تجمع حوامل سوريا-دردشة ورود سوريا-دردشة الغاليات

[syria]

كيفكون صبايا عم طول الغيبة صح

شو اخباركن

انا صارلي يومين تعبانة اليوم بلشت اصحا

من يومين شفت كابوس وصحيت مرعوبة

ومن وئتا بطني بتوجعني

[Nayota]

المشاركة الأصلية كتبت بواسطة زهرة سورية

الصبايا الحلووين و الكتاكيت الامامير مرررحبا كيفكن اشتئتلكن كتيير*

انا الحمدلله منيحة ماشي حالي و مشتائتلكن *بس والله الوحااام هالكني يا بنات يبعتلك الهنا يا نايوتا ع هالدعوة بتتذكري و قت دعيتيلي انو ان شاءالله كون حامل هالشهر و التهي بوحامي ماشاءالله عليكي دعوتك مقبولة ههههه*
الله وكيلكن هلكانة شو وجع راس شو دوخة شو لعية نفس ومالي خلق ساووي شي بالبيت *لا طبخ و لا ترتيب و لا شي البيت بعد شوي بيمشي و مالي قابيلة عالاكل بس عم اكل لسد جوعي لانو الجوع عم يزدلي اللعية و الدوخة كماان عطتني الدكتورة حبوب للعية بس ما بعرف عم خاف اشربن كل يوم *ومقطوع حيلي كل النهار الله يعين هالرجال الصابر هههههه*

نئيتلكن كتييير بعرف لانو جوزي خلص مل من نقي و اهلي بس حاكين بقلن اني عال العال بقول حاجتن اللي فين مكفين ما ناقصن نق و سق*

هاد غير الحرقة بنعدتي يا بنات شو ما اكلت عم يصرلي حرقة الحمدلله*

بسلم عليكن و حدة وحدة انتو الببابي الخلوين و ببوسكن من هون و من هوون*

سلامتك من الوحام زهرة وانسي البيت والترتيب واتدللي على جوزك ولا مل ولا شي هادا يلي بدو ولاد هههههه هية فترة وبتمر بكرة بترجعي لترتيبك وشغل البيت غيري شوي عن روتين حياتك اتكسلني شوي ولا تخافي تاخدي دوا اللعية آمن وماييأثر عالجنين شوفي لقلك انا هيك عملت بحملي كلي وجبات صغيرة لاتخلي معدتك فاضية ولو قطعة بسكويت صغيرة كل ساعة والحرقة سببها المعدة وقت بتفضى العصارات الهاضمة فيها حمض وبتصير بتنفرز بكترة بتوسع المري وبيعمل حرقة اشربي حليب او خيارة بتخفف انا كمان كانت تجيني حرقة وانا نايمة موت منها موت ولا تاكلي مخللات ولا اكلات سبايسي كمان بتزيد الحرقة واتدللي ولاتهمي حالك بشغل البيت العمر بيخلص والشغل مابيخلص ههههههه كم اسبوع صرتي ؟

[بسبوسة زوجها]

صباح النور سيريا
انا سهراني هههههههه
سلامتك ياروحي ماعألبك شر كاني عندكن بالامارات برد؟
وانا الي كام يوم مكربي وعم قاوم ومن يومين غلبني وسيطر علي هههه
ويمكن كل اليوم صحيت فيه ٤ ساعات وماكان عندي اكل بالبراد وماأدرت اطبخ ألت لزوجي جيب بيتزا آمت ماعبت عينو وجاب بيتزا وجاج مشوي وسوشي وشرمب وفرايد بيف رايز
ألتلو شو ألتلك عنا مجاعة كلو يوم واحد ماطبخت !
ومشان هالمرضة علئت مع حماتي آل شو طول النهار ماشافت وشي ألتلو لزوجي اصلا مرضت على أد ماأهرت فيني لسا عم تحكي
حاجتي كر حكيتلك قصة حياتي

[Nayota]

صباح الخير جميعا .... سلامتك سيريا اقرأي المعوذات وانشالله خير تسلميلي سيلا وانتي الله يخليلك كرومة وتشوفي بأعلى المراتب ام جوجو ماشالله شو هالجوجو وشوهالقصة كتير حلوة ولابقتلها ارتفعو شعراتا عن عيونا ومايبلو التياب الشتوية وكمان الصيفيات شو قالولك عماتا وستا انشالله مابيدخلو وبيعلقو انا بنت حمايي وحماتي من هالنوع لان كتارين غلبة بيدخلو فيي كتير وبيعلمو جوزي عليي بيقلولو لاتخليها تروح صالونات حلاقة واتصوري هنن بالشام وانا بسعودية شوفي كترة الغلبة لوين وصلت ومومن باب خوف عليي من باب انو نحنا منفهم ومنعرف هههههههه وانا مابقيم حكيون من ارضو بجنو مني هههههه منار وينك اشتقنالك ميار صحتين عالمقالي والفطاير وقليلو لصهري يكترلي بوسات مشان ارضى عطي بنتي ههههههه

[-قطر الندى-]

صباح الخير صبايا كيفكون ؟

[Nayota]

مدري ليش عم يطلع الرد معي كل الجمل ورا بعضا مع اني عم اتررك فراغات يمكن من البرد عم يلزو الجمل على بعضا ههههههه

[Nayota]

اهلا وسهلا ندى وهبة عرفينا عنك

[-قطر الندى-]

انا من الشام عمري 26 حامل بالشهر الخامس :)

[Nayota]

بسبوسة سلامتك وماعلى قلبك شر والله هي حماتك رح تجلطني فوق ماتحن عليكي وتعملك كاسة ليمون بتقوم بتعملك مشكلة شكلي رح اجي لعندك على اميركا اعملك شوية دروس لان حماتك متل حماتي بيجيبو الجلطة وبيضلو مرتاحين الله يبعدا عنا انا وانتي.. . انا حماتي عن بعد هههههههه

[syria]

هلا نايوتا حبيبتي الله يسلمك كيفك

بسبوسة شو برد بلامارات تلج ورعدومطر وعواصف ثلجية
حبيبتي هون لحد الان احيانن بشوب وبشغل المكيف

صرلي يومين بس ماعم شغلو

بعني هلئ صار الجو متل الجو بسوريا بالشهر الرابع اول الصيفية يعني