تجمع حوامل ليبيا

حبل الوصل · 06-02-2010, 09:00 AM

صباح الخير
أم أسيل مبروك عليها أختك وربي يهنيها والإبرة ماعرفتهاش بس عندى بنت عمى كانت تاخذ في ابر تنشيط لكن غاليات وااجد

ميرنا · 06-02-2010, 10:39 AM

اقتباس:

المشاركة الأصلية كتبت بواسطة صابرة

يابنات موعدي فات والولد ماباش ينزل ...........كلموه ينزل!

والله البارح فى عقلى قلت ازعم شن صار فى الصابرة جابت ولا مازال انتى بكرية والبكرية ديمة اتاخر كثرى من الجماع هذه الايام قولى الراجلك ايزيط عطيه بطاقة تصريح يتفضل وقت ما يبى لانه وراه شهر عسكرية والخطوة الثانية كثرى المشى اطلعى من الحوش عادى للسوق الموشير ومسحى لى كبدى انا فى هذك السوق كل يوم وانشالله بلكثير 3 ايام توة اتجيبى *

ميرنا · 06-02-2010, 10:47 AM

ايش اخبارك يا حبل الوصل ايش صار امعك انا دم لى لقيته طلع سببها لبواسير واما بنسبة للحمل خليت روحى طبيعية ما خذيت شى الشهر هذا ونرجاء فى الدورة 11/6 انتى شن خذيتى

ميرنا · 06-02-2010, 10:55 AM

ام اسيل ربى يساعدك وانشالله الف مبروك على خيتكى ام بلنسبة الابر المنشطة اسمها المنيقون وهى 14 دينار الابرة عندن فى درنة وانتى ماهى طريقة علاجك كم حبة اكلوميد وكم ابرة عطتك وهل تاخذى فى مجفف حليب ؟ وانشالله ربى يفرحك ويفرحنا

حبل الوصل · 06-02-2010, 11:03 AM

اقتباس:

المشاركة الأصلية كتبت بواسطة ميرنا

ايش اخبارك يا حبل الوصل ايش صار امعك انا دم لى لقيته طلع سببها لبواسير واما بنسبة للحمل خليت روحى طبيعية ما خذيت شى الشهر هذا ونرجاء فى الدورة 11/6 انتى شن خذيتى

أنا تمام وانتى
انا توقف الدم مافيش شي وامس مشيت لدكتور عندنا كويس في علاج حالات هرمون الحليب ووريته التحليل قالي امورك ميه في المية بالمقارنة مع الشهر اللي فات وقالى انتى شن خديتى علاج قلتله ماخذيت شي وانا واخذة ميرامية مع حلبة والله كويسة جربوها يابنات
وقالي استنى لموعد الدورة وقالي احتمال كبييييييييير نكون حامل لان هرمون البروجسترون مرتفع وان شاءالله مايخيب ضنى

صابرة · 06-02-2010, 11:48 AM

يارب تكوني حامل يا حبل الوصل انت وميرنا وتلحقكم ام اسيل على طول

موعد ولادتي كان يوم 29-5 واليوم عندي موعد عند الدكتورة وربي يسهل

عيون زوجي · 06-02-2010, 12:17 PM

ربي ينزله بالسلامه يا صابرة وانتي صبري بالك وكوني اسم على مسمى انا حماتي اتاخرت على موعدها اسبوعين لانها بكريه ماتخافيش على قولة ميرنا كثري جماع ودوشي بميه دافيه كل يوم وامشي اقل شي ساعه وربي يفرجها اعليك
حبل الوصل يارب يسمعنا الاخبار الطيبه وتكوني حامل يارب
ميرنا ربي يفتحها اعليك من وسعه خليها على ربي فهو حسبنا ووكيلنا
ام اسيل مبروك على اوخيتك وعقبال اصغارك في حياتك وعقبال اسبوعك على ولد ولا ابنيه
هنديه وين هالغيبه راجلك كيف حاله وابنيتك هدت ولا مازال عياطة زي بنتي

حبل الوصل · 06-02-2010, 12:35 PM

هندية مختفية هاليومين مش مبينة ان شاءالله المانع خير

عيون زوجي · 06-02-2010, 03:03 PM

حبل الوصل كم عمره ولدك الصغير

حبل الوصل · 06-02-2010, 05:45 PM

عمره خمس سنين ونص ربي يخليه ليا