ديوانية البحرين - دردشة حوامل البحرين - البحرينيات

[حبيبة حسوني]

ياعليييييييييي الله ساعدش بنت الاياويد
الله يسهل عليش يارب بحق محمد وآل محمد وبحق صاحب هاليله
شخباركم بنات وحشتوني
اما اني فيوميا مارجع من الماتم الا متيبسه
يالله على حب الحسين
كل شي ولا اهل البيت تالي هم الي بيحضرون ليي حزة الولاده وبيسهلون عليي:(

[فلونة]

سلااام بناات.. مأجوورين جميعا

شمووس.. انا سألتج عن الماتم لانه اسمعج قبل محرم تحاتين الروحة وانا في الماتم اجوف الحوامل واتذكرج لانج دشيتي شهرج واقول في خاطري الله يعينج .. بس كله اجر وثوواب وهالايام ما نقدر نقعد في البيت والله يعطينا الصحة ويقدرنا ونكمل العشرة في المواتم ..
والحكة في جسمي خصوصا في الليل قبل ما ارقد احس جسمي ياكلني ولازم اتسبح بماي دافي قبل مارقد عشان تخف علي بس مافي فايدة .. لازم احك

حنوون.. احين باطررش لج.. وبالنسبة لي اسم علي احلى بس ميثم بعد حلو والله يبلغج لليوم الي تجوفين فيه ولدج بصحة وعافية

احلااام ام طلعتي ملااااية هاا .. انا كنت اتعلم وانا اصغيرة بس ماعندي الجرأة وصوتي ما يساعد كلش ...

حبيبة حسووني .. انا اروح الماتم واقعد كل ساعة اغير قعدتي والي تقعد يمي اوترها كلل ماا يجوفوني افتر لانه بسرعة تنام ريلي .. بس شنسوي كل شي يهون لجل ابا عبدالله عليه السلام ..

بنت الاياويد .. الله يسهل علييج وكلنا قلوبنا معااج حبيبتي
طفلوو .. كلش ما وحشتينا يلا روحي منااك

[بنت الأياويد]

مساء الخير ، شخباركم ؟ توني راجعة من موعدي تقولي الله يعينج الجلد واصل حده متمدد للآخر بس مادري شفيها الياهل مو راضية تطلع تقولي معنه اليوم التاريخ كشخه هههه ، بس انا سمعت معلومة مادري صح او غلط الي موعد دورتها منتظمة تولد على التاريخ شرايكم في هالمعلومة؟

[بنت الأياويد]

تسلمين حبيبة حسوني وفلونة فديتكم الله كريم ان شاء الله والله يسهل علي وعليكم يارب العالمين بس انا حاسة بهالالم الي اييني ان قاعد يزيد يوم عن يوم وحاسة ان ولادتي جريب وكل ذي بأمر رب العالمين ، مفكرة على الساعه 8 اروح اتمشى شوي اخذلي جم لفه وانا راجعة البيت

[أم جعفر]

بحرينيات حلوات خبروني من منكن حملت بعد استخدام الكلوميد وكانت تتابع عند من؟
اني بحرينية ومأجورين بمصاب الإمام الحسين وإدعوا لي بالحمل بحق صاحب الليلة أبا الفضل العباس عليه السلام

[حنين للماضي]

المشاركة الأصلية كتبت بواسطة بنت الأياويد

تسلمين حبيبة حسوني وفلونة فديتكم الله كريم ان شاء الله والله يسهل علي وعليكم يارب العالمين بس انا حاسة بهالالم الي اييني ان قاعد يزيد يوم عن يوم وحاسة ان ولادتي جريب وكل ذي بأمر رب العالمين ، مفكرة على الساعه 8 اروح اتمشى شوي اخذلي جم لفه وانا راجعة البيت

الله بسهل عليش حبيبتي وتقومين بالسلامة
جان زين اني مكانش
ما باقي شيء واجوفين شيوخة بإذن الله ان شاءالله

اما اني سكتوا الحالة صعبة
كله ابي انام ودايخة حددددي
رغم ان انام زين وما اقعد من الصبح
وألم الحوض حدث ولا حرج
شكله راس ولدي مدخخ شوي من جدي اتألم واااجد من تحت(مصدقة روحها ويه هالدبة اللي جنها كرة سلة)

شموس اني موعدي الاولي نفسش وانتي الحين دخلتي التاسع
مايندرى اي موعد بيضبط
عجل المثل الناس في زلزلة هاا
وعلى طاري الخنافر ااي والله اني الصبح اذا بروح بيت ابوي وجهي تقولين جنه بطيخة متخفسة

احلام ام طلعتي ملاية عجل
الله يتقبل منش ان شاءالله وتقومين بالسلامة بحق هذه الليلة

فلونة شخبارش حبيبتي؟؟؟
اييي اكيد علي احلى بس في نفس الوقت الاخت خاطرها في ميثم لأن اذا بتلفظينه بالعجمي يصير كشخة ودلوعي (هبلة ساعات احس روحي)

حروف مابغيتين تدخلين
الله يكون في عونش ويخلي ليش كتاكيتش

روز وطف طف والذهبية مابينوا؟؟؟؟

[شمس الصباح]

مأجورين كروشات

اليوم تسمعت ثلاث محاضرات عاد قعدتي تضحك ومثل ما قالت فلونة كل دقيقة قعده ولا ملوكه من اروح الماتم تقعد تحوس احس بطني يتحرك واستحي والناس خب من تشوفني ادخل من الباب تطالع لاني كلش موصله حدي مشيتي حدث ولا حرج
الله يسهل علينا أجمعين بحق غربه الأمام الحسين (ع)

حنووون اي اني بعد قاعده افكر اقول يمكن انتي تولدين قبلي لان الدورة جت ليش قبل بس أقول جهزي شنطتش لا تتورطين اني زوجي من الحين يسئلني متى بتدخلين التاسع يحسب من ادخل التاسع بولد شكله محد بيطفشني في التاسع غيره لان بسرعه يبغي بنته تطلع

اي الليلة ما نسيتكم من الدعاء وبالخصوص أحلام أم وبنت الأياويد

[شمس الصباح]

اي حنوووون انتي عجميه عندي صديقتي عجميه ومثل ما قلتي اولادي اسمهم بالعجمي للدلاعه احله الحين ملاك محتارة اشلون ادلعها ملاكي او ملوكه او ملكوت

[خجول وردي]

بنات و الله بستخف :(
شوفوا لي حل !
انا حسبت متى اخلص الشهر الثالث في أحد المنتديات المسؤولة عن هالشي قالت لي انه نهاية الإسبوع 12 نكون مخلصين الشهر الثالث و بداية الإسبوع 13 داخلة الرابع
رحت احسب بمواقع أجنبية ، يطلع لي .. في واحد اني اخلص الشهر الثالث تاريخ 17 - 12
مع العلم اني اخلص الإسبوع 12 اليوم
و موقع يقولي .. اسبوع 13 آخر اسبوع لي في المرحلة الأولى اي الثالث وانه من الإسبوع 14 .. الشهر الرابع
و المشكلة متورطة لأني ماعرف متى آخذ الحبوب النوع الثاني اللي عطتني الدكتوره :(
ساعدوني الله يخليكم ، لأنه لو مشيت ع حساب البنت المفروض آخذه بكرا
وانا ماعندي اخد اسأله يساعدني ، و للعلم اول يوم من آخر دورة ليي كانت تاريخ 19 - 9 - 2010
و آخر يوم كان 23 - 9 - 2010
و اليوم كملت 12 اسبوع بالتمام و الكمال

[طفلي حياتي]

السلام عليكم
مــــــــأجورين..........شخباركم وشخبار اليهال
انيم الي خلق ارد على كل وحده ماقدر تعبانه حدي
وفلونه لاتسألين ادري ما وحشتش عيل داك اليوم تشوفيني مني وتشيلين عليه مني لكن ماعليه قولي هالمره فيش اسهال لو امساك ماحد لش
بنوته ياخلف جبدي ماعليش شر مانسيتش من الدعاء يارب تقومين بالسلامه وتكملين العشره بخير
وحشتيني عدل
باقي البنات من داست شمس على دفتي نتفتها بنعالها الحزر وغربلتني استحي امشي بها واخاف البس الدفه الثانيه تسوي فيها مثل الشي
ولا تنسوني بنات منالدعاء يتم حملي على خير الوسواس لازال قائما ابغي اشوف هالجنين سليم في السونار وابغي اولده طبيعي واربيه واستانس عقب انتظاري
موفقات لكل خير بحق ابوفاضل سلام الله عليه.....باب المراد هالبطل