ديوانية البحرين - دردشة حوامل البحرين - البحرينيات

[طفلي حياتي]

فلونه اذا بتعورين راسي بفرمشوباسويش اندومي لقطونه
قلنا لش شلخ وهرار طحين ويى بهارات وملح بعد خطير ويش تبطون الجبد انتون
وحقويش ريلش سي السيد مايرضى تروحين تعرفين وش فيش؟؟؟
اكيد اقرع هالريل خايف تعرفين ان البيبي عليه ويتفشل

[فلونة]

طفلوو يعني هالحزة ماتبين الا بنوتة ويااج هاا جنكم خفافيش

انا باروح ارقد عيل.. وباخليج اهني برووحج يا النحيسة

[فلونة]

رووحي مناك .. يقول لي صبرتي سبع شهور واحين هالشهرين الي باقي لج ما تصبرين خليها مفاجأة .. الله يسلمج كل من يحن علي ويسألني شنو فيج عرفتي والله لسة
وانا ماعرف ايود الساني باخور وبانجب ،، وحجينا ما يرضى لانه في ناس ما يصلوون على النبي .. تدرين انا كل اسبوع مرت حماي تسألني اي شهر احين .. كبر بطنج باجوف دبتج وايد تضايقني وتسأل واااااااااااااايد وطبعيتي ماعرف اجذب

خليها على الله ،، يمكن ايي بروحه ويقول لي باووديج :p

[فلونة]

اقرع او قررعة اهم شي اجووفهم سليمين ياااااربي والله يحفظهم من كل عين ويهديهم والسلامة اكبر نعمة من رب العالمين .. خاطري اغمض وافتح واجوفه في حضني الله يبلغنا لهليووم يااارب

[طفلي حياتي]

ان شاء الله حبيبتي لا اني لان تعودت تهدوني ورافقتني في فترة بنوته وطلعت خوش وحده مو معناته اني انساكم ابدا احبكم كلكم اني
وبالنسبه لحسد والتساؤلات اني مقاسيه وايد وايد وايد
كوني تأخرت يناقشون موضوعي وهم جماعه وحده عن وزني تسولف ووحده عن لي جم ووحده عن بنت لو ولد والكل يهذر واني انقهر اقول وقت حمالهم وحمال خواتهم بالخش والدس والحين طاحنيني
اخر مره امس بنت خالتي تقول توش في البدايه ومنفوخه هالشكل باجر اذا وصلتين شهورش ويش بتصيرين حرقت قلبي بهالكلام عدل ماتدري ان وزني ماتغير ولا متنت تجدب والله العظيم تجذب ...... اصلا محد يعرف اني حامل ماتغير فيني شي .. بس الله يهديها قطت هالكلمه واني خفت مباشره رحت لوحده تقرا عليي وقلت ليها ترى انقهرت من هالكلام وهالوحده اختها تصير قالت لاتحاتين الحافظ الله
وقلت ليهم الف مره وحذرتهم لا تناقشون موضوع حملي جماعات جماعات فهمتون؟؟؟ ولا يفيد من نجتمع فتحوا الموضوع لش جم ؟؟....... عرفتين بنت لو ولد.... ما اشاء الله ولا كأنش حامل
وكلمات وعبارات تخوف لكن الحافظ ربي رزقني اياه بيحفظه وبيخليه لي ان شاء الله

[فلونة]

امي تقول لي لا تحطين في بالج هالسالفة .. تقول الي يخاف من العين والحسد يصيده الشي .. وصحيح ان العين مذكورة في القرآن والرسول تعوذ من العين .. بس توكلي على رب العالمين والله ما يخيب عبده .. يعني اقري المعوذات على طول واستغفري ربج والصدقة
حارب امواج البلاء بالدعااء ,, الدعاء بنية صادقة حق رب العالمين اهم شي
وهالحجي حقي وحقج لانه انا اتضايق اذا فتحوا موضوع الحمل الا خشمج تغير والا دبتج طلعت .. فيج بنت فيج وولد ولا ساعات يبون يجوفون بطني مادري ليش
الله الحافظ ان شاء الله

انزين اي احد ياكل اندومي من باب الحيطة والحذرر يبتعد عنه وانا ماعندي مصدر موثوق فيه بس اخذو لكم نوع غير عن الاندوومي :(
ولا هالشهر ماخذة لي اشكثرر واحين اجوف الكبت ما تم الا اربعة :(

[طفلي حياتي]

وين رحتين كتبتين اللي تقدرين عليه ورحتين؟؟؟

[طفلي حياتي]

فلونه اني غبيه حدي حدي حدي كان المفروض ارد عليها واقول اذا مانتفخت في حملي متى انتفخ؟؟
ومتى لازم انتفخ؟؟ هو على امرش لو بكيفش اتم مثل ما اني ؟؟
بس غبائي خلاني ارعص ثيابي واقول هذا كرشي القبلي الا تقول شوفوا شوفوا الدبه وتقول ماتغيرت ياعلي بغيت اموووووووووت اقسم بالله حسيت بغباء متناهي فيني
الله الحافظ
وبعدين هي تفشلت عدل حست انها غلطت الا تقول لا فعلا طفلو ماتغيرت شوفوها وهي تصلي جسمها عادي قلت في خاطري رقعي هرارش يم لهرار مايصكون بوزهم بس يهذرون الله يحفظنا يارب يارب يارب يارب يارب
ارجوك ياربي رزقتني هالحمل وهو حلم حياتي لا تحرمني منه وتمه على خير بحق حبيبك محمد وآل بيته الطاهرين وبحق الزهراء ومصيبتها

فلونه على طاري الاندومي لو تعرفين ان كورن فليكس نوعية كلوكز الاصلي فيه حديد ويش سويتين في عمرش
اني قالت لي وحده تشتغل في الصحه مسوين تجربه واتضح انه فيه ذرات حديد براده يعني ولا وقفته وزارة الصحه اقول ليها ليش قالت مادري
الطريقه اللي تكتشفين فيها انش تخلين كمية كورن فليكس في جيس ويى شوية ماي وتنفخينه الجيس وتتمين تخلطين الماي بالكورن لمدة وعقب توجهين مغناطيس وبتشوفين برادة الحديد تتوجه للمغناطيس
اني كسوله ولا اقدر اسوي تجارب وفوق هذا ماعندي مغناطيس ولا جربتها
الحافظ الله

[طفلي حياتي]

شوفي هاليهال توهم والدينهم توقعي ولدش مثل واحد فيهم خخخخخخخخخ

[طفلي حياتي]

اني شوي وبقوم رقبتي تعورني وضلوعي الالم كلما له ويزيد
عندي الم في رجولي ماني قادره منه وانتين بتملليني وين تروحين؟؟