ديوانية حوامل البحرين

أم حماني · 08-07-2010, 10:40 PM

اقتباس:

المشاركة الأصلية كتبت بواسطة حروف عاشقة

نسيت ابارك لكم بالشهر الفضيل الله يقدرنا على صومة أجمعين ،، اني بكرة بصوم عشان ادرب نفسي على لصيام بس خايفة من مسألة العطش على طول عشطانة ، غير الثقل هل اليومين إلي احسة بكسر ظلوعي وما اعرف انام بالليل كل شوي اتقلب ما انام إلا الصبح ..

مبارك علينا وعليج ان شاءالله ,, والله يا اختي انا ااحاتي نفس الشي ومابي افطر كلش ... وانا بدون شي كله احس روحي عطشانه بس ان شاء الله ... ربي يعطينا على نيتنا ويقدرنا نصوم الشهر كله ... امي تقول لي انها يوم كانت حامل بي صادف رمضان وكان عز الصيف والحر بعد ... هههههههههه الظاهر وراثه

حروف عاشقة · 08-07-2010, 10:41 PM

والله يا ام حماني الشعوووور ما ينوصف في مسألت التشري ونااااااااااااااااسة :)

اي اشتري كله مثل الشي ،، اليوم شريت من سوق محرق شنطات تفصيل مع المرقد والبسطة وإلي يلوتون فيه الياهل ،، وأغلفة الرضاعات >> اكيد الاسماء تختلف :) ...

اخترت لونهم بيج ودخلت عليهم شريطة ووردية مع تطريزة حلوة تعبر عن التوأم ..

أم حماني · 08-07-2010, 10:47 PM

ماشاء اللله ... الله يبلغج خير ان شاء الله ... انا خاطري اييب توأم بس ماعندنا احد في عايلتنا ياب توأم ... خوال امي كانوا توأم الله يرحمهم بس لايدتي ولا احد من خالاتي او خوالي يابوا توأم .. وبنات عمي بعد توأم بس من طرف امهم ... سمعت انه في طرق طبيعيه للحمل بالتوأم .. بجرب المره اليايه باذن الله هههههههههههه

حروف عاشقة · 08-07-2010, 10:51 PM

احنا عندنا وراثة بالعايلة بس ابد ما توقعت روحي بيب توأم لما قالت لي الدكتورة قمت اضحك لاني مو مصدقة .. الله يردش إن شاء الله بحماني بالسلامة وبعدين يعطيش على قد نيتش ..

أم حماني · 08-07-2010, 11:02 PM

مشكووووووووووورة ... بسألج تغير شكلج وقت الحمل ولا لا ؟؟ انا متعقده من روحي لانه خشمي كبر شوي واسمررررريت

حروف عاشقة · 08-07-2010, 11:10 PM

اي اتغير اني بعد اسمر بس خشمي ما يتغير واضعف مع الحمل وااااااااااايد .. هل الحملة نازلة 20 كيلوا تقول لي الدكتورة شكلش ناوية تنقرضين

أم حماني · 08-07-2010, 11:14 PM

غريبه ينزل وزنج هالكثرررر ... نساتج كانت صعبه ولا عاديه ؟؟؟ انا اول ماحملت كان وزني 71 ومع النساة صار 63 ... بس ياريته تم 63 وما زاااد .. هههههههههه

حروف عاشقة · 08-07-2010, 11:18 PM

ويش اسوي يا خيو نساتي كلش صعبة ما كنت اكل شي كله على المغديات وكنت اترقد بالمستشفى يعني شي طبيعي بينقص ولما قمت اكل ما قاعد يزيد وايد في الشهر كيلو أو يضل ثابت

أم حماني · 08-07-2010, 11:43 PM

اقتباس:

المشاركة الأصلية كتبت بواسطة حروف عاشقة

ويش اسوي يا خيو نساتي كلش صعبة ما كنت اكل شي كله على المغديات وكنت اترقد بالمستشفى يعني شي طبيعي بينقص ولما قمت اكل ما قاعد يزيد وايد في الشهر كيلو أو يضل ثابت

اهم شي صحتج وصحه البنوتات اوكيه ... و احسن لج عن زياده الوزن وبلاويه ... الا ماقلتي لنا شنو قررتوا تسمونهم؟

أم حماني · 08-08-2010, 12:03 AM

pink girl ؟
من زمان مادخلت