ديوانية البحرين - دردشة حوامل البحرين - البحرينيات

[بنوتة حلوة]

اي خيووو عادة النساة كله في الثالث.. ان شاءالله ماتجيش نساة بعد قولي ان شاءالله ولاا تتكلمين عن هالسالفة اذا ماجتش نساة لان الناس تحسد الوحدة على اقل شي... نصيحة عن تجربة صدقيني..

[طفلي حياتي]

بنوته هذي مشكلتنا كل شي نقوله وقصدنا شي عادي لكن الناس ماترحم كل شي يحسدون عليه لكن الحافظ الله اني هالايام وضعي سيء وكله مهمومه لا اغرش ادخل اسولف ارتاح ما انكر اني جدا استانس وحسيتش هديه من السما تخففين عني اذا سهرت وياش عسى يارب دوووم ولا نفترق بمكروه
وبالنسبة للتوزيعات مادري منهي امس تقول ان وحده اسمها ام زينب توزيعاتها حليوه واسعارها مناسبه يمكن اشوفها اني بس مو الحين خخخخخخخ في ربيع بكون على نهاية السابع ان شاء الله تعالى

[طفلي حياتي]

يوووووووووو اكي هنا ام سعيده مانمتين للحين؟؟؟؟؟؟؟؟؟
هههههههه غربل الله بليسش اني نمت يوم اقوم تقلبت شوي لكن نمت ومن قمت للصلاه خلاص راحت النومه ساعات من القهر اقول مابصلي واركض انام لان اعرف بيخترب نومي مره ثانيه لكن اليوم قلت مابنام هذا ناصر مقومني للصلاه حقوي انام وللحين قاعده

[طفلي حياتي]

شكلها ام سعيده تعسعس مناك او قامت مايندرا اني شوي وبقوم حصلتيني كان بها ما حصلتيني كيفش

[بنت الأياويد]

صباح الخير ، شخباركم
ام عيسى موضوعج طبيعي انا امي وخواتي مايتنسون ماشاءالله وانا الوحيدة طلعت غير عنهم نساتي كلش ثقيلة :(

[شمس الصباح]

صباح الخير بنات

فلونة الحمد لله انش بخير وخطاكم السوء وعظم الله اجرش وهذا حال الدنيا

بنت الأياويد يالله هانت ان شاء الله ولادة يقولون طلق البنت بارد الله يعينش يعني احتمال طلق بس توه الناس اذا حسيتي روحش ما تقدرين والظهر انكسر وطلع دم او ماي لا تطولين على طول المستشفى عقبالي يا رب

مممممممممممم ام عيسى الله يثبت حملش يا رب واذا شفتي انش ما تحسين انش حامل ابدا ولا في اعراض الحمل كلش يعني تحسين نفسش خفيفة حاولي تروحين تسوين سونار علشان يشفون نبض الجنين وعلى فكرة في ناس يتنسون في الشهر الثاني والحامل لازم تحس باعراض حتى لو خفيفة

[شمس الصباح]

على طاري التسمع اني للحين ما رحت ولا ماتم اقعد واشغل القنوات واتسمع في البيت نفسيتي زفت كلش واعصابي ماليها حال وكل ما اقول بطلع اطالع السيارة وافكر اشلون امشي السيارة واني بالدبه انرزع مكاني وخصوصا ان ملاك قاعده تضغط على معدتي عدل وتكور روحها وكل ما حصلت شوته منها افرح انها تتحرك ولكن احس من الألم اني عصبيه تعبت ابغي اولد لا اقدر اتقلب لا يمين ولا يسار مشيتي ثقيله دبتي خلاص ما في مجال انها تكبر الحارق دبحني تمللت من حبوب الحديد واذا ما بلعت بيرد دمي ينزل ما اشتهي نفسي ولا زوجي ولا اولادي احس دمعتي كلش على الباب

[بنت الأياويد]

الحل الوحيد الي يودي الحارج الشراب الابيض مال المعدة انا كنت اصيح من الحارج وألم في معدتي ماكان يروح الا بهالشراب اسمه ماكسل على ماعتقد ولبن اكتيفيا بعد اشربه

[طفلي حياتي]

هلا بنات شخباركم؟
بنت الاياويد هانت ان شاء الله ولاده سهله ميسره والفال لينا بتمام الحمل والولاده :)
شمس الصباح هلا والله انزين خلي ريلش ياخذش الماتم او روحي بيت ابوش ع الاقل وويى خواتش روحي اي مكان قريب

[طفلي حياتي]

شمس ذكرتيني بسالفة النفسيه احس بنغلاق مو طبيعي احس بختناق يفطسني احس بقهر قووووي والدمعه كله على الباب ماني قادره اتحمل شي حتى محرم والمواتم ماني حاسه بطعمها ويش هالسالفه مادري
لكن الله ارحم واكرم