تجمع حوامل ليبيا

ام لقمان · 12-25-2010, 06:11 PM

كيف حالك ام سعد؟
ربى ايتمملك على خير
وانشالله عتبت خير
ويمتعك بالصحه وراحة البال

ام لقمان · 12-25-2010, 06:26 PM

خاطين وما تبوش اتردوا
سلامات

الايمان · 12-25-2010, 06:43 PM

السلااااااااااااااااااااااااااام عليكم كيف حالكن يابنات
كنت عند هلي في بنغازي خميس وجمعة واليوم روحت مع ان ما فيش حد سأل
يا بنات مشيت للدكتور فتحي من الساعة 11:30 مانخش الا الساعة 3 وبصراحة الدكتور ما عجبنيش واجد الحالة واضحة وهو يبي يدخلني في متا هات انا في غنا عنها عشان هكي قررت اني نمشي العيادة اهليس عند مبروكة زوبي او نمشي لدكتورة ايمان بوطلاق اين احسن يا ريت تفاعلن معاي وتجاوبني وايمان بوطلاق وين تمسك ويا ريت رقم العيادة

أم سعد · 12-25-2010, 06:57 PM

أم لقمان ... أهلين كيف حالك ... سلمك ياربي

الايمان .. والله أنا مانعرفه الدكتور وانتي ولمن ترتاحي أكيد .. والدكتورات والله مانعرفهم تمنيت اني نخدمك بس والله مانعرف

ميمونة · 12-25-2010, 08:18 PM

ربي يحفضهم ليك يام لقمان يارب

ღॐ آية ღॐ · 12-25-2010, 09:32 PM

اقتباس:

المشاركة الأصلية كتبت بواسطة ميمونة

السلام عليكم

كيف حالك ايه وحال وليدك وبنيتك انشاءالله مش متعباتك وعاش من شافك والحمدلله علي سلامة زوجك

وعليكم السلام
ميمونة نورتي التجمع وانا حالي باهي والحمد لله
وايوب ناقصه يدير جوانح سلامته
امآ اسولة فاشكلها والله اعلم مش مطوله هلبا في بطني
بنيتي اوكان تسمع كلامي تقعد في مكانها لين تكمل التاسع خيرلها والله
وربي يستر وخلاص

ღॐ آية ღॐ · 12-25-2010, 09:33 PM

عيون ان شاء الله لاباس عليك
وننصحك استعجلي بطهارت وليدك قبل ما يبدى يقعمز ويمرد
والله يتعبك بعدين...

ليبياقلبي · 12-25-2010, 09:51 PM

يسعد مساكم انا نفسيتي تعبانة هلبة هلبة ومن مبكري نبكي الدكتور قالي مياه البيبي ناقصة واعطيني دواء والله نفسيتي تاعبنة ادعولي بالله عليكم

عيون زوجي · 12-25-2010, 11:01 PM

اقتباس:

المشاركة الأصلية كتبت بواسطة ليبياقلبي

يسعد مساكم انا نفسيتي تعبانة هلبة هلبة ومن مبكري نبكي الدكتور قالي مياه البيبي ناقصة واعطيني دواء والله نفسيتي تاعبنة ادعولي بالله عليكم

الف لا بأس اعليك يا ليبيا
ماتخافيش معظم الحوامل تصير معاهم مشكلتك
اسمعي نصايحك دكتورك وماتشوفي شر لا انتي لا ابنيتك
انا في السابع كان عندي زيادة ماء الجنين
وفي بداية التاسع اتعدلت الكمية
ولله الحمد ولدي صحته كويسه
يارب ما تشوفي شر وسلامتك وسلامتها يارب

عيون زوجي · 12-25-2010, 11:03 PM

اقتباس:

المشاركة الأصلية كتبت بواسطة ღॐ آية ღॐ

عيون ان شاء الله لاباس عليك
وننصحك استعجلي بطهارت وليدك قبل ما يبدى يقعمز ويمرد
والله يتعبك بعدين...

الله يبارك فيك يا ايه...
انشاءالله ناويه انطهره الاسبوع هذا كان سخر ربي
ادعولي وادعوله بس
ويارب ينولكم ما تتمنوا كلكم يارب