دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[نلي خانم]

السلام عليكم

كيفكم ياسكرات
أنا ويودي بخير الحمدلله والدكتور يقول لازم نعرض يودي على الشمس أو النور الأصفر عشان الصفار وأنا أحس الجو بارد الصباح وخايفه عليه يمرض لاسمح الله قلت أعرضه للنور الأصفر أفضل

وبقولكم شي أنا اليوم كنت نايمه وأحلم بالنوم أني لسا حامل والدكتور يقولي بتجهضين أنا صرخت يابنات بأعلى صوتي وقمت من النوم ويودي نايم جمبي وأنفجع وأختي كانت عندي وجات تجري تقولي وش فيك .. قلت هذي وساوس الحمل ألين ألحين أعاني منها هههههههه

عوعو القمر
بنصحك بنصيحه أبدا لاتخافي من الولاده ترى الطلق يعصر البطن بقوه وتستمر العصره يعني مو مغصه خفيفه وتروح لا .. المغص يشد يشد وبعد وقت يفك
وأذا جات اللحظات الأخيره تحسي أنك تبغين الحمام أكرمك الله وأذا على خروج الراس ترى أعطوني أبرة بنج أسفل وتبنج المكان وماحسيت بألم الخروج اللي ألمني الطلق والخياطه
هذا شعور الولاده تراها حلوه رغم الوجع لا تخافي أبد ربي يسهلها عليكي أنا أقول لزوجي أتمنى أني باقي حامل عشان بس أعيد ذيك اللحظه مره شعورها حلو
يارب الله يكتب لك الولاده الطبيعيه الميسره

أم البراء
طيرااااااان على قصة ولادتك... وأنا مثلك شايله هم الختان وبأذن الله أذا ربي شافى لي أياد من الصفار راح أختنه لأنهم يقولو خطر الختان مع الصفار وأنا عن نفسي راح أختنه بالصيرفي بأذن الله

[روح أنثـى]

يسعد مسائكمـ صبايا

كيفكم وحشتوني

حبيت ابشركم اني ولدت يوم الخميس 5/4

بالشهر الثامن

وجبت عبودي فديت قلبه

[نلي خانم]

مبروووووووووووك روح أنثى والحمدلله على سلامتك وسلامة عبود القمر
الله يحفظه لك من كل مكروه يارب ويرزقك بره

[Om KHaled]

ألف ألف مبرووك أختي الغاليه نلي خانم على المولود الجديد يتربى في عز أبوه ويجعله من مواليد السعادة
مبرووووووووووووووك أختي الكريمةروح أثنى بالقمر عبودي يتربى بعز أبوه ويجعله من مواليد السعادة
الله يبارك لنا في أبنائنا ويجعلهم قرة أعيننا ويحفظهم لنا ويجعلهم من مواليد السعادة
هــــــــــــا من فيكم تبي تخطب بنتي لسة عندها شهر ما شاء الله تبارك الله...

[Om KHaled]

((شفنا وش جديد يرزقنا برزق جديد))

[أم يزن]

أم البراء قصتك مررة أكشن فكرتيني بولادتي الاولى مع ابني اللي توفى كانت برضو مرمطة كدة الحمدلله على كل حال وأهم شي قمتي بالسلامة انتي والقمر البراء ماشاءالله عليه الله يحفظه ياارب ويرزقك بره ويجعله من الصالحين.

[رباه فرج همي]

- سبحان الله وبحمده , سبحان الله العظيم
- سبحان الله وبمحده عدد خلقه , ورضا نفسه , ووزن عرشه , ومداد كلماته
- لا حول ولا قوه إلا بالله
- استغفر الله , استغفر الله , استغر الله
- اللهم صـلي على محمد

[أم يزن]

روح انثى الف مبروك والله يخليلك ولدك وتشوفيه عريس ياارب.

[توت برى]

السلام عليكم ورحمة الله وبركاته
كيفكم عسولات
الف الف الف مبروك روح انثى يتربى بعزك ان شاء الله
الله ينبته نبات حسن
ام عبودى الله يسهل امرك انا بالثامن ياقمر ومع هذا والله الطلق قاتلنى الله يعدى الشهر على خير والله اختى قلقانه عليه مسكينه تدق عليه وتقول الله يخليك لا تتحركين الين تدخلى التاسع والله مقدر تعرفون شغل الاطفال لازم اقوم واتحرك
بالله لاتنسونى بدعائكم والله محتاجه دعواتكم

[توت برى]

عيونو
انا لما كشفت عليه الاسبوع الى فات والله كانت رجولى ترقص مصرى من الخوف بس افتكرت كلام اختى تقولى عشان ماتحسى بشى استرخى وفكرى في شي ثانى صرت مغمضه عيونى واقول بنفس احنى اليوم كم في الثاريخ الا هى تقول الرحم مومفتوح يعنى حاجه خفيفه وسريعه اسأل الله لك التيسير والتسهيل