دردشة حوامل أهل جدة - دردشة بنات جدة - تجمع حوامل مدينة جدة

[..ام بدر..]

عمتو..الله يسهلك يااارب ويفرج كربتك

شيخة زماني....انتي كيف امكانياتك وكاش ولا تأمين؟؟

ام ادم...وين الثريا؟؟؟ مااعررفه ياليت تدليني عليه

[GoGe]

ام ادم الثريا دة اللى جنب الهرم ولا واحد تانى والله يهون علينا جميعا انا لين دا الحين ما قضيت للنونو اية احسن مكان للبس النونو اللى تعرف ياريت تقولى

[عمتووووووو]

سلااام يالاشيقات القووااااام >>>>>

شيخة زماني ..
عقبالك وترا ماوصلت للتاسع الا وانا روحي حتطلع وكمان مو راضي يخلللللص............. الله يتمملك حملك على خير


Omm Adam

ام رتيل

ام بدر


الله يسلمكم ويارب يفرج علينا بالسلامة

[كحلوله]

بنات الى تعرف شي عن الدكتوره خلود رستم الى في مستشفى هاله بن لادن
تقولي الله يخليكم

[just baby]

صباح الخير
ازيكم يا قمرات
يارب تكونو بخير ان شاء الله
انا اخدت برأيكم وغيرت الدكتوره والمستشفي اصلا
وحجزت عند دكتوره نسرين في سليمان فقيه وان شاء الله معادي معاها يوم الاتنين ... حد يعرف حاجه عن الدكتوره دي ؟؟ وايه رأيكم في المستشفي بشكل عام ؟؟؟ هي افضل ولا الاطباء المتحدون لان جوزي قالي براحتك شوفي هتعملي ايه فا انا قولت اروح و اشوف الوضع في سليمان فقيه واقرر
ادعولي انها تكون كويسه لاني خلاص في اخر الشهر التامن وعايزه الحق اتابع مع حد
انا علي فكره رحت سليمان فقيه لاني اسمع ان الولاده عندهم بدون الم يعني الكمامه ومخدر وقت خروج الراس وكده وانها افضل مستشفي في كده
انا علشان كده نقلت هناك لاني بكريه وخايفه اوووووووي وبقيت مش بعرف انام من الرعب


في حاجه كمان يا جماعه
دلوقتي انا بقالي فتره بحس بنغزات من تحت وتحجير في البطن من فوق جامد اوووي هو ده طبيعي ولا ايه ,,, والنغزات دي بالذات طبيعيه لاني بحس اني في حاجه بتضغط لتحت جامد اووووي لدرجه اني بحس اني هولد ..
ياريت تتطمنوني ؟؟

[What ever]

كحولة انا حولد عند الدكتورة خلود رستم
وانا دحين بنص التاسع
بس ماكنت معاها من بداية الحمل
الاسبوع الماضي كانت اول زيارة لها
واليوم رايحه عندي مراجعه معاها
انتي تتابعي معاها من اول ؟؟!
*****
Just babyالنغزات والتحجير طبيعي انا برضو يصير معايا كدا
بالنسبة للمشافي اللي تسئلي عنها ماادري بس الاطباء المتحدون
اعرف كتير ولدو فيها وكانو مرتاحين

[كحلوله]

[QUOTE=What ever;1692885]كحولة انا حولد عند الدكتورة خلود رستم
وانا دحين بنص التاسع
بس ماكنت معاها من بداية الحمل
الاسبوع الماضي كانت اول زيارة لها
واليوم رايحه عندي مراجعه معاها
انتي تتابعي معاها من اول ؟؟!

ياقلبي اخيرا لقيت وحده زيي
لا ما قد رحت عندها وكنت بروح هذي اليومين ان شاء الله
طيب يوم رحتي لها وش سوو لك وكيف ارتحتي لها
وتقدري تساليها
كيف الخياطه هل تسوي خياطه تجميليه (لان روحتي كللها للخاص عشان الخياطه التجميليه )وهل يعطونك مخدر وكمام وقت الولاده ولالا لان في وحده قالت ما يعطون ولا شي فالله يخاليك اساليها وشوفي وش يقولو
وهل يعطونك بنج موضعي
وكم سعر الولاده عندها
وهل بتاخذين غرفه خاصه
وهل سعر الولاده شامله حضانه الطفل والغرفه ولالا
اسفه اسفه طفشتك معايه بس والله مره شايله هم
ان شاء الله تقدري تردي على
واذا ربي يسر لك وولدت بسلامه لاتنسين اختي والله تسوي فيني اجر
واتمنى تعطيني وش صار معاكي

[ام رتيل]

حبيبتي نسرين ماشاءالله تمام ان شاءالله ترتاحي لها
بالنسبه للولاده بدون الم انت تختاري اذا تبغي ابرة الظهر او كمام وابره منومه يعطوكي هيه وقت خروج الراس وهذي افضل والله يسهل لك ياااقلبي

[شهرزاااد]

السلام عليكم
كيفكم يا حوامل
بالله ام دحماني ايش صارفيها لها يومين ما دخلت المنتدى
ان شاء الله تكوني ولدتي بالسلامة بالله طمنينا عليكي
حابة احكيلكم ايش صار معايا الاسبوع هذا
انا كان عندي موعد يوم السبت عند الدكتورة حنان الشمراني في مستشفى الاطباء المتحدون على اساس انها تقبل تأمين وانا تأمين شركات المهم قالت انها تقبل بس فترة الحمل يعني المراجعات اما الولادة فالتأمين يغطي الولادة والغرفة والبيبي وهي تاخذ مني حق شغل يدها مو من التأمين وقلتلها كم تاخذي قالت اذا طبيعي 7 الاف فأن مارضيت وخرجت من عندها وانا محتارة في اروح
بعدين كلمت صديقتي وقالتلي له ما تدوري على دكتورتك وهي ولدتني مرتين اول مرة قبل 15 سنة وثاني مرة قبل 10 سنوات وهذا كان في مستشفى غسان فرعون واسمها تغريدوهي سورية بس صراحة ما كنت فاكرة اسم عيلتها
بعد السؤال في المستشفيات قالولي فيه وحدة في فقيه اسمها تغريد البدري سورية
وفعلا رحت يوم الاثنين عشان اشوفها اذا كانت نفس دكتورتي والحمد لله طلعت هي والله اني فرحت لما شفتها ودخلت عندها والحمد لله كانت زي ما اعرفها وطمنتني قالتي ان المستشفى كويس ونوع الخيوط الي بيستخدموها ممتازة وانها اخذت خبرة زيادة في المستشفى بسبب الدكاترة الموجودين الخاص واعطتني معلومات كثيرة ريحتني بعد ما كنت شايلة هم والتسهيل بيد الله
الله يسهل علينا جميعا ويرزقنا الذرية الصالحة
اسفة طولت عليكم بس حبيت افيدكم للي تسأل عن مستشفى او دكتورة
وطبعا هي تابعة للتأمين شامل
بس في حاجة ما عجبتني انه ما في مواعيد يعني بالارقام وهذا شيء صراحة متعب خاصة للحامل وسلامتكم

[ام رتيل]

اهلييين شهرزاد كويس الله يسهل امرك انا كمان ولدتني هيه مرررررره خياااااطتها تمام حتى قالت ليه بعد الولاده انا خيطتك مزبووووط صح تعبت في البدايه لاكن بعد نزول الخيوط ارتحت الحمدلله بالنسبه للمواعيد هما كذا لازم تطفشي لاكن حاولي تاخذي موعد واذا مافي روحي من بدري المستشفى عشان الرقم والله انا كنت اعاني مثلك بس اللي مصبرني انهم ماشاءالله مررررررررررررره تمام
بالنسبه للاطباء المتحدون مرررره زفت تعاملهم انا رحت لهم مررره وحرمت