دردشة حوامل دولة الجزائر- تجمع بنات الجزائر

[fifi dola]

نور درتها في كلينيك خاص اسمها كلينيك امينة جاية في مدينة شفة بالبليدة عملتها ب 4ملاين ونص وكانت مدة العملية ساعة وماحسيت حتي بالم بعد العملية كان الم خفيف في الضهر

[نور اليقين]

لوكان صبت راني قبل مانخطي اي خطوة نرقي قبل بصح ماحبش يرقيلي ولا حبني نرقي 11سنة زواج ومارقيناش والمشكل انو مايصليش

[fifi dola]

الله يهدينا ويهديه ربي يشفيك ويعافيك ياربي
متقطعيش رحمة ربي وبركاي ما تشكي في الكيس علي انو ورم خبيث
هذا كيس فقط وان شاء الله هاذي اخر مرة تنحيها فيه وترتاحي وترفدي طول
عسي ان تكرهو شيئا وهو خير لكم
المهم شوفي حنونتي انا ننصحك بالمنضار لانو فيه بزاف مزايا
وعلي التلقيح راني رايحة نديرو بحدايدي كيما تقولي احدايد لشدايد والذرية ما يغلا عليها والو
اذكري ربي وستغفري وفوضي امرك لله يشفيك ويعافيك ويرزقك بالذرية يارب

[نور اليقين]

انا تاني درتها فالكلينيك في سطيف وتيراو عليا ب3ملاين ونص وكانت عملية صعععععععععععععبة جدا

[nakhla]

مسالخير
نور فيفي راني جيت ولقيتكم تدردشو فرحت هاذي مدة والمنتدي حابس
الله يدومها نعمة..... الصداقة اللي بينا
شوفو سبحان الله ربي كيف جمعنا كل وحدة من بر ...
نشالله نتقاسمو الزينة قبل الشينة.

الله يرزقكم الحمل السليم ويسخرلكم ازواجكم.

واهم شئ يجعلنا و اياكم من عباده الصالحين.

[fifi dola]

امين يارب العالمين

[نور اليقين]

آمين يارب العالمين والله طلعتيلي المرال شوي وكورجتيني يافيفي انا راني دخلت فالمليح قريب هبلت والطبيب انتاعي ربي يهديه خلاها عليا للواد ولا اكثر من الواد دارهالي تصونامي على العملية ما طمنيش خلاص و كل وقت يخرجلي بخرجة راديو l.r.m وخلاها علية وربي يقرب اللي فيه الخير ولود واش راكي وربي يعيشك على الدعاء واش راهي لقبيحة انتاعك ربي يحميها
فيفي وباذن الله وين ناوية الديري التلقيح واش من كليني انا اذا كتب لي ربي الشفاء وسلت الامور انتاعي بالنسبة للصحة نديروفي فردلو في كلينيك البرج لاني راني نتبع مع التكيس عند بنت مول لاكلينيك بوها بروفيسور وهي طبيبة نساء وتوليد هي اللي رها التابع معايا في الكيس وباذن الله قالت لي بعد العملية لو يسهل ربي ارواحي لعند بابا نديرولك التلقيح

[fifi dola]

ربي يشفيك وديري التلقيح وتشوفي ولادك يارب وتجيبي منهم حتي تولي تقطعي في زرعة الذراري ههههههههههههه
رايحا نديرها في كلينيك تيزيري في الابيار في العاصمة

[نور اليقين]

وين روحتو انا راه لمربح ينوض فيا ومن بعد يزيد يروح يسجل في وحد لزافير وانا لما النوض نغلق الصفحة ولما نرجع انعاود نفتحها

[nakhla]

المشاركة الأصلية كتبت بواسطة نور اليقين

وين روحتو انا راه لمربح ينوض فيا ومن بعد يزيد يروح يسجل في وحد لزافير وانا لما النوض نغلق الصفحة ولما نرجع انعاود نفتحها

نور ....فيفي على حسابكم انتو من العاصمة؟؟؟؟؟؟؟؟؟؟