دردشة حوامل أهل قطر - دردشة بنات قطر - تجمع حوامل قطر

[شوكلاطة]

مس حسن

هلا الغالية ,, الله لا يقصر بعمرج ان شالله :)

انا مادري الصراحة أحس احيان بالام بس ماظن انها طلق لأن قالو الام الطلق تحت البطن والظهر ,, خبرج بجر ماجربت الطلق قبل ,,

الحين سلمج الله انا فالتاسع ,, شهري ,, ماعطيني 18 أو 20 فبراير الولادة ان شالله

اي صح كلامج من جذي ماقاعدة اخذ شي من هالاشيا او الاعشاب اللي تزيد الطلق على قولتج لازم يكون الرحم مفتوح ,,

بعد بكرة ان شالله عندي موعد بنشوف شبتقول الدكتورة ,, الله يعين وييسر يارب

وبجرب القرفصاء على قولتهم ههههههههه أدور الاشيا اللي ماتضر ان شالله

المشكلة مب قادرة أمشي وايد هالايام الهوا بارد ..حدي ربع ولا نص ساعة .. مع اني اتدفى بس احس بطني يتيبس من البرد ,,

شكلي بمشي فالمجمعات ,, بس يبي لي أحد يغمض لي عيوني ولا بفلس ومابمشي كل شوي بوقف

[Mss Hassan]

هههههه حتى انا اول بيبي لي

وتمللت ماعرف اي الالم طلق 


وصفوا لي بس ماعرفته

الا لما رحت المستشفى وقام يزيد ويجي كل 5 دقايق

عرفته ههههههه

اي القرفصاء كنت اسويها زينه


ههههههه اهم شي حد يغمض عنونج 


خلاص تمشي في بيتج احسن 



انتي كم عمرج اذا مايزعجج السؤال

بس حبيت نتعرف على بعض اكثر 

[حرم المالكي]

المشاركة الأصلية كتبت بواسطة mss hassan

حرم المالكي ؛


نورتي موضوعي فديتج 


و يسلمو على التقييم 


/

شخبارج مع الدوام و الثقل ؟


ان شاءالله مرتاحه 

هلا مس حسن

الدوام ماشي حاله .. الثقل موجود و احس الشهر الثامن ما يمشي..

الله يعين ان شاء الله.

[حرم المالكي]

المشاركة الأصلية كتبت بواسطة شوكلاطة

ويييه يحلوه الله يحفظه والله يعينج ان شالله*

ههههههه اي خبرة معارض ههههههه

امين يارب الله يسمع منج

ياالله قولو لي من خبراتكم شنو اللي يسرع الولادة ويسهلها باذن الله من تجاربكم

غير المشي والتمر؟


وبعد شي ثاني اذا احد فيكم يعرف
يدي صارت تنمل واااااايد لما انسدح ولا ارقد
سألت الدكتورة قالت لي عادي احتباس سوائل ويمنع وصول الدم وبيروح بعد الولادة
حد فيكم صاده هالشي ؟ وهل تعرفون له حل ؟مع اني مانام عليها بس علئ طول من انسدح كفوفي نملت*



هلا شوشوو.. شخبارج؟

بخصوص تسريع الولادة انا ما جربت الصراحه كل شي له وقت سبحان الله.. بس المشي ززززين و الجماع و التمر طبعاا.. انا في بجري مشيت لين هلكت و بدا معاي الطلق عقبها سبحان الله..
اما في الثاااني مشيت لين زهقت و ما ولدت الا في اخر يوم من شهري..
المشي اذا ما نفعج ما راح يضرج ان شاءالله.

و بخصوص التنميل شي طبيعي و لاتحاتين ان شاء الله.. ربي بيسهلها عليج.

[حرم المالكي]

ماشاءالله عليكم ما لحقت على سوالفكم

الله يهون عليج شوكولاطة و صدقيني كلما سهلتيها على نفسج بتسهل .. لا توسوسين وايد..

و ان شاء الله بتجربين الطلق الصجي

جك بك الا البيبي طالع

[Mss Hassan]

حرم المالكي ;


الله يعينج فديتج


و يسهل عليج ان شاءالله بتمر الايام بسرعه لاتحاتين 

[شوكلاطة]

المشاركة الأصلية كتبت بواسطة Mss Hassan

هههههه حتى انا اول بيبي لي

وتمللت ماعرف اي الالم طلق 


وصفوا لي بس ماعرفته

الا لما رحت المستشفى وقام يزيد ويجي كل 5 دقايق

عرفته ههههههه

اي القرفصاء كنت اسويها زينه


ههههههه اهم شي حد يغمض عنونج 


خلاص تمشي في بيتج احسن 



انتي كم عمرج اذا مايزعجج السؤال

بس حبيت نتعرف على بعض اكثر 

يحليله بجرج علاوي يا أم علاوي ,, الحين عاد تعلمتي صار عندج خبرة للمرات الجاية ان شالله ,, عقبالنا

اي والله شكلي بتمشى فالبيت عن الخساير هههههه المشكلة الحوش ماقدر حذانا بنيان وعمال يطلطون لابارجت فيهم ..شكلي بمشي داخل البيت من الغرفة للصالة للمطبخ هههههههههه

عمري سلمج الله عمر الزهور إلا قولي عمر السدر ولا العوسج هههههههه عيزنا يمج مابقى من العمر كثر ماراح ,, لا تعيبين عاد
28

[شوكلاطة]

المشاركة الأصلية كتبت بواسطة حرم المالكي

هلا شوشوو.. شخبارج؟

بخصوص تسريع الولادة انا ما جربت الصراحه كل شي له وقت سبحان الله.. بس المشي ززززين و الجماع و التمر طبعاا.. انا في بجري مشيت لين هلكت و بدا معاي الطلق عقبها سبحان الله..
اما في الثاااني مشيت لين زهقت و ما ولدت الا في اخر يوم من شهري..
المشي اذا ما نفعج ما راح يضرج ان شاءالله.

و بخصوص التنميل شي طبيعي و لاتحاتين ان شاء الله.. ربي بيسهلها عليج.

سبحان الله .. حتى الوحدة نفسها يختلف من بيبي للثاني شلون عيل من وحدة لوحدة ,, على قولتج الوحدة بتولد فالوقت اللي ربي كاتبه لو شنو ماسوينا , بس يعني الواحد ياخذ بالاسباب,,

والتنميل الله يعيني ويصبرني عليه احسه يزيد كل يوم ,, الحين لما امسك الجوال بعد يدي تنمل

امين يارب الله يسهلها ان شالله علينا وعليج يارب

تسلمين حبيبتي ماتقصرين ,,

[شوكلاطة]

المشاركة الأصلية كتبت بواسطة حرم المالكي

ماشاءالله عليكم ما لحقت على سوالفكم

الله يهون عليج شوكولاطة و صدقيني كلما سهلتيها على نفسج بتسهل .. لا توسوسين وايد..

و ان شاء الله بتجربين الطلق الصجي

جك بك الا البيبي طالع

ههههههههههه اي النشاط زايد هاليومين

امين يارب العالمين ,, ان شالله الله يسمع منج ,, احاول ما اوسوس ومخلية الاجانب قدوتي الحياة عندهم سهالات يحلوهم ,,

ميرسيي حبيبتي تسلمين ,,

[Mss Hassan]

شوكولاطه ؛

اي بجري حبيب امه ماتشوفينه يتدلع 

اي صار عندي خلفيه عن الولاده 


عؤبال عندج 

تمشي انا تمشيت بالبيت بعد ههههه في الايام الي يكون فيها ريلي مشغول امشي حالي ههههه



اي الحين كله بنيان بكل جهه الله يعين

فديت عمرج 

تو الناس عمرج عمر الزهور 


اعرف ناس دخلوا الـ 30 و القلب خضر و يحسون هذا وقت الشباب الحقيقي 