تجمع حوامل الأشهر الأخيره(السابع,الثامن,التاسع)

[faith-berry]

الله يسعدك وميض وعقبالك يااارب

طيبتي والله فترت حملي ما داومت على دهنها وذي نهايه الكسل الم بشع
دام قدامك فرصه رطبيها في اليوم اكثر من مره

وننتظر رد باقي الكروشات

[وميض النجوم]

الله يسمع منك يا بيري

طيبتي ..

حسبي الله عليه ليه يسوي كذا ؟؟ انتي سويتي له شيء ؟؟
كل مالي واعرف ان الرجال قمة الحقااااارة حتى انا زوجي تزوج حسبي الله عليه تخيلو من تزوجنا ظليت 7 او 6 سنوات ماحملت ورحت الحج ودعيت ربي اني احمل بعد مارجعت من الحج باربع ايام والحمدلله حللت وطلعت حامل وجبت بنوته الله يحفظها والحين عمرها 15 و يوم صار عمر بنتي 7 سنوات انا وزوجي حللنا تحاليل لان مو قاعد يصير حمل وطلعت النتيجة ان زوجي فيه المشكلة مو انا .. تحملت وصبرت وبعدين لما مرت السنوات وبنتي كبرت قال انا ابغى ولد يصير سند لي قلت له خلنا نتعالج مو راضي يقول المشكلة مو مني منك انتي حسبي الله عليه ينكر الواقع ! وراح وقال للناس ابي اتزوج لان زوجتي ماتجيب عيال تخيلو حسبي الله عليه وانا ماكنت ادري انه قال هالكلام للناس وكان يبي يسكتني وقال امشي نروح نسوي حقن مجهري او اطفال انابيب وسوينا وصار عندي نزيف وخلاص توقعت ان العمليه مانجحت لكن النزيف استمر نص يوم ووقف و بعدها حللت وطلعت حامل و بعد ماقلت له اني حامل اسبوعين وراح شهر العسل !!!! تخيلو الصدمة حسبي الله عليه الله لا يعطيه الذرية خلاني طوول هالسنين معاه وهو المعلول ويسوي فيني كذا ولا فوق هذا القرش الواحد يطلع منه بالموووت ويذلنا عليه بعد وهي كل يوم يشتري لها ذهب وجوالات ومادري ايش اسفة يابنات ادري طولت عليكم بس ابغى افضفض مهموومة حسبي الله عليه والله يحرمه الذريه منها

[mado ma]

طيبتي
اول ماتولدي ارسليلو صورة البيبي وادعي ان ربي يرزقك خير هذا الزوج ويكفيكي شرو
واستخيري كل يوم ان ربي يرجعو لك اذا كان فيه خير وداومي على الوتر والاستغفار والله شفت من ثمراتها الخير الكثير

[مهآآتك]

طيبتي. . وميض ،،
الله يكون بعونكم عن جد شي يقهر الله يرد لكم ازواجكم ردا جميلا

بيري الحمد لله ع سلامتك
انا ان شاء الله بروح لاهلي هاليومين لاني لو بقعد ببيتي بفكر بالولاده اورح لامي وانسى نفسي احسن ههههه

[احلم بطفل]

صباح الخير يا حلوات
كيف اللي في الكروشه و الام ؟؟
يااارب تكونوا بخييير ..
انا ليا يومين مجننتني الحموضه اخذت علاج اسمه
موكسال ريحني ساعه و رجعت مررره معكره مزاجي ..
غير كذا تعودت على وجود زوجي معايه في فترة اجازته
و اليوم داوم و النفسيه مو تمام ودي يجلس معايه و جالسه
افكر الاسبوع الجاي ايش حسوي لما بنتي و ولدي يروحوا
للمدرسه يا الله هما مبسوطين و انا زعلانه على رجعتهم شكل
الحمل مأثر عليا و ابغى زوجي و اولادي حولي .. الله يعدي
هالايام على خيييييير ..
فيث الله يحفظ ولدك من كل شر و يعينك من جد صعب انك تكوني
نفاس و لوحدك في البيت حووووووسه ، بالذات انك بكريه ..
طيبتي .. الله يسخر لك زوجك و يحنن قلبه عليك و دعوة المظلوم ليس بينها بين الله حجاب
.وأن الله عز وجل يقسم بعزته وبجلاله سبحانه
على نصر دعوة المظلوم(وعزتي وجلالي لأنصرنك ولو بعد حين)..
وميض حبيبتي لاتزعلي نفسك اشكيه عند العزيز المقتدر ..
اسأل الله لك و لـ طيبتي ان يرد لكما ازواجكما رداً جميلاً ..

[عزووف]

السلام عليكم ..
كيفكم حوامل
انا اتابعكم قليله مشاركاتي بس عايشه معكم بكل لحظه
واعرفم كلكم الله يسهل علي وعليكم يارب
والله يفرجها على كل مهمومه ،،
انا حامل بالاسبوع 33 وخمسة ايام
واحس هاليومين ياصعب القومه والقعده احس اني قربت
ضغط ع المثانه الله يعين بس

يغار الحلى
انا مثلك جتني حساسيه من اسبوعين تخيلي مانام ولا لحظه
والله مرت علي ايام بس اصيح اقول ابي اولد لانهم قالوا لي تروح اذا ولدتي
استخدمت حبوب فنستيل وكريم اليكا يخففو علي شوي
ورحت استشاريه نساء وولادة قالت مالك الا تصبرين اقولها مانام
قالت بعطيك ابرة الرئه حقت البيبي عشان لو جا لك ولادة مبكره
وصرفت لي كالامين لوشن وقالت استمري ع الفنستيل ومرهم اليكا
والحمدلله ياربي من امس خفت علي بكثيير
مادري من الدوا والا قربت ولادتي لاني احس بتقلصات
واحسه نازل بقوه لانهم يقولون دايما تخف هالحساسيه
اذا بدا الطلق لانه ارتفاع هرمون
حبيت افيدك بتجربتي لعل وعسى تفيدك
لاني بجد عانيت وكنت اتمنى اي احد يدلني ع اي شي
الله يعظم اجرنا بس
وماتشوفون شر كل الحوامل والله يتب لنا ساعة سهله ميسره
امين يارب

[طفلي انتظرتك طويلا]

صباح الخير کيفکم

[طفلي انتظرتك طويلا]

الشهر التاسع اي اسبوع

[Reema24]

صباح الخير


بسالك خواتي انا من دخلت السابع وانا يجيني حرقان شبه يومي ابي شي يخفف منه مره تعبت منه

[وميض النجوم]

الحمدلله رحت المستوصف وتطمنت على البيبي فديتها راسها تحت وكل شي تمام لك الحمد يارب

طفلي .. 35 اسبوع و 5 ايام تدخلين التاسع