تجمع حوامل ليبيا

ام اسيل · 06-01-2010, 01:39 PM

حبل الوصل وميرنا انا مش مطلوقة بكل قتها لكن امس انكن ها الشهر تطلعن حوامل والنقطة هذي اسمها المارة او العلامة يعني ها النقطة تخبر فيكن ان فيه حمل رورورورورورورورورورورورويييييي(زغروتة) عدن انتن الاثنين بعد كم يوم ديرن تحليل حمل عشان تفرحن وتفرحنا وحمل بإذن الله نجيكن ليا انتن الاثنين والله نحس في روحي فرحانةبنطير المهم ردن بالكن من روحكن وبشوية بشوية عارفات انتن عاد

ام اسيل · 06-01-2010, 01:45 PM

اقتباس:

المشاركة الأصلية كتبت بواسطة اميسر

صديقتي متزوجه وعمرها 35وتسكن في بنغازي واكتشفت ان عنده ضغط دم مرتفع جدا
وصديقتي ترغب في الحمل

ارجوكم دلوني عل دكتوره شاطره تتعامل مع الحامل الي مصابه بالضغط

اللي عنده اي معلومه بخصوص هذا الموضوع ايفرجها عليها الله يفرج عليه
يارب اينولكم كل ما تتمنوه وتحضنوا اولادكم عاجلا

اهلا وسهلا بيك اختي انا نعرف ان الي عندها ضغط مرتفع لازم اولا قبل الحمل تمشي لدكتور باطنة يعدلها الضغط وهضا ضروري جدا لسلامة البيبي والدكتور فخري الحصادي كويس يمسك في عيادة السلام اواي دكتور اخر مشهور وبعد ما يتعدل الضغط تعدي لدكتورة وانا ننصح بالدكتورة فوزية العربي في مصحة الصفوة ممتازة تعديلها وتحكيلها على قصة الضغط وهي تنصحها .انا في حملاتي الاثنين يجيني ضغط حمل ونعاين عند الدكتورة فورية ممتازة بكل

حبل الوصل · 06-01-2010, 01:47 PM

إن شاءالله ياأم أسيل والله منبيش نعشم روحى واااجد وينك قعدتى زى هلال العيد ماتبينيش واجد ولاتقيسي في غلاك

ام اسيل · 06-01-2010, 01:48 PM

توا هكي باهي سرقني الوقت انا كيف جيت من المدرسة وقلت نخش للتجمع نشوف البنات شن كاتبات ونطلع على طول لقيت روحي سارحة ونكتب ووقت عا الغداء مش عارفة شن نطيب مليت ياخواتي من التطييب والحوسة واوووووو اسمالله على ما عنده شغالة

حبل الوصل · 06-01-2010, 01:55 PM

والله كلنا كرهنا التطييب والحوسة تحسيه نفس الروتين انتى باهى اللي تطلعى للعمل انى في البيت 24 ساعة ملييييييييييييييييييييييييييييييييييييييييييييييت نبي تغييييييييييييييير حتى الغدا مازلت ماطيبت قلت تو ندير رز بالخلطة مع دجاج وخلاص

عيون زوجي · 06-01-2010, 04:17 PM

هلا بام اسيل والحامل مدام حبل الوصل

عيون زوجي · 06-01-2010, 04:51 PM

وينكم يا نساوووين

صابرة · 06-02-2010, 12:03 AM

يابنات موعدي فات والولد ماباش ينزل ...........كلموه ينزل!

حبل الوصل · 06-02-2010, 12:13 AM

امتى موعدك ياصابرة ربي يسهل عليك
بالله عليك ياوليد علاش مش نازل راهو امك تستنى فيك انزل شوف خالاتك في التجمع يراجو فيك

ام اسيل · 06-02-2010, 01:20 AM

خير يابنات
صابرة ان شاء ينزل بالسلامة بلكي خاطرك في حاجة ولا واكلا لحم قعود العزايز يقولن كولي لحم قعود ولا رنقة
حبل الوصل انت حامل وشكلك خاطرك في بنت من كثر ما تحطي في صور بنات
تعرفي عليش معش نخش واجد اصلا عرس اختي في 7_7 والوقت كله في السوق
اليوم عديت للعيادة بيش نضرب الابرة والممرضة قالتلي مفيش الابرة الي كاتبتها لكي الدكتورة لكن فيه بدالها واسمها انظني ميرونال وحنقعد نضرب فيها لمدة 7 ايام تعرفن حد ضاربها من قبل ؟؟؟؟