تجمع حــوامل التوائم

[حزن الزمان]

بنات استغقر الله كرهت نفسي والله ... ولا عيوني حواليهم سواد مش طبيعي وبشرتي تلوع الكبد ...ولا الرقبة خطوط وسووووواد غير عادي ...والمدفع اللي هو بطني خطوووط والله كأنها خريطة العالم وادور على قطر فيها هههههههههههه ...الله يهونها علينا يارب ...

[نواعم النعومه]

تصبحون على خير
والله هلكاااااانه من معدتي بس الله يستر علينا يارب ويتمم علينا بخير

[قلائد العز]

السلام عليكم ورحمة الله
مساءكم سعاده بطاعة الرحمن يالحبيبات

كان عندي موعد أشعه صوتيه والحمدلله رحت وأنا والله مره شايله هم
التعب والجلسه الطويله مع الصيام .
موعدي 8،30 ودخلت 10،30 وماغير أقلب عيوني بهالحريم وأهون
على روحي يعني كلهن تعبانات مثلي ويمكن فيه أشد .. بس كان عندي
مشكله ( ريحة فمي ) تقلب معدتي ! طبعاً صايمه يالله لك الحمد والشكر
بس ولو خياس ( والحق إني لا يمكن أستغني عن الفرشه والمعجون )
لو على جثتي ..لكن ماباليد حيله خشم الحامل خشم ولا كل الخشوم ( حساس للروائح) ..
المهم نادوني ... يوم دخلت الغرفه وأعلق عبايتي وشنطتي وأتماسك
حتى أصعد للسرير اللي مابينه وبين السقف إلا متر ( ياكافي ) والله إبتلاء
أصلاً كلي مفككه ناقصه هالبلوه هذا ! وأخيراً تسطحت على السرير
بعد مشقه مايعلم فيها إلا الله ..
يوم أرتحت وجت أخصائية الأشعه تقلب ملفي ..قلت: لها ترى عندي توأم .
قالت :ماشاءالله وأسكتت شوي ثم قالت :إذا سمحتي أنزلي علشان نبي نروح
لغرفه ثانيه فيها جهاز أحسن ..
وأنا ماتتصورون شعوري !!!! ياربي عفوك
وأنزل و(النزله من الطعس أهون من الرقيه )بفضل الله
ونروح للجهاز الثاني وأخصائيه غير .. ومعاناتي هالمره أشد لأني توني
شاده بطني وفقراتي على ذاك السرير وللمره الثانيه هنا
يوم أرتحت على السرير حسيت إن راسي بدأ يوجعني .. وألتفت يمين
ويني ووين الشاشه ( ماشوف شي ) !!؟؟
قلت لها ماشوف شي !! لفي الجهاز لي. قالت : كيف انا أشتغل ؟
قلت: طيب انا أبي اشوف وإلا بأقلب المخده من الجهه الثانيه .
قالـت : إذا خلصت بقولك كل شي وبوريك .
قلت : تيب وأنا منقهره من هالطريقه وهالتهميش لحقي الشخصي .
وعينكم ماتشوف إلا النور حورفه ببطني فوق تحت وضغط يمين يسار
بهالجهاز .. اللهم إني صايمه
وخلصت الأخت بعد ماطلعت عيوني . . وتروح العمه تفتح النور وتغير الشاشه
قلت : وين وين ماقلتي تبي توريني إذا خلصتي ؟؟؟؟؟
قالت : لا زحمه زحمه وكل شي عندك طبيعي والأجنه بخير .
وطلعت

وأنا أنقهر وأقعد لي شوي اجمع جسدي المتناثر على السرير
وأنزل وأنا أسأل الله العفو والعافيه وأحوقل ..
وألبس عبايتي وأنتظر في الإستراحه ؛ لأنهم يعطوننا نسخه من الأشعه
نسلمها للطبيب يوم الزياره .

وأخذتها وخرجت وزوجي يابس ريقه من الأنتظار وزود على كذا
ماعندي شي يقال !!

رحت للبيت وأفطرت وشربت حبتين بنادول وصليت ونمت
الحمدلله فضل الله واسع والله يحب أن تؤتى رخصه . كيف وحنا على
هالوضع اللي مايعلم بشدته إلا هو سبحانه ..

ومر ذاك اليوم على خير يارب لك الحمد لأني تداركت نفسي
بالمسكن والراحه حتى لا تتضاعف حالتي سوء وأنغث مضبوط
من الإرهاق وتعب المعده والصداع

يوم صار بعد العشاء الله يسلمكم وأنا يطيروني عيالي الله يصلحهم
بالصجه .. فماكذبت خبر ! رحت واعتصمت بغرفتي
وقلت على الدنيا السلام .. ماالله حدني أقابلهم يجيبون لي هالحين
الضغط وإلا السكر لازم يصير لي وقت لحالي استرخي فيه واروووق .

وأتذكر ورقة الاشعه وأطلعها وأفتح مترجم قوقل ... والله ياجماعه
يارداءة الخط شي عجيب أغير الحروف وأبدل ويمكن هذا الحرف
او يمكن هذا الحرف ... انغثيت أنا وقوقل وما وصلت لشي يفيدني
رموز مشفره والله اعلم وشو ..

ويدخل علي ولدي واحد من إياهم اللي قبل شوي .. وأنا نظارتي
واصله طرف خشمي من التركيز وما لي خلق أحد ..

قالي : يمه
قلت : نعم
قال : أنتي رايحه لفرنسا ؟؟؟؟؟؟؟
قلت : فرنسا !!
قال : إيه
قلت : متى
قال : امس
قلت : لا مارحت . ليه ؟؟
قال : اختي معها دفتر فله حسبتك جبتيه من فرنسا .
قلت بيني وبين نفسي : ربي اشرح لي صدري ويسر لي أمري
ياليتك تطس عن وجهي أزين لي .بالله شكلي فرنسا
اسأل الله أن يبلغني شهر رمضان المقبل وأروح لمكه أبرك لي .


والله يصلح لنا وإياكم النيه والذريه ويهون علينا شهور الحمل ويطوي عنا بعدهن
على خير ويسر وصحه وعافيه لنا وأجنتنا ...
والحمدلله رب العالمين في كل وقت وحين وصلى الله وسلم على خير المرسلين

[قلائد العز]

أختي شازل

أنا عندي بدورة المياه الله يكرمك قاروره زجاج فيها مره مدقوقه مع زيت زيتون أصلي
هذي ما استغني عنها ( لا يمكن ) في الحمل وبدون الحمل .
إذا نظفت المنطقه الله يكرمك وتكون ذاك الوقت قمة الأزمه ( يعني كل شي مدرعم للخارج )
أجي ياصويحبتي وأرج الزجاجه وأدهن المنطقه ( البواسير ) من برا وممكن من داخل
بأعواد تنظيف الأذن ثم أدفع بها للداخل غصب .
ولي على هالحال يمكن خمس سنوات ... وهالحين ولد أخوي يدرس بالخارج يقول
ما أستغني عن هالخلطه ولا أرتاح إلا بها .

والله يخفف عنا وعنكن ويشفينا وياكم شفاء لا يغادر سقم .

[أم فاطمة]

صباح الفجر على الكروشات

حزن الزمان شخبارك وعلومك مع الثامن الله يبلغك التاسع وترتاحين يارب انا عندي البواسير اللحين تفرز صديد على طول تتوقعين عادي

قلائد العز الله يعينك على المستشفى في رمضان انا رفضت مواعيد الحكومة في رمضان والسبب انها ما تكون الا الصباح فا اروح الخاص احسن لي لانه بالليل

شازل الله يذكرك بالشهادة يوم انك ذكرتينا بليلة القدر اللهم اغفر لنا وارحمنا واعتق رقابنا من النار في هذه الليالي المفترجة يارب

اللهم فرج عنا وتب علينا واتمم حملنا على خير يارب العالمين

[البرنسيسة..؟]

المشاركة الأصلية كتبت بواسطة نـــــــارا

كروشات من عندها سكر الحمل
أنا اليوم سووا لي تحليل وقالوا لي أن السكر مرتفع وبكرة بيعيدوا التحليل لي

خبروني شنو أسباب ارتفاع السكر للحامل؟
وشنو مخاطره
وكيف أقدر اتجنبه؟

واللي عندها سكر حمل شتسوي؟؟

جاوبوني بليز

نصيحـــه منــــي ابعـــــدي عـــــن العيــــــــش (اكـــلي عيش شـــوي اذا تبيـــن)والخبــــــز الابيــــــض (استبدليــــــه بالخبــــز الاســـــمر)
وماتشـــــــوفين شــــــــــر

[أم فاطمة]

هلا والله بالبرنسيسة شخبارك وش علومك

[أم فاطمة]

تصبحووووون على خير

[البرنسيسة..؟]

هلا ام فاطمة
انا بخـــــير الحمـــد لله ..أنتي أخـــــــبارج مع الحـــــــمل؟؟

[البرنسيسة..؟]

وانتي من ا هــل الخير