.·¤ تجمع الحوامل اللي ولادتهم في محرم¤·.

[Marawy]

مشاعل ،، الحمدلله على سلامتكم ،، ديري بالج على نفسج وادعي لنا ربي يسهل ولادتنا يارب ،،


مريم ،، انا اشتريت ملابس لي من (ماكس) جهة الحوامل ،، حتى البجايم حلوة وراهيه ومريحه ،، احب ملابسهم ،،


اعز ،، ههههههه انا صدري كبير وصار اكبر مع الحمل ،، مدري شلون بيرجع يصغر ،،

[Marawy]

اميرة الورد ،، ههههههههههه حلوه احلمي يا ريم ،، حبيتها الجمله هههههه يعني بكل الحالات ما راح تسمين التوينز ،، ربي يقومج ويقوم التوينز بالسلامه ،، وهذا اهم شي ،، والا الاسامي احسها مو مهمه عندي كثر سلامة البيبي وامه ،،

لو حابه تقنعين زوجج ،، حاولي تصورين فيه وهو غافل بكثره ،، وعدلي على الصور بالفوتوشوب وخليهم يكونون (وااو) وبعدين رويه الصور وقولي له شوف شلون حلو طالع بالصوره ،، مره بعد مره راح يتحمس هو اكثر وراح يطلب منج تتصورين معاه اكثر ،،

عادي فديتج مع الحمل الحساسيه تزيد عندنا ،، وزوجج على نياته وشكله طيب عشان جي مايفسر كلامهم تفسير ثاني ،، والله لو بتفكرين بكلامهم بتتعبين ،، وكل مولود يجي ورزقه معاه ! ليش هالتفكير ان الابو بيتعب بالحفاظات والحليب ! وانتي يعني ما بتتعبين بالتربيه والشيل والحط !! لاحول الله ،، الله يهديهم ان شاء الله ولا تحطين ف بالج عشان ما تتعبين نفسيتج ،، دوم اقري على نفسج المعوذات والرقيه الشرعيه ،، بدل ما يفرحون لج يفكرون بالفلوس !

[Marawy]

ام يارا ،، حي هالطله ،، وين الغيبه ياحلوة ؟ خوفتينا عليج وعلى النونو ،، شخبارج وشلون النونو ؟ طمنينا عليج ،،
ديري بالج لا يضيع جوالج ،، انا ما احب اتصور بالجوال كثير ،، الا إذا مع زوجي بس ،، اكثر صورنا بالكاميرا ،، والله من فتره بنت خالي مسكينه كانت بالمجمع وانسرق جوالها ولما شغلوا الكاميرات طلع سعودي وزوجته بمجمع السيف وسرقه وهو ماشي ،،! مسكينه تعبت حيل لان كل صورها وصور اهلنا فيه ،، والله انها ضعفت وصارت ما تاكل والسبب هالشي ،، تقول ما ابي الجوال بس ابي الصور يمسحهم ! حسبي الله ونعم الوكيل فيه ،، الله بيرويه بزوجته واعياله ،،

[دلع الأحساء]

المشاركة الأصلية كتبت بواسطة marawy

بنات اليوم رحت لموعدي عشان اروي دكتورتي نتيجة الالتراسوند اللي سويته امس ،، وتقول ان البيبي صغير :( ولازم اتغذى عدل ويفضل اني ما اصوم ،، لان حتى الزياده في وزني مو وايد ،، ازيد شوي شوي ،، بس مدري ليش تقول البيبي صغير ! وقالت لي كثري من الاكل المفيد مثل الدجاج اللحم الخضروات والفواكه وهالسوالف ،، واهم شي الحليب ،، وقالت لي افطري ،، بس انا بصراحه ما رضيت قلت لها ما باقي شي دكتورة ليش افطر ! قالت براحتج بس توعديني تاكلين عدل ،، وانا احاتي وافكر وايد ،،

بسألكم كم وزن نونواتكم ؟ وكم المفروض يكون الوزن الطبيعي لهم الحين ؟؟

مراوي كملي صيام ياحبيبتي مابقى شي

ودقيها دق في الليل اكلي لين بطنك ينفجر خخخ

ومادري بخصوص البيبي بس انتي في الاسبوع 24 يعني المفروض وزنه يزن الجنين أكثر من 600 غرام.


واحسن لك صغيره عشان بسرعه تطلع ماتعذبك وقت الولاده

ويقلون ان التمر يسمن البيبي

اكلي كل يوم 5 تمرات

[دلع الأحساء]

المشاركة الأصلية كتبت بواسطة marawy

اي نسيت صح ،، تقول بعد الدكتورة اني ماتطعمت عن الحصبه الالمانيه ! استغربت بصراحه وقلت لها متأكده اني تطعمت واخذت الابره ،! قالت ممكن اخذتيها بس ما صارت عندج مناعه ،! وبعد الولاده لازم اخذها وامنع عن الحمل لمدة 4 شهور ،، وقالت ما تضر الحين بس احاول ما اختلط بالناس في الاماكن المزدحمه ،، خوفتني اكثر ،،

شهدكتوره ذي الصراحه اسلوبها يخوف ويجيب القلق

انا ماتطعمت واصلا انصحتني الدكتوره ما اخذها لان قالت انتي سقطتي 3 مرات

و الأحوط انك ماتخذينها

صدقتي خذتها وقالت دكتورتها لاتحملين شهر كامل

وصدقتي تمت شهرين ماحملت وبعدها حملت وحصل اجهاض

[Marawy]

اللهم احفظ كل امرأه تحمل في بطنها جنين ،،
و اجعله كامل الخلقه بلا زياده ولا نقصان ،،
و اجعله من الذريه الصالحه ،،
و اللهم ارزق كل محروم يارب العالمين ،،

امين يارب ،،

[دلع الأحساء]

المشاركة الأصلية كتبت بواسطة Marawy

دلع ،، ربي يبارك فيج فديتج ،، اشوه انج رجعتي الاغراض للسوق ،، ارتحتي ،، والمرات الجايه تحملي تاخذين شي الا وانتي متأكده من قياسه او متأكده منه شلون نتيجته هههههه ترا مو كل مره تسلم الجره ،،
حلو الفازلين بس اللي انا استخدمه كريم من فازلين علبته طواليه ولونه ابيض مو شفاف مثل هذا ،، يعني كريم تشربه البشره مو لزج مثل هذي النوعيه ،،


من جد الواجب صار طوويل ،، غلطة حياتي اني ما ادخل ههههه بس شسوي وقتي مو لي والله ،،

ههههههه على طاري الحكه والله وصلت العدوى حتى لصدري ،،! اعوذ بالله ،، شي يقرف ،، اقول لأمي كأن ناشب لي قراريص يقرصوني ف صدري !! من كثر الحكه شوي واطلعهم من ملابسي ههههههه !
وابشرج شوي شوي بدت الحكه في ظهري بعد (شكلها بتقضي علي) هذا لين اولد جلدي بيقلب خريطه !

تصدقين ضابط عليج اسم (ام محمد) اكثر من (ام انس) ،، احسه مناسبج حيل ،،
لو قضيتي اغراض النونو الحين بتصيرين مجنونه ،، هههههه والله اني احس نفسي صرت مجنونه ،، قضيت الاغراض وخلصت والحين بس اشوفها واتحرى النونو يطلع ،، والله ودي اليوم قبل باجر اولد كل ما اشوف الملابس والاغراض ،،

روعه التسريحه ،، ولما اشوفها جي احسها سهله بس وقت بسويها بتطلع حووسه وكأن قطوه لاعبه بشعري هههههه ،،

انا وزوجي كل عيد يمر علينا لازم نتصور باستيديو ،، غير الكاميرا شغاله 24 ساعه هههههه ،، والالبومات صارت تاخذ مكان بالبيت من كثرها ما شاء الله ،، والحين البوم النونو زاد عليهم ،، وحاطه فيه كل صور الالتراسوند اللي سويتها وحتى اوراق المواعيد ،،


لا تحطين مزيل للعرق بصدرج ،، خصوصا ان الحين يتكون الحليب فيه ،، مره قريت ان المفروض نستعمل صابون خاص للصدر مو اي صابون ،، بس انا اغسله عادي بصابون الجسم السائل اللي استخدمه لجسمي ،، لكن احاول اتجنب المزيلات والعطور وهالسوالف ،، اللهم الكريم عشان ارطبه عن التشققات ،، والريحه هذي مع كبر الصدر تطلع ،، والله يعيننا بالنفاس ،، تقول امي دوم تحسين بالحر وتعرقين خصوصا لما ترضعين ،، غير الستيان تصير ريحته عرق وحليب بنفس الوقت ،، مدري وش بنسوي حزتها ،، انا الحين وبالدقيقه ادخل الحمام واغسل صدري وجسمي بالماي والصابون والقهر اني بس اطلع من الحمام الله يعزج ارجع اعرق !

الفازلين هذا نفع وياي لان بشرتي حييل جافه احط واجد وبسرعه تجف

ههه اما انتبهي لا تنسين وتطلعين صدرك وتحكينه هههه

اما بخصوص السونار وصور البيبي في الرحم انا بس احتفضت بأخر صوره لان واضحه وباين كل جسمه

اما الباقي مو باين إلا اجزاء

مادري احس ماينفع لزوم احط مزيل عرق والحليب بدري اذا جيت ارضع بهون مب احط مزيل عرق بس الحين عادي شدعوه بيدخل المزيل العرق داخل العروق

مراوي لاتصيرين وسواسيه بزياده غطيتي علي ههه

[Marawy]

اي والله دلع ،، انا بصراحه رافضه فكرة اني ما اصوم ،، خصوصا ان ما بقى شي على رمضان يخلص !!
اليوم حاولت اكثر شوي من الاكل ،، بس مو متعوده على جي ! احس نفسي صرت بالونه ههههه ،،

وزن البيبي الحين 600 وشوي ،، يعني اتوقع زين بس مدري ليش هي مستعجله عليها تبيها تكبر بسرعه !
بحاول اكثر من التمر والرطب ،، وامي قالت لي اكلي علك اللبان يزيد وزن النونو ،، وكثرت حليب بعد اليوم ،،

اي والله خوفتني ،، لان هذي مو دكتورتي لما دخلت انصدمت انها دكتوره غيرها ،، اضطريت بعدين اطلع من عندها واروح لدكتورتي بغرفتها واقول لها السالفه ،، قالت تطمني ما يخوف هالشي ! وكل شي طبيعي وهالابره تاخذينها بعد الولاده ولازم ما تحملين 4 شهور ،، نوصف لج حبوب منع الحمل ،، قلت لها والرضاعه ؟ ماتؤثر ! قالت لا ما تؤثر على الرضاعه ،، لكن الدكتورة هذيج صبت قلبي ،، حسستني انه فيني مرض ! حسبي الله عليها ،،

[Marawy]

ههههههههههههههه اماا غطيت عليج بالوسوسه هههههههه والله مو مني ،، من هالبلاوي اللي نسمعها كل يوم ،،
وتعرفين احنا نفس المتخرعات ههههه ما صدقنا حملنا ،، صرنا نخاف من كل شي ،،

دام بشرتج جافه زين تستعملين هالنوع ،، لأنه يرطب اكثر ،، والصدر والله متعبني ،، اتضايق من الستيانه وحتى لما افصخها اتضايق منه والسبب التعرق اللي مال امه داعي ! مدري شسوي فيه ،، ودي اعلقه فوق ههههههههه عشان ما اتعرق ،!

[دلع الأحساء]

المشاركة الأصلية كتبت بواسطة marawy

اي والله دلع ،، انا بصراحه رافضه فكرة اني ما اصوم ،، خصوصا ان ما بقى شي على رمضان يخلص !!
اليوم حاولت اكثر شوي من الاكل ،، بس مو متعوده على جي ! احس نفسي صرت بالونه ههههه ،،

وزن البيبي الحين 600 وشوي ،، يعني اتوقع زين بس مدري ليش هي مستعجله عليها تبيها تكبر بسرعه !
بحاول اكثر من التمر والرطب ،، وامي قالت لي اكلي علك اللبان يزيد وزن النونو ،، وكثرت حليب بعد اليوم ،،

اي والله خوفتني ،، لان هذي مو دكتورتي لما دخلت انصدمت انها دكتوره غيرها ،، اضطريت بعدين اطلع من عندها واروح لدكتورتي بغرفتها واقول لها السالفه ،، قالت تطمني ما يخوف هالشي ! وكل شي طبيعي وهالابره تاخذينها بعد الولاده ولازم ما تحملين 4 شهور ،، نوصف لج حبوب منع الحمل ،، قلت لها والرضاعه ؟ ماتؤثر ! قالت لا ما تؤثر على الرضاعه ،، لكن الدكتورة هذيج صبت قلبي ،، حسستني انه فيني مرض ! حسبي الله عليها ،،

يؤ دام جنينك وزنه 600 واكثر يعني طبيعي

خلاص عمريا اكلي عادي ولا تكثرين تمر ورطب بس قولت لك 5 تمرات او 5 رطبات في اليوم

وماعليك منها ترى وزنه طبيعي حيييل