دردشة بنات المدينه المنوره - تجمع حوامل بنات المدينه

[احلى ليان]

ضاع الامل .. ترا وزنك ما زاد شي كثير .. كل وحدة بعدينت تسال دكتورتها تقلها ايش اكبر وزن ممكن تزيده الحامل حتقلك تقريبامن 13 الى 17 كيلو على حسب قابلية كل جسم..
ما عليكم حتنزلوا انشاء الله وترجعوا رشيقات وحلوين ولمن تروحي فرح يخطبوكي من ام زوجك كمان هههههههههههه من رشاقتك بس سبحان الله كل شي يبغاله وقت .. زي ما بطوننا كبرت في 9 شهور ما حترجع بين يوم وليلة لازم اهتمام بالصحة وصحة البيبي وفي ناس يبدا الجسم بعد 6 شهور يرجع لوزنه شوية شوية ..
تسلمي ضاع الامل على المعلومات القيمة ربي يجعله في ميزان حسناتك..

[ام اجـــوان]

انا وزني فبل الحمل 46 واللحين 52
يااحلوات لا تخافو من زياده الوزن تراه شي طبيعي جدا
لما كنت حامل ببنتي زدت تقريبا 12 كيلو
بعد ما خرجت من النفاس تقريبا بـ 6 شهور
رجعت انحف من قبل ما اكون حامل

ضاااع الامل يعطيكي العافيه على المعلومات الحلوووه

[ضاع الامل]

احلى ليان / ام جوان
الله يعافيكم حبايبي
والله يقوم كل حامل بالسلامه انشاء الله

[توتة 14]

المشاركة الأصلية كتبت بواسطة بقايا ذكريات

أجل يأتوته أي شيء تبينه تسأليني عنه برياض أسالي أعرف فيها كل شيء لأني من أهلها
والسوق موقعه بحي النسيم أن شاء الله تروحون وتلاقون اللي يعجبكم

تسلمي بالغلا .. واذا احتجت اي شي ع طول اسالك
وان شاء الله اروح له واشوف ...

[توتة 14]

ضاع الامل يسلمو على المعلومات القيمة ..

[أسوووم]

يابنات كل وحده تقول متي طلعت بطنها وفي اي شهر لأني توي داخله الثالث ومافي بطن ع حساب السونار وأول ما اصحي من النوم لمن افضي بطني الله يكرمكم تدخل جوة ظهري

[تفاحه المدينه]

هههههههههههههه ضحكتيني اسوووووم ع سالفه البطن كنا انا وزوجي دايم نروووووح المستشفى يسالهم زوجي ليه بطنها ماكبرت ههههههههههههه بس ماطلعت بطني الا باالسادس اااااااه بعد معانه وشكوووووك الحمد لله ع كل حال

[ام اجـــوان]

عااادي يا اسوووووم
انا بطني ما طلعت مررره الافي الشهر الثامن
حتى ماكنت اشتري ملابس حمل تخيلي
وكل من شافني ما يصدق اني حاامل

[أسوووم]

اانا وزوجيي مستعجليييييين مرررره ابغى بطني تطلع بسرعه ..

الله يكمله يارب ويجيب النونو ع خير

[احلى ليان]

هههههههههههه
اسوم .. لا تستعجلي حتطلع بس شوية شوية مو مرة وحدة ..
انا ما طلعت بطني في اول مرة الا على النهايات يعني من السابع وفوق.. هادي المرة يعني من نهاية الخامس بدأت تطلع دحينت كورة زغيرة وربي يتمملنا على خير ..
ام اجوان .. ماشاء الله حلو لسه ما كرشتي وزنك ماشاء الله برضو ما زاد شي كتير ..
اهم شي وزن البيبي يكون كويس ..
فين باقي الكروشااااااااااااااااااااااااااات مو باينين عسى خير انشاء الله..