تجمع حوامل ليبيا

[الهندية]

مجتنيش الدورة ... وموش عارفا كيف اندير ....شنو البرنامج

[ميرنا]

[sizسلامات يالهندية الدورة بعد الولادة تختلف من وحدة الى الاخرى فى بعض من النساء تاتى الدورة بعد 4شهور من الاربعين وفى بعد ستة اشهر وفى لى عادى بعد الاربعين بشهر تاتى يعنى ما تخافيش وما ديرى شى خليها تنزل طبيعى والمراة السليمة تتعدل هرمونات بعد الولادة بستة اشهر تنتظم الدورة ويقل الحليب اذا كان ما ترضعش وانتى ياصغيرتى انتظرى نين تنزل ابروحها بيش الحمل الجاى تعرفى برنامجك انا فى حملى الاول من قبيتنى جاهل فى هذه الامور وما احدش ورانيى عندما توفى جنينى قالت الابد ان احمل الشهر الجاى وماعندى خلفية جيت لدكتور صرفلى مجفف الحليب ثانى يوم ولادتى وانا الهبلة استمريت عليه وعندما انوقف تختفى الدورة قوليلى خلى روحك طبيعية طالما حملتى طبيعى من اول شهر زواج ولكن من كثرة المجفف تعودت مانحمل الا وانا امجفف الحليب وحملت بعد 4شهور من ولادتى الاولى لهذا دائما انبه اى وحدة نلقها حديثت الولادة والدكاترة فى تونس قالولى اكبر جريمة تاخذى فى مجفف وانتى طبيعية والله غالب غلطة منى واستعاجل فااحذرى ااحذرى طالما حملتى طبيعى ما اديرى شى نصيحت اخت لكى خليك طبيعية توة اتجى ابروحها [/size]

[ميرنا]

ساجدة
ربى يقومك بسلامة نحن فى انتظار اول مولود فى التجمع وانشالله اتجيبى اوليد تفرحى به وتفرحى راجالك

[حبل الوصل]

صباح الخير على الحلوات شن حالكم

[الهندية]

مساء الخير يابنــــــــــــات
ميرنا انا كنت نبى نمشى لدكتور باش تنزلى الدورة ...عشان ناخذ حبوب منع الحمل
يعنى انتى من رايك انى نقعد طبيعية احسن .شنوه مجفف الحليب هذا ..مرات الرضاعة ديرلى مانع ومرات لا

[الهندية]

صباح النور حبل الوصل نهارك حليب اناشاءالله

[عيون زوجي]

السلام عليكم
مساء الخير
انا البارح بعد ما صليت الفجر حسيت روحي فاشله ونبي الحمام الله يكرمكم نضت للحمام وجتني دوخة ورغبه في الترجيع حشاكم قويه كان مصاريني بتتطلع مني ومهناك شي وبعدها جتني تقلصات رحميه كان شي بينزل مني مع الم شديد جهة الكلية اليمين استمرت الحاله ممكن 10دقايق بس كانهم ساعات والحمدلله ربي ستر عليا وعلى جنيني والله خفت نحساب روحي بنجهض للعلم امس ما طلعتش بكل ولا نهضت ارزين ولا شي
طمنوني على حالتي الله يطمنكم عادي تصير في الحمل ولا لا وانا حاليا ربي يتمملي على خير ويرزقكم اجمعين بالذرية الطيبه في الاسبوع24

[ام اسيل]

عيون زوجي بعيد السو عليك
ممكن الي جاك ان بطنك ماشية بس وما تخافيش وكان تبي تطمني اكثر عدي للمستشفى انت في المانيا بلاد الطب وطمنينا عليك

[ام اسيل]

حبل الوصل ميرنا امتا موعد الدورة عشان نبدو نحسبو عندي احساس ان وحدة فيكن حتطلع حامل ان شاع الله ياربي ردن عليا وقوللي باهي وكنكن ما لكن عين يعني مش باينات هذي الجملة من عمتي لما نقعد كم يوم مانشوفهش تقولي وين مالك عين

[ميرنا]

يالهندية الله الله اتنزلى الدورة خلى روحك طبيعية توة تنزل بروحها استنى ستة شهور
يابنات يام اسيل وياحبل الوصل دونكن لهذه الولية الهندية لى بصلتها محروقه النجدة يا خواتى