ديوانية البحرين - دردشة حوامل البحرين - البحرينيات

[حنين للماضي]

المشاركة الأصلية كتبت بواسطة أمي الحنونه

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم

اولاً حمدلله على السلامة حبيبتي وحياش الله بيننا
وثانياً لا تحاتين حبيبتي راح يعيشون بإذن الواحد الاحد
احنه صار في اهل امي جم وحدة ولدوا في السابع والحمدلله الحين ولادهم يناقزون وحالهم حال باقي الجهال
الحين الطب تطور والولادة في الشهر السابع صارت آمنة
هو صدق يمكن في البداية تواجهين مشكلة لأنهم راح يكونون حدهم صغار بس مع مرور الايام راح ينمون ويكبرون
تعالي صدق بعد صديقة عمتي جابت ثلاثة ماشاءالله في الثالث والحين بكملون السنيتن ماشاءالله

هدرت واجد ادري بس عشان اطمنش حبيبتي
طمنينا على كتاكيتش وتوكلي على الله

[حنين للماضي]

المشاركة الأصلية كتبت بواسطة حبيبة حسوني

هلا هلا حنونه اني ايميله غيرته
جان اشوف شغلها لانه عمتي عطتني رقم وحده اسمها بعد ام زينب بس ماشفت شغلها
الا في توزيعات بنت عمتي واجد كيوت الصراحه ياعلي ماباقي شي مو تولدين عني حارسني هههههههههه >>>>تنكت الاخت

اني وانتين تقريباً مع بعض
ماتدرين يمكن انتين تولدين قبلي واني بعيد الشر عني عقبش
طرشت ليش ايملي

[حنين للماضي]

بنوتة على طاري الكلندر انتي على ايام اللي سوته لنا طف طف ما كنتي ادشين اصلاً
وحتى طف طف مسكينة اذكر سألت الحين اسوي لو لا بدون بنوتة
لأن انتي من قبل ماخبرتينا من جدي ماكنه ندري متى موعدش

تعالي صدق متى موعدش؟؟؟
ولا تحاتين الشهر السابع والثامن بمرون بسرعة
اني الثامن حسيته اسرع
مساعة كنت اتمشى مع زوجي للماتم وقلت له االخبر تفاجأ وتشقق عباله الحين اكيد بولد عقب اسبوعين

[شمس الصباح]

المشاركة الأصلية كتبت بواسطة أمي الحنونه

السلام عليكم يا بنات انا اول مره ادش هاتجمع بغيت اسألك يابنات الله يكمل حملكم على خير انا مند 10 ايام ولدت بس بالاسبوع 30 والحين اولادي اثنينهم بالحضانه كانو بالسلمانيه والحين من 4 ايام حطوهم في جد حفص مين عندها فكره على الولاده المبكره هل اولادي بيعيشون الله يسهل امركم

لا تحاتين اني أختى جدي جابت بنتها في السابع والحين بنتها مخطوبة والعرس في ربيع بأذن الله

هم لازم يحتاجون عنايه اشوي من جدي حطوهم في الشيشه وعلشان يحمونهم من البكتريا تدرين لان بعده جسمهم ما عنده مناعه

ان شاء الله تبشرينا ولا تنسينا من دعواتش وقت طلعتهم الله يطمنش عليهم


حنون شلونش

بنوته اني حتى لو ما انام في الليل احاول ما اقوم من السرير لان يمكن بالغلط تجيني النومة وخصوصا الصبح عندي اشغال واليهال مدارس يعني لازم راحه لو غفوه بسيطة نعمة من الله

[Um Amal]

كيف الحال
مــأجوريـــن

[أمي الحنونه]

مشكورين يا بنات على الردود وان شاء الله بطمنكم لما يطلعون ودعواتك لهم ياربي يحميهم ويخليهم لي افرح فيهم انا بكر ومااعرف لشي لهدا خايفه تسلمووون

[فلونة]

مسااء الخيرر... شخباركم جميعا؟؟
مأجورين بمصاب ابا عبدالله الحسين عليه السلام.. ونسألكم الدعاء في هذه الأيام،، سامحووني ما كنت اقدر اشبك في الايام الي طافت لانه صادتني ضروف صعبة..
اخوي مريض وتم في المستشفى جمن يوم وكنا مشغولين معاه ..دعواتكم له بالشفااء العاجل والله يبعد عنه كل سوء وشر.. وفي نفس اليوم الي طلع من المستشفى امي العودة عطتكم عمرهاا .. الله يرحمها ويغفر لها ويجعل مثواها الجنة ان شاء الله

[بنت الأياويد]

فيني نغزات قوية تروح واتيي وساعات وانا امشي اوقف من قوة النغزة الحين زايد علي وخاصة في الليل من 3 ايام هالسالفة مادري هذي طلق بارد على قولتهم ولا شنو ومن يومين نزل علي شي ابيض الله يعزكم مع البول طويل ومن جدام شوي عريض اول مرة ينزل لي جذي محد عنده خبره بمشكلتي؟ النغزات قاعدة تألمني واحس جنه شي بيطلع من تحت وبطني منشد وايد
شموسة كلشي ولا زعلج فديتج بس سامحيني تعبانه مع هالالام وكفاية بس اني ادش واطمن عليكم

[بنت الأياويد]

مساء الورد ، هلا والله فلونه وحشتينا والحمدلله على سلامة اخوج وعظم الله اجرج حبيبتي والله يغمد روحها الجنة وطولة العمر حقج وحق الي يعز عليج والله كنا وايد احاتيج وخاصة انا من ادش كنت ادور لج رد عشان ارتاح ان مافيج شي بس للاسف ماشوف منج اي رد في المنتدى بس اهم شي طمنتينا عليج شخبار الحمل وياج وشخبار الوزارة شسويتي ؟

[فلونة]

هلا والله بنت الاياويد ،، جزاج الله خير والله يحفظكم من كل شر ان شاء الله
انتو بعد وحشتووني اتصدقين انا بعد كنت اقرى الصفحات الي فاتني وادور لج رد ابي اعرف اذا الله يسر لج و ولدتي او لا ... وان شاء الله نسمع خبر ولادتج في هذي الايام
وبالنسبة للوزارة كانو متصلين فيني علشان اعدل بياناتي لانه كان في غلط في الفورما الي مليتهاا .. وانا كليت قلبكم وقلب ريلي بحنتي.. يلا ان شاء لله خيرر.. دعواتج

وبالنسبة حق مشكلتج انا ماعندي خبرة .. بس النغزات منتظمة او لا ؟؟ و اتمنى انها بداية طلق لج.. والافرازات مادري ان سمعت اذا الوحدة بتولد ينزل منها ماي ابيض او دم والله يسهل عليج ان شاء الله