دردشة حوامل أهل الامارات - دردشة بنات الامارات - تجمع حوامل الامارات

اقصوصه · 09-30-2010, 08:09 AM

اممم ملاك الموضوع يختلف من شخص للثاني ، في ناس ما تسوي اي شي وفي ناس تسوي اشيا بسيطه وفي ناس تبالغ ، اا من صوبي لاني من حملت من مده ولاني من النوع اللي ما يحب يحمل وايد ، يعني كل خمس سنوات مره ههههههه لهالسبب حبيت اهتم شوي لاني مش كل سنه سنتين احمل واربي :)

ام منصور · 09-30-2010, 08:12 AM

صباااااااح الخيييير
شحححاللكم عساااكم بخير ونعمه وصحه ان شاء الله
حبايييب قلبي اللي افقدوووني واسالوا عني ان بخير ونعمه الحمد لله
امس كنت ريحه الغربيه ( ليوا ) كانت رحله مفاجئه قالي ريلي يالله بنسرح ليوا البوش ولدات والبقر والغنم ( مسلسل بدوي ) لووووووووول
الله يعزكم
ورحنا وردين في الليل
ومن رديت ماشاء الله لقيت عيالي يتريوني حق لمذاكره وبنوتي فديتها كانت مشتاقتلي طاااحت فيه بووس واحضان اول مره اخليها واروح عنها يوم كامل

والله اشتقت لكم

ام منصور · 09-30-2010, 08:15 AM

الحين ان شاء الله بعد بروح المدرسه عندنااجتماع وبخلص على ال12 ونص بروح مدرسه بنتي بييبها وبرد ادش النت بشوووفكم

اقصوصه · 09-30-2010, 08:16 AM

ام منصور : هلا الغاليه الحمدلله ع سلامتج ، تواشلنا عليج ن اختفيتي بدون مقدماات :)
يلا اهم شي انج بخير وانا تطمنا عليج @@

MALAK2010 · 09-30-2010, 08:18 AM

بس خلاص طالما كنتى مع جوزك مش هنتكلم ههههههههههههههههه ربنا يهنيكى

اقصوصه · 09-30-2010, 08:19 AM

ملاك هاي الشيره اللي ابيها ، او ابي شي مقارب لها ، بس انا سايره السوق الصيني قبل ما شفت شي جيه!!

اقصوصه · 09-30-2010, 08:20 AM

بالتوفيق ام منصور ونترياج :)

اقصوصه · 09-30-2010, 08:22 AM

ملاك انا انتهيت بروح انام ، لو لقيتي حل لمشكلتي خبريني ، قصدي مكان احصل فيه شجرة حبنا ههههههه

ام منصور · 09-30-2010, 08:23 AM

حبايبي والله شكرا اقصوصه وانتي يا ملاك ميرسي على الكارت
وانا بعد اطمنت عليكم ماعندي وقت اقرا كل الردووود ما قبل
الغاليه اقصوصه اطلبيها من البنات في منتدى سيدات اعتقد يوفرنها لج لاني شفت منهن في سيدات وفراشه بعد شوفي
يوم برد بطالع لج منهم يالله وداعت الله

MALAK2010 · 09-30-2010, 08:25 AM

اااااااه
يعنى الشجرة دى بتتباع مخصوص للحاجات دى؟؟
انا بتهيالى شفت حاجة شبهة كدة بس ديكور للبيت مش للموضوع دورى السوق بيجيب كل شوية حاجات جديدة