دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[ثلجه فوشيه]

صبآآآآحوكم إشطه ياكروشات < ههههه أنا رشيقه

بنات أنا اليوم طعمت عمرر ومسخن حبيبي وبس يبكي مايضحك ولا يلعب بسم الله عليه
بس يقوم يبكي شويا ويرضع ويرجع ينام مرررا حاسه البيت مو حلو بدون ضحكتو ولا حتى
صوت بكآه بس نايم خليت زوجي يخرج وجلست ابكي جنبو :(
يوووووه قلبي مرررا مايتحمل عليه اي شي اليوم وقت التطعيم شويا واطيح وهوا مصخصخ من البكا بس رجعت اعطيتو أدول وسويت له كمادات وحبيب قلبي ينفجع لما احط له المنشفه فيها مويه بارده ويبكي :(
ادعووله ياررب يشفيه ومايوريني فيه مكروه

توت برري
لا تكدري خاطرك ولا شي وافررحي بالفرش الي اشتريتيه لاحقه على التعب هههه
ربي ييسر لك ياااااارب ,,

في عيون زوجك .. اقصد عوعو < قسم شي يفجع مو دلع هههه
أول مره اسمع ان الطلق يجي بتقيؤ يؤ صار وحم مو طلق :(
لكن انتي ادعي ربي يهون عليك الم الطلق ,,
بعدين ليش ماخليتيها تكشف لك من تحت ؟؟
والله أحسن ياقلبي أنا كنت زيك خايفه لكن تشجعت وكشفت لي وسوت توسعه كمان
صحيح اتألمت بس ولدت على طول بعد ماكشفت لي بيومين لانو قالت لي الرحم كان مسكررر مرا ولما كشفت فتحتو 1سم وبعدها مشيت يوم وجاني الطلق اليوم الي بعدو وولدت اتشجعي المره الثانيه لما تروحي وخليها تكشف لك والله صدقيني الم حق دقيقه بس من يوم تخرج يدها يروح ولا تحسي بشي يلا شطووره < ههههههه سوت لك قروشه


لمووني ياهلا فيكي منووره :)

باقي البنات كيفكم أخباركم اش عاملين ؟

[معنى الغرام]

هلا ثلجه
تمام الحمدلله انتي كيفك ياعسل
سلامت عموري مايشوف
شرالله يشفيه يارب.

[توت برى]

هلا بنات
هلا بالجميع
في رأيكم اروح المستشفي ولا لا مالو داعى نزل منى إفراز زى زلال البيض اكرمكم الله والله مرا خايفه بالله ردو عليه

[توت برى]

ثلجه
سلامت عموريكى
الله لايوريك فيه مكروه ويخليه لك يااااااااااااااااااااااارب

[أم يزن]

مرحبا بنات
الله يباااارك فيكم ومبروك لكل اللي ولدو برضو وعقبال الحوامل الله يسهل عليكم ويعطيكم ساعة طيبة ياارب..
اليوم رحت طهرت ولدي و بس يبكي واي حركة يسويها يتألم والله قطع قلبي حبيبي وهو مرة صغنون والجرح لسة ينزل منه دم الله يكرمكم وربي مررة يحزن.ماادري ايش اسويله الله يشفيه ياارب.

[توت برى]

هلا ام يزن
سلامت قلبوا يارب ان شاء الله تعدي بس اقرى عليه كثير بالذات الفاتحه

[ثلجه فوشيه]

بخير ولله الحمممد

الله يسلمكم حبايبي ..

توت روحي لا تسكتي على نفسسك منها تطمني وتشوفي ايش وضعك ؟؟

ام يززن فين طهرتي ولدك ؟؟
غرريبه ماخرج دم لما طهررت عمر وكان بس يوم واحد بكي شويا والحمد لله
اصبح كويس مافيه شي ... وكان في مرهم ادهن على نفس المنطقه 3 مرات باليوم
وقلي اعطيه اول يوم أدول عشان السخونه ..
اذا استمر الدم انتبهيلوو حبيبتي ..

[أم ضيو وفروس]

السلام عليكم ورحمه الله وبركاته

صباح الخير ياعسولااااااااااااااااااات

اولا الف الحمد لله على السلامه ام عبووووووودي ويتربى في عزكم ان شاء الله..

نلي خانم...توت بري..جامعيه ..معنى الغرام...ثلجه فوشيه...في عيون زوجي ..احب اولادي

لموني .هلا فيك منووووره ..

..واخباركم مع الحمل ....والله يرزقني وياكم ولاده سهله باذن الله..

ثلجه ..سلامه ولدك يارب..

توت بري....ربي يهون عليك...اذا كان معه دم او حاسه بالام طلق روووحي المستشفى ..


بنات بسالكم ..امس رحت مراجعتي وطلع عندي الحديد ناقص وصرفت لي الدكتوره ابر مرتين في الاسبوع ..لمده اسبوعين..وكمان حبوب...ممكن انو يرتفع قبل ادخل التاسع ...لاني دخلت الثامن لي اربعه ايام...

نسيت ابارك لكم على المكافاه ههههههههههه عاد سمعت انها بعد 20 يومين ...والله كويس جات في وقتها الله الله بالطلبات ههههههههههه..

ايوه على فكره اللي متخرجه من البكالوريوس فتح التقديم حق الديوان ...ولا مسمينه جداره ههههه

بس الموقع للاسف عليه ظغط فضيييع ...

[توت برى]

وعليكم السلام
رحت دوبى الرفيع لقيت عندهم حالتين وحالة ولاده الله يسهل عليها بعدين قلت فرصه اروح باشراحيل لقيت سوسن والدكتوره كشفت عليه من تحت وقلت لها ماأبغى قالت اجل ليه جايه بس زوجى الله يهديه يدفنى على السرير الحمد لله مافي شى بس قالت بطلى فلافل ومخللات مع انى ما أكل عشان الحرقان بس إذا انخفض الضفط اكل زيتون مالح الله المستعان
بنات بكيت لما كشفت على حسيت انى خلاص قربت من ساعة الصفر وان الجد جى والله
خفتدعواتكم ربي يسهل على وعليكم

[فتاه الثلج]

احب اولادي ايوا فيه غرف خاااصه ومرا مرا نظيفه اصلاقسم الغرف الخاصه مرااااا كويسه وحرااااء كووول شي فيها ممتاز الا الخياطه تحسي بالم بسيط انا عشاان اخدت غرفه خااااصه مرا كانك في مستشفى خاص وكمانا كشك الولاده ممتاز بس العن شي عندهم الخياطه تحسي بالم بس الم تقدري تتحمليه <<<بس احنا مدلعات مانبغى نحس بشي ابدا

ادعووو لجوانا مرااا مسخنه من التطعيمه ياااناسو عليها لما جلست على السرير فرحانه وتضحك مع الدكتوره وترفس بيدها ورجولها لما ضربتها بالابر بكيت بكي مو طبيعي وانا حاولت اغمض عيوني مااحوب اشوف احد يضرب ابره بس عشانها اتحملت وجلست اتالم معها