا بابره منشطه وهذا اللي خلاني متاكده من تاريخ حملي بس كانت نفسيتي خلال فتره الحمل مرررره زفت وكان عندي بدايه سكر حمل والتهابات فيمكن هو اللي خلاني اولد بدري والله اعلم مالكم بالطويله دخلت التاسع وقامت امي فوق راسي امشي امشي وزوجي مسافر ومحد يودي ويجيب قال اخوي وش رايكم نروح مكه ناخد عمره قلت معاكم بس بمشي في الحرم مقدر اخد عمره كامله

المهم رحت العصر ووصلت وقعدت امشي في الساحات الخارجيه ولفيت الحرم والمسعى والتوسعه وكلها وانا ادعي ربي يفرج علي ا في الحرم حسيت شي نزل مني واحس حتى طلع له صوت بس مدري وشهو عشان كذا ماهتميت المهم خلصو اهلي ومرينا تعشينا ورجعنا البيت صحتني امي الفجر افطرت ولا فيني شي ورجعت نمت الظهر اصحى من الالم في رجليني وعلى بالي من المشي واحاول ارجع انام وكل شوي يجي الالم ويخف وارجع انام المهم لين العصر صحيت وصليت والا الالم يزيد وادق على اخوي الكبير ومايجي الا على العشاء صلى ورحت دخلت الطواري وانا ابكي هههههههه قعدت اقول لامي شيليني مقدر امشي وامي تبكي تقول كيف اشيلك المهم جاء وقت الكشف جات مصريه الله لا يسامحها دنيا واخره دخلت قاست قالت 4 سم وتجيب شي حديده كبيره وتدخلها شكلها وسعت الرحم وخرجتها وخرج الدم معاها قالت طلعوها فوق الولاده خلاص طلعوني يمكن على 9 اول ماطلعت شافو الدم قالو لي ليه كذا قلت من تحت سوت لي حتى القابله قعدت تخاصم عليها بس مدري وش قالت المهم ركبو التخطيط للطفل وهنا كان االاكشن



الططفل ضعفت دقات قلبه وخفت حركته والطلق والرحم قاعد ينفتح والطفل تعب جات فتحت مويه الراس قالت ان شاء الله ساعه وتولدين راحت وجات ووراحت وجات مافي امل وانا ادعي ربي وابكي وكل مايجيني الطلق والدف القابله تقول لا تدفين الرحم بينفجر لانو الطفل مايتحرك ومختنق طبعا انا ماهمني شي بس ابغى افتك وخلاص وقتها ادف غصبن عني من الالم وهي تصيح وقتها شكلو مابقى احد في المستشفى مادخل يده وكشف وانا بس اصيح الالم ماصيح منه اصصيح من يداتهم يوم يدخلونها المهم الساعه 4 جات قالت خلاص قيصيري طفلك ممكن نلحقه وممكن لا له ساعتين نهائي مافي نبض ووقعتني على اوراق وعلى العمليات بعد ماذقت العذاب كله والكل كشف والرحم وصل 9 سم بس الطفل خلاص ماعاد تحرك المهم 5 وهي تخرج النونو وتقولي مبروك لانو كان بنج نصفي وخرجت والحمد لله يوم طلبته قالو لي ولدك تعبان تبرز في بطنك وشرب مويات لانو مطول وطوفتي على التاسع وفي صدره مويه قلت لا الولد ماطوفت دوبي في التاسع 7 ايام لاني حملت بمنشطات وعارفه الحسبه صح هم شكلهم مفوتين وانا ماكنت عندهم في نفس المستشفى المهم جلست 5 ايام وخرجت وجلس حمودي كمان بعدي يومين وهو في حضانه الاطفال المرضى ومحد يدخل عليه ولا يجيبوه لي اذا انا رحت بس وانا مقدر اقوم والحمد لله الحين طيب وماعليه الله يخليه ليه
والحين بعد يقولون نفس الشي ولاده طبيعي واذا احتاج قيصري واخاف نفس الشي اخذ الوجع كله ومايبقى احد مايدخل يده وفي النهايه يقولو قيصري


وخلاص انتهى واحس بطني مغصصني يوم تذكرت

[ρυяỉтч •]

انا مره نعوست .. تصبحون ع خير

[عديل الروح3]

بسم الله الرحمن الرحيم
يوم الاثنين الموافق 24/1
جاني الم بسيييط ع الساعه 1 الظهر كان زوجي بدوام
وبعدها رحت الحمام وشفت زي الافرازات فيها اشوي دم وخغت ﻻني بكريه
وع طول دقيت ع زوجي وطلع من الدوام
وبعدها راح الالم قتله خﻻص مافيني شي
وطلعنا رحنا المجمع امشي والله يكرمكم جاني اسهال وانا بالمجمع
مشيت الين قريب المغرب
بعدها رحنا الواجهه البحريه وجلست امشي وامشي وكان الجو باااارد
ورجعنا المجمع ادفى
وكان الالم يروح ويجي
واخر شي استسلمت ورحت المستشفى ع الساعه 11 باليل
ع الطوارئ قاست الرحم قالت مفتوح 1وتص بس وسو لي تخطيط قالو في طلق
قالت اذا بيتك قريب روحي واذا زاد الالم تعالي
وارجع البيت ابو الشباب نام
وانا مقدرت انام الالم يزيد ويزيد وانا امشي بالصاله الين الساعه 3 الفجر
واروح اصحيه قام لبس مﻻبسه ورجع نااام
عور قلبي قلته خليه اشوي بعد
الين اذن الفجر ماقدرت خﻻص واصحيه وقام وعطول الطوارئ
وقاست الرحم قالت 3 ونص وعورتني مررررره اتوقع انها سوت لي تحريض
وبعدها قالت يﻻ فوق خﻻص
ولبسوني مﻻبسهم وحطولي جهاز التخطيط حق الطلق وحق الجنين
وعطوني حقنه شرجيه
وبعدها قمت امشي بالممر امشي وامشي امشي وامشي
وبعدها جات الدكتوره ع الساعه 11 الظهر قاست لسى 4
وانا اسمع الحريم يصارخون وانا اصيح معاهم وطلبت ابرة الظهررررر من الخوف
قالو لافتح 5 نعطيك
والحمدالله قاست طلع 5 وعطتني ابره الظهر وارتحت مرررررررره وجلست اسولف مع زوجي ع البﻻك هههههه متفرقه
بعدها جات الدكتوره فتحت لي ماي الجنين وراحت
اشوي واحس الالم يرجع وقول للسسترفي الم خفيف ماكنت اعرف ايش هوو
وزادت الجرعه ولسى ماراح وكشفت علي قالت خﻻص انتي وﻻده الراس طالع ههههههه
وجات الدكتوره وتقولي يﻻ دفعي وانا خايفه مدري وش صاير
ودفعت ودفعت الين طلعت اسوله بعد قلبي طلعت وانا مو حاسه بشي
وخيطوني وهم مو حاسه بشي الحمدالله
وولدت اسول بتا يخ 25/1
واحين عمرها سنه وشهرررر