تجمع حوامل الأشهر الأخيره(السابع,الثامن,التاسع)

[غرام اطفال جمعنا]

مشاء الله تبارك الله
والف مبروك تتربى بعزكم ان شاء الله

[طيبتي أكبرهمومي]

الحمدالله على سلامتك رمال وكاميد
والف مبروك إن شآء الله
تتربى بعزكم إن شآء الله

[faith-berry]

السلام عيكم
اخبااركم كروشات ان شاء الله بخير
الله يتمم حملكم على خير

الف مبروووك بحوره وكياميد وحمد الله على السلامه ويتربون في عزكم يارب
وعقبال باقي الكروشات

ادري اني مقصره في السؤال عنكم بس وربي غصب عني
انشغلت مع حبيب قلبي وكمان اني نفاس في بيتي ولحالي مافي احد معاي
فوقتي مره متخربط مره

بقولكم قصتي

طبعا الكل درى عن وضعي في المستشفى والمويات اللي كانت تنزل مني والنزبف اللي صار بعد اكل الاناناس
طبعا انكبت المويات كلها وانا ما احس باي شيء وكان الرحم مفتوح 5
القابله سوت لي تحريض قالت بتفك مويات الراس وانا اقولها كل المويات نزلت تقول لا باقي
المهم جابت عود زي اعواد الشواء ويدها اليمين جوا سوري ع الوصف وبيدها اليسار دخلت العود
دقيقه نزلت مني شيء دافي طبعا ما شفته هو مويا او دم
جااني مغص استمر ربع ساعه وراااااح قالت امشي ساعه بخطوات واسعه شوي قمت مشيت وتعبت لاني مزكمه
ولا جاني الم سوت تخطيط قالت طلق خفيف وقالت بركب لك الطلق الصناعي
قلت اوك ركبته لي ونص ساعه وبدا الالم الجد بين كل طلقه والثانيه مافي وقت ورا بعض
شالت التخطيط اللي فوق بطني وركبت واحد من فتحت الرحم على راس الجنين
بصراحه صحت مرتين او ثلاث ووقت ما بدا الجد قلت اوفر طاقتي وخاصه اني تعبانه
القابله تقولي لا تدفي اقولها انا ما ادف هو اللي يدف
وجالسه عندي تتفرج صرخت صرخه قالت خلاص نبدا ولاده وجم المسادعات لها والحمد لله ربي سخرلي قابله بلسم
قالت انا راح اخدر بابره لا تخافي طبعا ما حسيبت فيها من الطلق ووسعت لي
وبدات قالت دفي دفيت مره مرتين والثالثه تعبت فيها بديت احس اني اختنق
جات الطلقه الرابعه ما كملتها في نصها جاتني ازمة تنفس بسبب الله يكرمكم البلغم على صدري وركبو لي اكسجين
وطبعا استرخيت في نص الطلقه وسحبت ولدي حبيب قلبي وحطته فوق صدري
طبعا انفجعت على راسو لاني حصلت جرح بسبب جهاز التخطيط وكمان لما استرخيت في الطلقه الاخيره
عضلات الرحم ضغطت على راسو ومع سحبها له راسو من ورا طولة شوي
واخذوه نظفوه وشفتها وهي تلفه عيني عليه فديته
وبدات تخرج المشيمه طبعا مره ما حسيت فيها وهي تخرج لان القابله تسحبها وتخرجها
ما تنتظر لحد ما تخرج طبيعي وبدات تخيط واتا جاني برد وارجف بس وهي تقوولي ماما اصبري شوي
وسوت لي خياطه داخليه من جوا ومن برا
والحمد لله على منه وفضله والله بعد الولاده بساعتين حسيت ان الالم والتعب كله حلم
وطبعا جات الدكتورة تكشف على الخياطه حسبي الله عليها المتني موووت
يدها كانها دبابه
وسالت الدكتور على راس ولدي قالي طبيعي لما استرخيتي وسحبوه وبعدين لا تخافي اغلب البكريات كدا
واسبوعين ويرجع راسه طبيعي الحمد لله فديت قلبه وعيونه ولونه وريحته اللي تجنن

اسال الله العلي العظيم ان يرزق اخواتي ولاده سهله ميسره ويخلي لنا اولادنا يارب ويرزقنا برهم
اعذروني لقلة دخولي والله ما نسيتكم بس ضيق الوقت وانا لحالي الله يعيننا

بقول ان الطلق الصناعي مو زي ما قريت عنه في كل الاحوال بيجينا الم ونتالم سواء كان الطلق طبيعي او صناعي
بس الفرق الوقت ان الطبيعي يااخذ وقت بالساعات اما الصناعي ساعه وكان حبيبي في حضني الحمد لله

[بسبوسه2]

يالله تكبري وتنسي يابيري هههههه والف الحمدلله علا سلامتك بس سؤال انااول مره اسمع عن الاناناس بصراحه وايش علاقته بالطلق
وهل فعلا الي جاك منه ولا ماتدرين واي نوع اكلتي اناناس طازج ولامعلب

[بسبوسه2]

رمال الف الحمدلله علا سلامتك وتتربى بعزك البنوته الحلوه

[طيبتي أكبرهمومي]

بيري الحمدالله على سلامتك والله يرزقك بر ولدك ويجعله قرة عين لك وللوالديه..
يابنات خصوصآ بكريات
بتولددون يوم وبتنسون كل شئ سبحان الله.. على تعب ونفسيات وكل شئ
الله يرزقكم الاجر والحلم وجزى والدينا بجنه
ودكم تحملون مره ثانيه لوو بعد حين سبحان الله
لان بينهم ملك يقول عودي وانسي حر وليدي صح كلامي والا لا :)؟؟

.....
كروشات وش رايكم بشخص اللي يستفزك بدعوته لحضور زواج زوجها وهي على وشك ولاده وش تكون رده فعلها
ههههههههه؟؟؟
وصلتني يوم هالحركه وضحكت مرره هههههه

[faith-berry]

المشاركة الأصلية كتبت بواسطة بسبوسه2

يالله تكبري وتنسي يابيري هههههه والف الحمدلله علا سلامتك بس سؤال انااول مره اسمع عن الاناناس بصراحه وايش علاقته بالطلق
وهل فعلا الي جاك منه ولا ماتدرين واي نوع اكلتي اناناس طازج ولامعلب

اهلين بسبووسه اخبارك يالقلب
ايه من خلاص كبرت ونسيت اللحين افكر اجيب اخو لولدي ههههههه
امزح ترى باقي بدري

ايه يالغلاا من الاناناس لاني في هاليوم ما اكلت شيء غيره وشربت حليب بس
وانا وقتها كان الرحم عندي مفتوح 3
كان عندي علبتين اكلتهم بس طوول اليوم اناناس لاني اعشقه
ولما سالت الدكتور قالي ايوه فيه انزيم يحرض للطلق وقال اسمه بس مع تعبي نسيته
بس قال لازم يكون الرحم مفتوح زيه زي اي محرض
والله يسهل لك ولادتك يارب

[faith-berry]

طيبتي اخبارك ياغلاااي
الله يسخر لك زوجك وحسبي الله على من حرضه عليك
طنشي وما عليك منو راح يرجعلك ان شاء الله ندمان ويطلب تسامحيه
فكري بس في صحتك ومولودك
ان شاء الله شوفته بتنسيك كل شيء
صحيح ردي جا متاخر بس ما نسيتك من دعاي في ظهر الغيب


بسالكم كروشاات للي تعرف للرضاعه الطبيعيه
من بعد الولاده وانا رضعت حبيبي
بس امس عندي الحلمات مره اذتني مقدر اقرب لها وبصدري انتفخ والحلمات كمان انتفخت
لاني قريت بعد الولاده بـ 3 ايام يبدا ينزل الحليب
طيب اللحين ايش اسوي عشان يروح هالانتفاخ في الحلمه
ما ابي ولدي يتعود ع الرضاعه حاولت اشفط موووت الم مره قوي
يااريت تفيدوني

[وميض النجوم]

بيري الحمدلله ع سلامتك مرة ثانيه بالنسبة للرضاعه ماعندي علم والله انشاء الله يفيدونك البنات

[طيبتي أكبرهمومي]

طيبتي اخبارك ياغلاااي
الله يسخر لك زوجك وحسبي الله على من حرضه عليك
طنشي وما عليك منو راح يرجعلك ان شاء الله ندمان ويطلب تسامحيه
فكري بس في صحتك ومولودك
ان شاء الله شوفته بتنسيك كل شيء
صحيح ردي جا متاخر بس ما نسيتك من دعاي في ظهر الغيب

.................
تمام الحمدالله أخبارك إن شآء الله انك بخير
اللهم آمين
وش اقولك بس كنت مرتاحه اليوم على الآخر وافكر بلحظات ولادتي قام ارسلي رساله زواجه ومكان قاعه ومدري ايش وتوصيفها وربي ماله داعي قلت بكيفه وغير كذا طنشت على الآخر
بس وقتها ماعاد همني شئ اهم شئ صحتي وصحه البيبي ان كتب له الحيااه...
الله يجزاك خير الله يوفقك ويسعدك ويسخر من تولى امرك حبيبتي
والرضاعه ماعندي خلفيه بس أسالي قسم الرضاعه هناك يمكن يفيدونك
بس أسألك انتي دهنتي حلمات الثدي بزيت الزيتووون؟؟
يمكن سوى لك الم
انا مره انسى ادهنهاا بزيت زيتوون وانا ودي ارضع طبيعي بس ليت احد يفيدنا بأستشارتك