ديوانية البحرين - دردشة حوامل البحرين - البحرينيات

[فلونة]

هلا دمع الحنين .. ان الله لا يكلف نفسا الا وسعها واذا على روحة الماتم الله يكتب لج الاجر ان شاء الله وانتي نيتج تروحين بس ما تقدرين ..

وبالنسبة حق هالكريم باروح اجوفه في الصيدلية وان شاء الله تخف الحكة وخصوصا احين الجو بارد واقل شي يتشقق الجللد .. وانا اوردي صار لي تشققات ومضايقتني
والحبووب انا خوافة حدي بداية حملي عطتني الدكتورة فوليك اسد يومين ما خذيته كنت خايفة.. واحين اخذ حديد الحبوب الوردي ومادري اذا يصير اخذهم مع بعض او اوقف الحبوب الوردي .. حيرررة يختج لانه انا دمي بسرعة ينقص وهليومين انسى ولا ابلعه..

انا سمعت معلومة الي فيهم الثلاسيميا لازم يكثروون السوائل واذا ما تشتهين الاكل سوي لج عصاير فرش في البيت .. جربي عصير الكيوي .. عالاقل يعوض جسمج وان شاء الله بحق الحسين وغربته وعطشه و وحدته ان يرزقنا الذرية الصالحة تامة الخلق والخلقة من غير زيادة ولا نقصان وان يثبت حملنا ويسهل ولادتنه وان يرزق كل محرومة ...

[بنت الأياويد]

هلا والله مشكورين على الدعاء ، انا يالسه اكل رطب وشربت دارسين شوي وماي ورد والله يسهل ان شاء الله ، رحت المحرق لان السلمانيه على حظي مسكرين جناح الولادة
دعواتكم

[الفتاة الذهبية]

بنت الاياويد
الله يسهل عليج وتولدين بالسلامة واتجوفين احلى بنوتة

[بنوتة حلوة]

شلون بنعرف اذا ولدت بنت الاأاياويد؟؟
الله يسهل عليها ان شاءالله بحق هالليالي الكريمة

[دمع الحنين]

هلا فلونة
جربي الكريم وان شاء الله تستفيدين منه وترتاحين عليه

وبالنسبة للعصاير ان شاء الله احاول ازيد شرب لأني في البرد ما احب اشرب واجد بس عشان خاطر البنوتة لازم بشرب.. واني ماكنت ادري ان عندي ثلاسيميا الا قبل اسبوعين كان موعد تطيعم ولدي وقالت لي انه هو واني عندنا فما ادري شلون لازم اتصرف مع هالمرض واللي اعرفه عنه ان يخلي الجسم ما يستفيد من الحديد ويخزنه

وعن الحبوب هذي عادي تاخذينهم مع الحديد الوردي اني كنت اخذهم اثنينهم الدكتورة وصفتهم لي مع بعض بس بعدين لما قلت ليها عندي ثلاسيميا قالت عجل ما يحتاج الحديد وهالفيتامين بيعطيش الفوليك اسيد اللي تحتاجينه

وربي يسمع دعواتش خيو ويسلم حملنا واطفالنا ويجيبهم بالسلامة

بنت الاياويد الله يسهل عليش ان شاء الله ويرزقش الولادة السهلة الميسرة

[أحلام أم]

بنت الأياويد
ربي يسهل عليش الطلق والولادة وتقومين بالسلامة مع المولودة
تبخري بدارسين مطحون يقولون يوسع العنق إذا في ولادة

[ام السادة]

السلام عليكم شخبار وحشتونا ووحشتنا دبيبكم

حشة لو اغيب شهور ماحد يسال عني الله كريم الظاهر ما حبيتون تواجدي حتى روز واعدتني واخلفت الوعد حتى ما اتصلت فيني اني زعلانه حدي

بنت الاياويد الله يسهل عليش حبيبتيوتقومين بالسلامه يالغلا

[بنت الأياويد]

مشكورين وماقصرتوا انتظر يزيد الالم عشان اروح الحين قاعد يزيد دعواتكم

[حنين للماضي]

السلام عليكم

عظم الله اجورنا واجوركم وعسى ربي يبلغنا لسنة الجاية نلبس اولادنا ثياب خضران ونشاركهم في عزاء امامنا

بنت الاياويد يااااااري يسهل ولادتش وتقومين بالسلامة
بس نشلون بنطمن عليها
احنه يبي لنا نجوف لنا حل عشان نطمن على بعض اذا ولدنا ونخبر بعضنا

ام السادة اش هالكلام حبيبتي
انتي مكانش في القلب مو على صفحة المنتدى
وربي الشاهد اجين في بالي بس انتي تغبين مرة وحدة واترجعين لنا عقب فترة طويلة من جدي يمكن بعض الاعضاء يغفلون يسألون عنش
على العموم طمنينا على السيد شخباره؟؟
سويتي سونار صح؟؟؟

احلام ام وشموسة ماجوفون شر
عسى ربي يلبسكم لباس الصحة والعافية وتقومون بالسلامة

فلونة مشكورة حبيبتي
عيونش الحلوة
حاضرين ليش في اي وقت

بنوتة وطف طف اش عندكم مع هالاكتئاب؟؟؟
طف طف لو احصلش جان اكفخش
يعني انتي ادورين بس ورى شيء عشان تقعدين توسوين
ترى حده عادي وزن الوحدة مايتغير لمدة والبيبي يكون بخير
الله هداش تركني عنش هالوسواس وخلي فرحان مادري فرحانه بحالهم لا تزعجينهم بافكارش النارية

ام حماني وروز من زمان مابينوا وحشونا

فتاة شخبارش حبيبتي؟؟
شخبار الثقل وياش؟؟؟؟

[بنوتة حلوة]

هلااا خيوو ,, مادري حقويش ضاربني الاكتئاب ..
يوم السبت زوجي بيسافر اسبوع مطرشينه الشغل دورة .. وهالشي مزيد اكتئابي بعد :(

بنت الأياويد قاعدة أفكر فيش اقول ان شاءالله تولد وتفتك كريه المحارس والمحاتى , الله يسهل عليش ان شاءالله