دردشة بنات العراق, دردشة حوامل العراق , تجمع بنات العراق

فوفو العراقية · 10-24-2012, 04:15 PM

امرأة
ما انصحج تولدين بالبيت لان خطررررر
لازم بالمستشفى
ربي يسهل عليج
ولو قصدج فترة النفاس ف ألافضل عند اهلج.

فوفو العراقية · 10-24-2012, 04:18 PM

اني اليوم مكتأبة كلش
وريد ابجي
منو جاي على بالها تبجي تجي يمي نطك راس براس.
هههههههههههه
الله لا يجيب دموع ولاحزن ويارب دوم الفرح للجميع.
بس صدك ضااااايجة.

امرأة الفرح · 10-24-2012, 04:37 PM

سلامة قلبج عيوني ليش تبجين ..
وطبيعي اولد بالمستشفى
بس قصدت النفاس
تسلمين حبيبتي

ام مهدي22 · 10-24-2012, 08:38 PM

ولج فوفو خلي همج علئ همي وخلي رنود اجيب اكلينس
ولصبح ابجي هئ

ام مهدي22 · 10-24-2012, 08:39 PM

رنود ووحي يم أهلج والله احسن
لان اني ماكله عسل وكلبيها
ياريت ماما لو وحده من خواتي
يمي

ام مهدي22 · 10-24-2012, 08:54 PM

إها نسيت اكللكم اني عندي 8 اخوات واني الاخيرة
وإخوان 3 وكلهن مزوجات ماعدى وحدهاتكول من اشوفوني
كاعده اكدي على الجسر كولوا هذي بس فكرت بالزواج
ههههعععع شافت ضيم أخواتها وكتئبت البت خخخخخ
والله احسن الها موضفه وعدها راتب وكل شهر
سفره اشعدها بالواق والويق

فوفو العراقية · 10-24-2012, 10:20 PM

هههههههه أم مهدي الله يعينج يارب
تعالي نسويها مناحة على شنو ماعرف هههههه

حبيبتي الله يخليلج اهلج ويخليج الهم
اني عندي 7 إخوان واني ثامنتهم 2 أولاد و6 بنات
كلهم بكندا ومشايفتهم صار 17 سنة
بس أختي الأصغر مني ب 4 سنوات جتي من كندا
وتزوجت ابن خالتي بالسويد
وشوفها كل كم سنة مرة وحدة
الله يجمعنة بهلنة وبلدنة اللهم أمين.

فوفو العراقية · 10-24-2012, 10:24 PM

أم مهدي
اشكد ناوية تسوين أطفال ؟
7 لو 8 ؟؟؟؟؟
ههههههههههههههه
الله يعين أمهاتنا.

بدور السماء · 10-25-2012, 12:13 AM

مرررررررررررررررحبا بناتي شلونكم
وحشتوني وحشتوني وحشتوووووووووووووووووني
خايبة انت الوحشتينا طمطم طحطح طمطم طحطح
ولج ام مهيدي شنو هالكمر ولج ما اسمحلج تكولين على ابني فارة والله اسلط عليج جريدي يطين عيشتج ههههههههههه
حبي الله يخلي انشالله ويحمي من كل شر هو واهله
ساروه ورنودوه وشهودوه وميوشوه وميوسوه ومراووه وام ايهوميوه هاي شلون دبرتيهة ام ايهيموه
على كل شلووووووووووووونكم والله مشتاقتلكم واجد واجد ومكاعد يصيرلي مجال الحك بيكم واكعد وياكم بوقت تدرون البيت والشغل الي ميخلص وانا ماعندي مجال اكعد بس بالليل وانتو تنابل الكاكم كلكم نايمات وتشوخرون
وانا صارلي اسبوع اركض وارجع لورة لان بيت خالي جم سكنو بحديثة من بغداد
لان ابنهم خطية انخطف وهجو ومتلهين وياهم نساعدهم وانوبة اجة العيد وتعرفون التحظيرات من التعزيل للنتظيف للكليجة والكشخة
هههههههههه
الغي هواي مووووووو والله ادري بس غير اعوض الي فات
وفي الختام تقبلو تحياتي انا بدور القيسي وكل عام وانتم بالف الف خيييييير
وعيد سعيد رمضان ههههههه
على فكرة انا كاعدة اسمع حجي عن العبيديين ولكم انا هم رجلي عبيدي طلعت مو بس انا اعاني من العقد مالهم

White angel · 10-25-2012, 10:56 AM

هلوووووووووووو بنات شلونكم اخباركم
كل عام وانتو بالف خير
يارب ينعاد عليكم بكل صحه وسلامه
يوم الجيبوبات النه الي ماجايبات ويوم الي يحملن فروووووووووووووووووحه وبدوووووووووره ويفرحونه عاد
ويوم زواج ولدكم وبناتكم يلي جبتو خخخخخخخخخخخخخ

بنات مصيبه وطاحت على نوري المصخم
صار 3 ايام بدت عندي حكه خفيفه
واليوم ذبحني وموتني
حكه قويه واضافه الى اني كل شويه مبدله الملابس الداخليه
يعني حظي من اريد اجيب تصي عندي التهابات
وافوت تكرمون للحمام
واملي مي وملح واغسله بي
كمت اكمز من الالم
شسووووووووووي لحكوني برايكم مااريد اتبهذل هسه من بعد مبقى لي شي واجيب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM