ديوانية حوامل البحرين

[حروف عاشقة]

سلام عليكم جميع اني والله قصتي قصة اليوم

اليوم كنت صايمة قعد على الساعة عشر وقعد ويه اليهال إلى بعد صلاة الظهر وبعدها صار إلي مو بالحسبان انزلح واطيح على بطني وصادني ألم والبيبيات حسيتهم يعتفرووون في بطني وخفت عدل ورحت طوارئ السلمانية سوا لي تخطيط واترساوند وطمنوني انه ما فيهم شي الحمد الله بس طلع عندي إلتهاب حاد وماطلعت من عندهم إلا الساعة 6 يعني صيامي كله صار في المستشفى .. تعبت عدل من الطيحة والمحاتات وقعدة المستشفيات ..

معنهم طمنوني بس بعدي خايفة ما ادري ليش :(

[أم زهـور]

ياقلبي ما اتشوفين شر حبيبتي حروف العاشقة

الله يحفظ لج بيبياتج ان شاء الله

الحمدلله على سلامتج وسلامة البيبيات

[أم زهـور]

تعشيت وضربت علي النومة ألف ههههههه

من اتعشى خلاص ما اقدر اقاوم التعب

بقوووووم لا انام ع الكيبورد ههههههههه

تصبحون على ألف خير اخواتي

[حروف عاشقة]

هلا ام زهور الشر ما يجيش إن شاء الله

ونوم العوافي

[أم حماني]

حروف عاشقه ... سلامتج ماتشووووووفين شر ... الحمدلله البنوتات مافيهم شي
والله طار قلبي وانا اقرى اللي كتبتيه ... ارتاحي حاسبي على نفسج

[حروف عاشقة]

هلا ام حماني الشر ما يجيش خيوتي ويش اسوي أمر الله وصار ،، بس والله للحين خايفة قلبي للحين يعورني لما اذكر شلون طحت لحظات ما بنساها كلش

[أم حماني]

الله الحافظ اختي ... انا بعد طحت مره يوم كنت بالخامس ... بس السلمانيه خرعوني وقالوا فيني التهاب واضطرابات بالرحم وممكن تصيدني ولادة مبكره ... بس دامهم طمنوج كل شي تمام ان شاء الله

[حروف عاشقة]

يالله الحمد الله على كل حال ، الله يسهل لينا وليكم لين ما نكمل أيامنا ..
بقوم اطلع صدقة قلت بطلع ونسيت ..

[أم حماني]

بتطلعين صدقه الحين ؟؟

[حروف عاشقة]

اي اشيل مبلغ معين اخلية على صوب والصبح اطلعة للمحتاجين ..