【ツ】أحلى تجمع لأحلى حوامل التوائم 【ツ】 ‏الجزء الثالث

[درة البحر]

المشاركة الأصلية كتبت بواسطة أم جبر

هل راحت نهائي بدون اثر ؟؟؟؟

فيه آثار خفيفة وان شاء الله تروح واذا ماراحت بروح لأخصائية جلدية وبستشيرها بس احس ان بشرتي صار ملمسها ناعم مو مثل قبل

[درة البحر]

تصبحون على خيييييييييييير

[ريتاج2009]

المشاركة الأصلية كتبت بواسطة أم جبر

اوه اسفه .. شفت توقيعج على بالي حامل سوري

اختي املي خير .. انا بكمل 5 سنين ولسه توني حملت الحمد لله رب العالمين :)
قوليلي ايش المشكله الي بينج وبين زوجج تمنعكم تجيبون اطفال .. ويمكن اقدر اساعدج لان بحثت قبل كثير في هالمجال خلال السنوات السابقه

مافي سبب معروف لتأخر الحمل عندي يعني كل شي ok بس إرادة رب العالمين فوق كل شي والحمدالله على كل حال..
أنا سويت عملية أطفال أنابيب بمستشفى سعد وكانت اموري ماشيه تمام بس ريي ماراد لي الحمل اللهم لا إعتراض يعني لو العمليه نجحت كان عمر الحمل نفس إللي بالتوقيع علشان كذا التوقيع عزيز على قلبي..

[ريتاج2009]

المشاركة الأصلية كتبت بواسطة غنو حياتي

رتاااااج

اللهم يارب ارزقها ما تتمنى عاجلا غير اجل
انااضفتك بالجدول معانا ويارب تنضمين قريبااااا

حياتي أنتي الله يجبر بخاطرك مثل ماجبرتي بخاطري

[ريتاج2009]

أم جبر
أنتي كم مره سويتي عملية أطفال الأنابيب وشنو السبب عندكم ووين سويتيها؟؟

[حبيبة جمولي]

ربي يتمم لكم على خير وتقومون بالسلامه ويرزق ريتاج الحمل السليم المعافى في القريب العاجل ياااااارب

[أم جبر]

ريتاج2009

انا تاخرت لين ما عملتها لطبيعه عمل زوجي كونه دوم يسافر ومع انه اكبر مني بالعمر كثير الا انه دايما ياجل لانه مب فاضي يخلص اجاراءات طبيه .. ونفسيتي تعبت لهالموضوع مده طويله
المشكله الي كانت عند زوجي ان الحركه كانت عنده تقريبا صفر ..<على فكره مب كل اطباء الذكوره شافوا هالمشكله .. بعضهم قاله انت طبيعي .. وما عرفنا عن المشكله الا يوم خذيت الفحوصات معاي لطبيبي النسائي الخاص لانه خبير في العقم واهو الي قال المشكله واضحه شلون يقولون مافيه شئ ؟
فتعاملنا مع دكاتره لمشاكل الرجال .. لكن ما منهم فايده لحد ما رحنا لعطار شاطر معروف عندنا
عطاه خلطات خاصه رفعت نسبه الحركه عنده كثير ولله الحمد بس بعدها ما وصلت للمعدل الطبيعي لكن احسن .. بعد ما شفنا تحسن والحمد لله رضى يخلص اجراءاته بعد ما شاف ان اغلب اصدقاء الجامعه جابوا اطفال واهو لسه

طبعا قبل ما اكتشف ان العيب في زوجي .. كنت اظن ان المشكله فيني ورحت لاكثر من دكتور وكان كل شئ اوكي .. للكن ما انكر ان في دكتور الله لا يسامحه وصف لي ادويه خربطت هرموناتي كثير وتميت اعالجها شهور والحمد لله انتظمت نوعا ما مع العلم اني سمينه ونفسيتي من كثر ما احاتي وافكر كانت ترفع عندي نسبه هرمون المخ شوي ..
واكتشفت بعدها سر عجيب :ماء المردقوش.. ينظم الهرمونات مب شرط تكونين تعانين من مشكله لانه مفيد كثير ويعالج مشاكل المعده بعد ..حتى لو مجرد ملعقه وحده كبيره الصبح و لو كانت في كاس عصير تسوي العجب مع الوقت !.. وتجنبي اكل المطاعم والدجاج المثلج والمعلبات لج ولزوجج!!
..
بعد ما خلص زوجي الاجراءات الحمد لله لان لازم تكون ملافته في نفس المستشفى
عملتها في المستشفى الحكومي في قطر فيه دكتور شاطر وخبره اسمه شحااته عليه زحمه كثير
الحمد لله ضبطت من اول مره !!

وطبعا الراحه التااااامه لدرجه انج تنسين المشي وحتى الصلاه على كرسي مع المثبتات والاكل السليم خاصه العصاير الطازجه والالبان بعد الارجاع ونسيان الكعب والحمام الساخن ان شاء الله يثبتون!

اعرف ناس حاولوا سنيييين كل 3 شهور بعد اي محاوله يبتدون من جديد ولسه عندهم امل
حتى كنت جالسه جنب وحده مسكينه الله يعطيها كانت تحمل بعد طبيعي وبالعلاج .. بس ولا مره كمل عندها دوم بسم الله علينا جميعا يسقطون بين الاول والخامس!! :(

الله يكتب لج .. صدقيني الله بيكتب لج متى ما راد يكتب لج فلا تتضايقين ابد
..نوعا ما .. قبل كنت اتمنى احمل بسرعه .. لكن استغليت الوقت وتعرفت على زوجي اكثر وخذيت راحتي معاه واستمتعنى بحياتنا كزوجين اكثر .. لان الحمل والاطفال تاخذ كثير من الوقت والاهتمام بعدين
فدايما طالعي الناحيه الايجابيه للموضوع
^_^

*اسفه طولت*

[ريتاج2009]

ولعل الذي أبطأ عني خير لي لعلمه بعاقبة الأمور
مشكوره أختي أم جبر عالنصايح الحلوه
ربي يتمم لك على خير وماتولدين إلا نهاية التاسع وتجبين توم بنت وولد يملون حياتك فرح وسرور..

[أم جبر]

امين يا رب ويرزقج بكل ما تحبين وتشتهين
على فكره
مع ان مستشفى سعد معروف ما شاء الله بعمليات الانابيب وعندنا كثير يروحون يعملون اهناك علاجات للعقم وغيره الا اني بعد اثناء متابعتي لوحده الانابيب في المستشفى الحكومي عندنا لاحظت ان في كثير سعوديات يجون يعالجون عندنا علشان نفس الدكتور

[أم جبر]

يالله انا بعد بقوم اريح على السرير لحد ما ياذن الفجر :)