.·¤ تجمع الحوامل اللي ولادتهم في محرم¤·.

[اعز الناس عافوني]

المشاركة الأصلية كتبت بواسطة Marawy

اعز الناس ،،

ربي يسمع منج ياقلبي واتوفق ،، هههههههههه انا نمت وصحيت ونمت وصحيت ههههههه وانتي للحين تقرين ،، لو انا منج اعتزلت القراءه ههههههههه فديتج ،، اي والله احسن هالطريقه لان انا انسى وما اقدر اثبت بالاسامي والسوالف ،، الموضوع متعب ومب هين ههههههه واحنا من غير شي وضعنا حرج مع النسيان الحين ،!

عليج بألف عافيه الملابس يا قلبي ،، وشفتي شلون هذي ضريبة الامومه ،، انا صدري من قبل كان كبير ما شاء الله والحين احسه طفح خلاص ههههههههه وتقول لي امي بعد الولاده بيصير يابس عشان ترضعين ،، الله يستر ،، شكلي ولا لبس بيكون كبري كلهم ضيقين ناحية الصدر ،،
قبل لا احمل كنت مفكره اروح اسوي عملية تصغير للصدر نفس اختي لانها سوتها وارتاحت منها ،، بس قالوا لي اصبري تعيلين بالاول وبعدين فكري ،، الحين احمد ربي مليون مره اني ما سويتها لان بجد بخاطري ارضع طبيعي احس شعور حلو ،، هو الحمل بروحه شعور حلو على اللوعه والغثيان والتعب بس حلو ،، شلون الرضاعه وشوفة النونو ،، ياقلبي عليهم انا ،،

ههههههه شكله زوجج انزعج وفكر تفكير عميق وقال الحين كل هالحوسه عشان 200 ههههه بس حلوة كرشني بدون مايقصد هههه ياحبي لج ،،

نوم العوافي فديتج ههههههه والكروشات لما تقولين لهم صيروا هادئات ولا تكثرون صفحات تجيهم الحكه ههههه غصب طيب يزيدون الصفحات ،، لازم تسكتين عنهم ههههه

من جدد صدقتي ماقلت هدو الا صاارو نشيطين ماشاء الله وصلو 600 بيوم بس
اخر مره اقووله ههههههه

اما الصدر اناصدري صغير بس مع الحمل كبر

[دلع الأحساء]

اعز انا من زود ماصدري كبر قامت تجيني الحكه فيه من التمدد

عكس الناس الناس تجيهم الحكه في بطنهم من التمدد انا في صدري ههه

واحس من كبر صارت تطلع له ريحه شينه ازهق منه

معن ماضل مزيل عرق ماحطيته فيه ونفس الشي ماينفع تطلع ريحه مو طيبه

كأنها ريحت رقبة الاطفال المولودين لصارت متصفطه

مادري وش الحل وياه

حتى الريحه قامت تلزق في الستيان

[دلع الأحساء]

مراوي مادخلت من امس

الواجب عليها صار طويل حييل ههه الله يساعدها

[Mishael]

والله الواجب صار طويل علي انا ،،بس اذا رجعت لبيتي قريته كله شخباركم واخبار النونوات ،،مكه زححححححححححححححمه اول مره اجيها برمضان تكون كذا السنه هذي غييييير زين اني مانويت العمره كلن يمكن ميته ،،مشاءالله كأن فيه تسريحات وملابس وفساتين واشياء حلوه منزلينها

[دلع الأحساء]

هلا فيك ميشووو ولا تنسينا من دعائك

يب يب في الي تبين كلو عشانك نسمكرك للعيد هههه

[Marawy]

بنات اليوم رحت لموعدي عشان اروي دكتورتي نتيجة الالتراسوند اللي سويته امس ،، وتقول ان البيبي صغير :( ولازم اتغذى عدل ويفضل اني ما اصوم ،، لان حتى الزياده في وزني مو وايد ،، ازيد شوي شوي ،، بس مدري ليش تقول البيبي صغير ! وقالت لي كثري من الاكل المفيد مثل الدجاج اللحم الخضروات والفواكه وهالسوالف ،، واهم شي الحليب ،، وقالت لي افطري ،، بس انا بصراحه ما رضيت قلت لها ما باقي شي دكتورة ليش افطر ! قالت براحتج بس توعديني تاكلين عدل ،، وانا احاتي وافكر وايد ،،

بسألكم كم وزن نونواتكم ؟ وكم المفروض يكون الوزن الطبيعي لهم الحين ؟؟

[Marawy]

اي نسيت صح ،، تقول بعد الدكتورة اني ماتطعمت عن الحصبه الالمانيه ! استغربت بصراحه وقلت لها متأكده اني تطعمت واخذت الابره ،! قالت ممكن اخذتيها بس ما صارت عندج مناعه ،! وبعد الولاده لازم اخذها وامنع عن الحمل لمدة 4 شهور ،، وقالت ما تضر الحين بس احاول ما اختلط بالناس في الاماكن المزدحمه ،، خوفتني اكثر ،،

[Marawy]

دلع ،، ربي يبارك فيج فديتج ،، اشوه انج رجعتي الاغراض للسوق ،، ارتحتي ،، والمرات الجايه تحملي تاخذين شي الا وانتي متأكده من قياسه او متأكده منه شلون نتيجته هههههه ترا مو كل مره تسلم الجره ،،
حلو الفازلين بس اللي انا استخدمه كريم من فازلين علبته طواليه ولونه ابيض مو شفاف مثل هذا ،، يعني كريم تشربه البشره مو لزج مثل هذي النوعيه ،،


من جد الواجب صار طوويل ،، غلطة حياتي اني ما ادخل ههههه بس شسوي وقتي مو لي والله ،،

ههههههه على طاري الحكه والله وصلت العدوى حتى لصدري ،،! اعوذ بالله ،، شي يقرف ،، اقول لأمي كأن ناشب لي قراريص يقرصوني ف صدري !! من كثر الحكه شوي واطلعهم من ملابسي ههههههه !
وابشرج شوي شوي بدت الحكه في ظهري بعد (شكلها بتقضي علي) هذا لين اولد جلدي بيقلب خريطه !

تصدقين ضابط عليج اسم (ام محمد) اكثر من (ام انس) ،، احسه مناسبج حيل ،،
لو قضيتي اغراض النونو الحين بتصيرين مجنونه ،، هههههه والله اني احس نفسي صرت مجنونه ،، قضيت الاغراض وخلصت والحين بس اشوفها واتحرى النونو يطلع ،، والله ودي اليوم قبل باجر اولد كل ما اشوف الملابس والاغراض ،،

روعه التسريحه ،، ولما اشوفها جي احسها سهله بس وقت بسويها بتطلع حووسه وكأن قطوه لاعبه بشعري هههههه ،،

انا وزوجي كل عيد يمر علينا لازم نتصور باستيديو ،، غير الكاميرا شغاله 24 ساعه هههههه ،، والالبومات صارت تاخذ مكان بالبيت من كثرها ما شاء الله ،، والحين البوم النونو زاد عليهم ،، وحاطه فيه كل صور الالتراسوند اللي سويتها وحتى اوراق المواعيد ،،


لا تحطين مزيل للعرق بصدرج ،، خصوصا ان الحين يتكون الحليب فيه ،، مره قريت ان المفروض نستعمل صابون خاص للصدر مو اي صابون ،، بس انا اغسله عادي بصابون الجسم السائل اللي استخدمه لجسمي ،، لكن احاول اتجنب المزيلات والعطور وهالسوالف ،، اللهم الكريم عشان ارطبه عن التشققات ،، والريحه هذي مع كبر الصدر تطلع ،، والله يعيننا بالنفاس ،، تقول امي دوم تحسين بالحر وتعرقين خصوصا لما ترضعين ،، غير الستيان تصير ريحته عرق وحليب بنفس الوقت ،، مدري وش بنسوي حزتها ،، انا الحين وبالدقيقه ادخل الحمام واغسل صدري وجسمي بالماي والصابون والقهر اني بس اطلع من الحمام الله يعزج ارجع اعرق !

[Marawy]

ملكتني بهمسك ،، انا اشتريت مشد نفس الاول تقريبا بس يكون يتسكر من قدام (تشك تشك) ههههههه ان شاء الله فهمتي علي ،، قصدي لزاق ،، هههههه ان شاء الله يفيدني ،،

ربي يبلغج باعيالج ياربي ويعوضج عن حرمانج من اقرب الناس لج ومن كل شي خسرتوه يارب ،، وان شاء الله تشوفين الفرحه فيهم يارب ،، والله احس قلبي انقبض لما قريت اللي عانيتي منه ،، فديتج ما تستاهلين الا كل خير ،، الناس صارت تمشي ورا مصالحها الله يهديهم والحمدلله ان ربج عوضج بهالاولاد والبنات وزوجج وان شاء الله يشيلونج ويبرون فيج ،، وما يروح تعبج ع الفاضي يا عمري ،،

اي والله صدقتي ،، الوسوسه خليها على جنب ،، اوقات اسمع شي واطنش بس لما يجي وقت النوم افكر فيه واقعد اوسوس ،، هههههه حاله نفسيه ،،

حلوين الملابس ،، احب اشوف ملابس النونوات ،، لما شفت الصور رحت لدولاب النونو وقعدت اشوف الملابس للمره المليون هههههههه >>> لين الولاده بتوصل ال5 ملايين ،،!
صار ودي اجهز الشنطه من الحين ،، ههههههه بس تعوذت من ابليس وقلت اجهزها وزوجي صاحي ومعاي احسن ،،
كرشتي الحين صارت تبان ههههههه ،، بس شكله مشواري طويل يا اختي !! هههه روعه فساتين الحمل ،، اجسامهم تناسب ههههه مو اجسامنا ! هم بس الكرشه تكبر ،، احنا نروح بالعرض والطول والوزن وكل شي هههه !! غير الصدر اللي ماله معنى

انا جهزت كل الاغراض وباقي جلابيات النفاس والبجامات لي والملابس الداخليه ،، وكل هذا تحسبا للولاده المبكره ،، لاني ما اضمن نفسي بصراحه وبعدين بصير ثقيله ،، من الحين بادي الثقل معاي الله يعين ،،

[Marawy]

بقايا ،، ماعليج الا العافيه ياقلبي لا تحاتين ولا تخافين ،، ان شاء الله كل شي سليم ودامها قالت لج كل سليم ودقات القلب طبيعيه يعني كل شي طبيعي الحمدلله ،، واتوقع عاد يكون راس الجنين بين رجوله ،، لاني كم مره اشوف صور يكون البيبي منزل راسه بين رجوله ،، يعني اتوقع طبيعي ،، وليش ساعتها ما سويتي التراسوند ملون ؟ عشان تتطمنين اكثر ولا تتعب نفسيتج ،،

صلي لج ركعتين واحنا بالعشر الاواخر ،، وادعي ربج يحفظ لج جنينج ويرزقه حسن الخلق والخلقه ،، ولا تحاتين فديتج ،،