حبيباتى سيدات ليبيا تفضلو لأعرف ما حالكم

[sosolibya]

مشينا طعمنا ريم وجينا..

وانتم وييييين

ربي يطمني على جنودة وأمولة وباقي البنات..

ٍٍسوووووووووووووما وينك

[sosolibya]

موعد الدورة كان الاحد الماضي أول ايام ذي الحجة وقلت مانيش صايمة مادام بتجي وقعدت نراجي وماجتش بس اليوم قلت خلاص نصيم وخلاص

يارب تقبل أعمالنا ياااارب

[sosolibya]

شموسة تعالي طمنيني لو بنطلع حامل

إن شاء الله حتى انت حامل مانبيش نكون حامل بروحي ههههه

[فداك الكون]

السلام عليكم
كيفكم أخواتي ؟؟
أنا أختكم وحابة أكون بينكم وأتعرف عليكم بـ دعوة أختي الأمورة Soslibya
أنا أردنية عمري 23
يا رب أكون صديقة خفيفة الظل عليكم

[sosolibya]

ياهلا وياغلا

ومية أهلا وسهلا

بالغالية فدا الكون

نورتي التجمع ياحلوة

منوووووووووووورة وفرحتيني بوجودك وشرفتينا ياغالية

ويسعدني انك لبيتي الدعوة..

..

[sosolibya]

شموسة حاضر نحكيلك على جو عيدنا

يوم الوقفة نكونوا صايمين ونفطرو في حوش امتعيني..

والعيد

جو عيدنا راااااااائع ولكن بعد ان صرت مسؤولة صرت أشعر بالتعب هههههه
في العيد نعيدو مع بعض عمامي 9 ماشاء الله في حوش جدي

جداي حية وهي مرت جدي ولييست أم أعمامي

المهم نعيدو الصبح بعد مايجو الرجالة من الصلاة

وبعدين نغيرو حوايجنا ونجيبو المعدات والكباش ونتلاقو ويبدأ الذبح في الساحة طبعا نحن نسكنو في حوايز وسع ولله الحمد

وتبدأ بعد الذبح عمليات السلخ وكل مراة وصغارها يساعدو الراجل يعني تلقي كل عيلة ملتمة على خروفها
(دوائر دوائر) ينفخو فيه أو معلقينه يسلخو فيه
وطبعا يساعدو بعض
لأن في عائلات فيها شباب ماشاء الله وعائلات صغييييييييرة

ويطلعولنا الدواوير ونمشو لغسلهم وتوا بدت أمي تجي معاي لحوشي لأنه أقرب على حوش جدي

طبعا نغسلوها بمية الماجن
يعني بالطوبو تحت ألأشجار على الهواء الطلق..
ههههههههههههه

ونلقطو الكبدة من الجميع ونديرو القلاية

ومن ثم ننتقل للروس نشوطو الروس وطبعا الروس بديت نمشي مع حوش امتعيني نديروهم عالغاز انا وعزوزتي والباقي يولعو في نار يلقوها أسهل

نقصد نساوين عمامي..

ومن ثم نجمعو من كل عائلة كتف نطيبو بيه الغداء وللشوي
وبعدين الغداء مكروووووووونة

وبصراحة عمري ماشبعت فيه شوي يوم العيد نقصد من الجري والحوسة ماتتبنيهش

وبعدين كل واحد يلهي بلحمه
تكييس وتقديد وبدينا نقعدو مرات العشية في حوش امتعيني
بس عمامي يقعدو يشوو تحت التوتة(هههههه ماهو المكان معروف بتحت التوتة وهي منطقة حوش جدي التي أمامها توتات كبار)

وأنا نتمنى نقعد في الجو متع التوتة ولمن الضرورة بتلهي بلحمك وبتعاوني امتعينك
وهما عيلتهم امتعيني كبيرة فننقسمو يقعد حد يعول في الغداء في القراج والباقي نمشو لحوش امتعيني نشوطو ونبدو في العصبان
والحق العصبان اختصاص سلفتي وحماتي وأنا نقعد عالروس انا وعزوزتي
وحتى لأني نعاني من اكزيما صعب نمس خلوط العصبان

ونظام أهلى كان امي ماديرش في عصبان في العيد اتقول مش حنحسوه في التعب بعد فترة اتطيبه

بس امتعيني يديروه في يوم العيد وسط تللك ألأجواء

تعببببب هههههههههه

يديروه يوم العيد ويتعشو بيه ويعطونا منه شويه
وطبعا التذويق
تلقي سونية خاشة وسونية طالعة

بس العيد هذا بنسكر راسي وبنديروه يوم الموسم نفطرو بيه حتى نلقطو ونشرو مصارين وكبدة باش نرتاحو يوم العيد

وبس ويوم ثاني العيد فطورنا بقلاية الكبدة
وبعدين فيه من يشوي وبعدين كل واحد يمشي لعياله وأنا نمشي مع امي لخوالي
ويجو خالاتي وبنت خالتي المتزوجة ونديرو غدانا وتكون الكناين عند اهاليهم
ونطلعو نعيدو وين مانبو للأحباب
وثالث يوم في العادة يجو حمواتي لأن ثاني يوم امهم تمشي لعيالها

وكمان زوي عادة بثاني يوم أو ثالث يوم يديرلنا جو شواه وسيااااااااخ فالح فيهم

[شموسه 88]

السلام عليكم ورحمة الله وبركاته

[شموسه 88]

ياسوسو ماتبيش تطلعي حامل الا لما انا نحمل ههههههههههههه
مازلت نرجى زيك اوزوجي مازال ماشالني اندير تحليل
اليوم قاعده في حوش لهلي اوبعدين نبي نطلع لسوق امعاهم اوقابلني معمل تحليل نمشي انحلل

[sosolibya]

لا إله إلا الله محمد رسول الله

[sosolibya]

e


الرجال أربعة :

.
.

رجل يدري أنه يدري، فذلك العالم فاسألوه؛

ورجل يدري ولا يدري أنه يدري، فذلك الناسي فذكروه ؛

ورجل لا يدري ويدري أنه لا يدري ، فذلك الجاهل فعلموه ؛

ورجل لا يدري ولا يدري أنه لا يدري ، فذلك الأحمق فاجتنبوه .

الخليل بن أحمد الفراهيدي

ربنا يجعلنا من النوع الاول