دردشة اهل القطيف والي حواليها اتمنى اثبيث

[ذكريات الماضي]

ياعلي بكره بجرب وانشاء الله ماتفشل ويه رجلي

صار اذا نفسه فيه يقول الى اخته >> فششششششله

اي اخبارش واخبار البيبي ؟؟

[حنين‘‘]

جربووو عجينة القيمات حقت العلالي الجاهزه
اني جربتتها وكنت اول مره اسوي قيمات بحياتي
وصراحه ابداااااع ماتوقعته بيطلع كذا بالممممره . ^_^

[ذكريات الماضي]

اييي اني عندي دي العجينه بس ماعرف اكيل المقادير عدل

احط علي كيفي

قولي اليي المقادير بالتفصيل هههه >> مو مصدقه

وكيف يصير دوائر ؟؟

اكسبي فيي خير والله امبى اسويه ولاني عارفه >> انزين عاد خخ

[محبهـ قلب]

سلاممممم
بعدكم بنات ع القيمات
من شفت سوالفكم اليوم قلت للأمي تعلمني وعرفت عطول بسيط بس يبي له خفه يد ويصير دوائر بس المقادير نفس الي قالت فيها ام فاطمه

[ذكريات الماضي]

ههههههههههههه

هلا محبه

بضل على هالسالفه لحد ماتعلم الله يعينكم

كيف طلعوا وياش ؟؟

دوائر وكيف اصرو اذا دوائر ؟؟

علميني

[نآنآ]

مساء الخير عالجميع

شخباركم بنات

شفت الموضوع وتحمست مره اسجل واشارك معاكم

بس شكل مافي الا انا من سيهات

انا من سيهات وحامل في الشهر السابع الله يسهل على الكل الحمل الاول لي والحمدلله الحمله سهله اتابع في مستشفى الروضه ممتاز الصراحه عجبني انا اتابع عند الدكتوره عبير بس دخلت كذا مره على غيرها ماعجبوني حنووونه مره ورايقه

سوالف وايد المفروض نسولف عنها والبنات يشاركونا فيها

اول سالفه كيف دريتي انش حامل وريلش كيف ردة فعله

ثاني سالفه على شنو كانت نساتش

ووايد اشياء اذا حابين تردون على هالسؤالين وبعدين نطلع بقايا السوالف

اما موضوع الطبخ

انا ابد مو من النوع المهمل وماادلع نفسي وعايشه حياتي زي كأني مو حامل بس مع المراعاه البسيطه بس الطبخ هالشهر تعبت ومااقدر اوقف وايد وتعرفون الطبخ وراه تنظيف وغسيل مواعين

واللقيمات ماجربت اسويها ولا افكر ابد اخاف منها وايد ناس يحترقون منه يطفر زيت

وعمتي ام زوجي لقيماتها حدها لذيذه مشاءالله

[ذكريات الماضي]

ياهلا فيش نانا

نورتي الدردشه

اممم اني اول وحده بجاوب هههه
كيف دريتي انش حامل وريلش كيف ردة فعله؟؟
اممم تأخرت عليي الدوره 4 ايام وبطني كان منفووووووخ حدده شكيت اني حامل قلت الى رجلي امبى تحليل
وجاب اليي وهو رح يشاهد واستغليت الوضع وجيت بحلل مافي شي احط فيه حق التحليل خخخ
جبت غطى غرشة العطر نيهاهاهاهاها

وحطيت فيه وبعديين رحت اجيب الورقه الى طالع اليي خطييين وفرحت مره بس خفت من ردة فعل رجلي لانه مايمبى

ورحت اليه قلت اليه تخيل اني حامل وشق البوز شدي ^_______^ هههههههه
وقلت اليه مو اكيد حامل ها واخدت 4 تحاليل وكل يوم احلل ونفس الشي
اخر شي رجلي قال روحي المواساة حللي ورحت وطلع ايجابي هاااع
وووبس >> هداره


على شنو كانت نساتش؟؟
ولا على شي بس بداية الشهر الثاني كنت من اكل ارجع وبداية الثالث راح الترجيع

وحياش نانا بينا والله شكلش بتسوي جو هني

[نآنآ]

هلا والله ذكريات

اخبارش ؟

ان شاءالله اسوي جو والكل يشارك

ضحكني التعبير مال ريلش الا رسمتيه حسيته زي تعبيري لما دريت اني حامل ماقدرت اسكر بوزي من الفرحه والحين باقول القصه

انا من تزوجت ظليت 9 شهور تقريباً وبعدين حملت بس في اثناء الستع شهور كنت ابغى احمل مع اني من المعارضين فكرة الحمل بداية الزواج بس غريزة الامومه وماتسوي ماعلينا قصة التحليل انا كل شهر يوم الدوره اسوي تحليل واذا تأخرت يوم اصير في اليوم اسوي اكثر من تحليل

وشهر الا حملت فيه ريلي مارضى يشتري لي تحليل قال خلاص اذا تأخرت دورتش عشره ايام رحنا حللنا في المستشفى وذاك الشهر ماادري كيف جاني شعور داخلي صرت حنونه زياده وقلبي دقاته صارت سريعه وقبل دورتي بيومين ظليت اطحن ابغى تحليل قال مافيه ابغى تحليل قال مافيه والين ماشرا لي تحليلين لان يعرفني سويت واحد في الليل وماطلع شي ورميته قبل لا انام


لما صحيت من النوم لفتني وهو في الزباله انه كان فيه خط ثاني خفييييف وقلت له قالي مستحيل حمل لو حمل طلع من البدايه وسويت ثاني وماطلع لي خط ثاني ورحت بيت عيالي تغديت ورجعت بعد الغدا وهو ظل في بيت اهله شفت التحليل فيه خط ثاني اوضح من الا قبل بشوي بس خفيف واتصلت له قال احلفي قلت والله وجا شافه قال لا تحطين امل وتتحطمين قلت زين ولا تحنين تبين تروحين مستشفى قبل عشر ايام من تأخير الدوره قلت زين


اكيد احد عرف حركاتي قبل لا اكمل رجعت يوم ثاني اقوله ودني اسوي تحليل دم ودني اسوي تحليل دم ودني اسوي تحليل دم ودني اسوي تحليل دم ويوم الجمعه في الليل الساعه 12 ونص يمكن طلعنا نتمشى قالي تبين تسوين تحليل قلت ايييييييه قال يالله ورحنا وسوينا مافي الا انا وهو في المستشفى تقريباً وطلعت النتيجه اخذها قرآها ومشى تالي دار لي يقول قومي ياالله قلت له وش طلع ؟ ضحك وباسني على راسي قال لي مبروك قلت له احلف قال اخذي اقري قريتها كانت بوزتف وكنت باصيح ماخلاني قال في البيت صيحي وماصحت للحين راحت الصيحه لان


عذراَ طووويله السالفه بس حبيت تستمتعون بالقصه الطويله العريضه

[ذكريات الماضي]

هههههههههههههه

ياعلي قصتش اتجنن

انتينه زيي حنانه ازن زن فوق راسه الحين كل يوم اقول اليه شكلي بموت اذا ولدت او بيصير في البيبي شي

وينقههههههههههههر حدددددددددددددده شوي ويزنطني

يقول اليي انا لله او استغفر الله

يلا انشاء الله الفرحه الكبيره اذا ولدنا

الى بسألش نانووووو انتينه في اي شهر ؟؟؟

[نآنآ]

هههههههه طلعنا حنانات

انا في الشهر السابع توني داخله السابع من اسبوع

وحرام لاتقولين انش بتموتين بسم الله عليش وعلى الجنين مايصلح تفاولين عليكم الله يخليكم له

انا في شعبان كنت كله اقوله احسني بولد في رمضان ماادري ليش لا واسأل اذا ولدت مابنخلي البيبي في المستشفى لان غالي بنوديه مستشفى حكومي وانا اخاف من المستشفيات الحكوميه مايهتمون وكيف بننقله ومتى يطلعونه وبعد هذا كله اقوله عادي انا مااخالف اولد في السابع عادي ناس وايد ولدو في السابع

ذكريات حملش الاول هذا ؟