تجمع حوامل الأشهر الأخيره(السابع,الثامن,التاسع)

بسبوسه2 · 08-29-2012, 07:04 AM

صباح الخير كروشات الله يهون عليكم كلكم وتقومون بالسلامه
وان شالله انا الي بخونكم هاليومين هههههه
بحوره كيفك ياحلوه والله يعينك مع السهر هاذا الي احاتيه من الحين بس احسن شي تسويه اذا نام ولدك اي وقت نامي معه ماعليك من احد اهم شي صحتك النوم ضرورض
بيري اهلين ياقلبي مبروك ختان ايهم وانا احب اطلع من المستشفى مختنه اولادي عشان يادوب يخف الجرح
وبالنسبه للخياطه اذا انتي متأكده انها مفتوحه روحي الدكتوره احسن انا صارت لي مره طاح الخيط ولا التأمت الخياطه والمفروض رحت بدري للدكتوره عشان تسوي لي كيي ولكني تأخرت بعد الاربعين وقالت بعطيك جل ومراهم والله يعينك تتحملين لين تولدين مره ثانيه وتصلحها لك الدكتوره

اتغذي زين وخلي عنك الشغل والارهاق موزين للجسمك بعدين تتحسفين ليه ماولدتي عند اهلك

AlshooG · 08-29-2012, 07:10 AM

بنات انا اي شهر بالضبط والله مو عارفه شيء

هنا بامريكا مايقولون لك حملك بالشهر
يعطوني بالاسبوع وبكره اكون 29 اسبوع

بسبوسه2 · 08-29-2012, 07:11 AM

اقتباس:

المشاركة الأصلية كتبت بواسطة غلاج بقلبي

صباياا شنوو يزيد الطلق لانوو بارد عندي وبنفس الوووقت مؤلم يرووح ويرجع والبيبي يضغط علي اسفل
ويألمني زيادة .. كل يوم امشي ساعه واجلس ارييح واكل تمر وعسل والرحم للحين مثل ماهوو 2 سانتي
ادري انوو مابقي شي واولد بس هاليومين اللي مرو حيييل متعب علي والحركه تألمني

غلاج الله يهون عليك انتي رحتي كشفتي مره ثانيه يمكن يكون الرحم انفتح زياده وترا مع الكشف كل شوي يزيد الطلق وينفتح اكثر
وغريبه طلعوك المسشتفى وانتي فاتح عندك 2انا اذا فاتح عندي ثنين مايطلعوني اكلي عسل بعد ماتقري فيه ايات وادعية الولاده وربي يهونها عليك

بسبوسه2 · 08-29-2012, 07:15 AM

اقتباس:

المشاركة الأصلية كتبت بواسطة alshoog

بنات انا اي شهر بالضبط والله مو عارفه شيء

هنا بامريكا مايقولون لك حملك بالشهر
يعطوني بالاسبوع وبكره اكون 29 اسبوع

اهلين حبيبتي
انتي اتوقع بنهاية السادس او بداية السابع
حتا هينايالسعوديه يحسبون بالاسبوع

ونادر انهم يحسبون بالشهر

AlshooG · 08-29-2012, 07:15 AM

وينكم انا باي شهر وكم بالضبط

AlshooG · 08-29-2012, 07:16 AM

بسبوسه يسلمو فديتك والله يسهل عليك يارب

وميض النجوم · 08-29-2012, 08:59 AM

29 اسبوع يعني في آخر السابع تقريبا لان 31 اسبوع تدخلين الثامن

بحر الالماس · 08-29-2012, 09:17 AM

29 اسبوع صححح زي ماقالت اختي وميض انت بالاسبوع 3 من السابع يعني اخر السابع
ربي يقويك ياقلبي

غلاج بقلبي لا توقفي قراءة القران وانفخي علي موية وعلي عسل وعلي بطنك
تري من جددد العسل له فوائد عظيمةةة بس مايحس فيها الانسان

بيرررري ارتااحي ياعمرري انت مثلي ماتقدري تمسكي نفسك حتي وقت تعبك
الله يهديك وبعدين الجرح اذا انفك محتاج عنايةةة بس ليتك تستشيري الدكتورة احسن
معاكم ياغالياااات بقلبي وروحي وانتظررر ولادتكم السعيدةةة

نادرة · 08-29-2012, 11:13 AM

صباح الخير

غلاج خلي معك حلتيته وشميها كل شوي لين تخلصين ولاده
لانها تفتح الرحم بسرعه ، حتى السستر اللي عندي يوم اولد قالت لي كذا

فوفو85 · 08-29-2012, 11:26 AM

اقتباس:

المشاركة الأصلية كتبت بواسطة طيبتي أكبرهمومي

فرفر ترى من قبلك أعاني كذا ما غير الا اشرب لي شوربه شوفا ن دافئ وأكل احيانا حبوب بنادول من السادس الى السابع يسوي لي كذا لدرجه أني ابكي منو وأصرح وبعدها خف
والحمدالله على حال
الله يهون عليكم ويقومكم بسلامه

مشكوره اختي طيبتي اكبر همومي على تطمينك وانتي بعد ربي يهون عليك ويفرحك بشوفه طفلك سالم معافى
امس رحت للدكتور وقال لي سبب الالم انه الطفل ضاغط على الجهه اليمين من الرحم وضاغط على اعصاب الرجل اليمنى هذا اللي مسبب لي الالم وقال لي اخذي بنادول عشان يخفف الالم وان شاء الله يرجع عادي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ألم الحوض في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	42	09-09-2014 05:45 PM
دوالي الساقين لدى الحامل في الأشهر الأخيره	سماسم	إستفسارات حوامل من الشهر السابع إلى الشهر التاسع	9	07-06-2014 07:31 AM
تجمع حوامل الأشهر الوسطى(الرابع,الخامس,السادس)	سماسم	إستفسارات حوامل من الشهر الرابع إلى الشهر السادس	28122	06-15-2013 08:36 AM
الإفرازات الدمويه في الأشهر الأخيره من الحمل	سماسم	إستفسارات حوامل من الشهر السابع إلى الشهر التاسع	12	05-17-2012 05:38 PM