دردشة حوامل دولة الجزائر- تجمع بنات الجزائر

[شمس الجزائر]

هادا ماسك من المرة الاولى تشوفي كيفاش يبيض وجهك ديري مغرف حليب لحظة وتزيديلو الابيض تع البيضة وتربي فيه نص حبة خيار كبيرة بالقشور وتحطيه فالثلاجة ساعة وبعد تجبدية وترقدي وتديري فوجهك ورقبتك وتقعدي ربع ساعة وتغسلي وشوفي النتيجة ورديلي الخبر انا نديرو حتى فيدي ورجلي تولي ناعمة وتضوي

[شمس الجزائر]

ماشفتوش المازة؟

[فرقان]

ميرسي ليك شموسة انا دايما ندير ماسك تاع العسل الحر و الليمون روعة تاني انا البشرة تاعي الحمد لله بيضة و صافية و عندي دق النمش في نيفي منيش حابة نحيه ....... المازة وقيلا اي في السوق ولا مع الميناج

[شمس الجزائر]

انا تاني البشرة تاعي نقية وبيضاء ومعنديش الكلف والنمش حتى كي نعود بالحمل ميظهروليش بصح غير نديرو يولي وجهي كيما تع البيبي سيرتو مع المكياج يولي روعة نهار العيد يولي روز جربيه وتشوفي

[فرقان]

خلصتي التوجاد للعيد ولا مزال ساعدي روحك شمس

[شمس الجزائر]

خلصت كلشي الحمد لله ودرتيلي الكوراج درتلهم شوي تع مقروظ وشوي قراوش وخلصت كلشي بفضل ربي واليوم راني مع روحي ههههههههههههه لاخاطر غدوة ان شاء الله صايمة عرفة لازم اليوم نخلص روحي راني طيبت لاسير بالقارص ودرت ليماسك وهدوك الصوالح تع النساءههههههههه

[سمية سوما]

مساء الخير جمعة مبااااركة

[فرقان]

المشاركة الأصلية كتبت بواسطة شمس الجزائر

خلصت كلشي الحمد لله ودرتيلي الكوراج درتلهم شوي تع مقروظ وشوي قراوش وخلصت كلشي بفضل ربي واليوم راني مع روحي ههههههههههههه لاخاطر غدوة ان شاء الله صايمة عرفة لازم اليوم نخلص روحي راني طيبت لاسير بالقارص ودرت ليماسك وهدوك الصوالح تع النساءههههههههه

بصحتك المقروض ولقراوش حتى انا الى طهرت غدوا ناوية نصوم ربي يتقبل من الجميع

[سمية سوما]

شمس في شهورك الوسطى ماكانتش كرشك تتيبس وتتحجر

[فرقان]

المشاركة الأصلية كتبت بواسطة سمية سوما

مساء الخير جمعة مبااااركة

مساء النور سمية واش راكي جمعة مباركة