الي راح تنفس في بيتها تدخل(دردشه النفوسات)

[لينا 3]

المشاركة الأصلية كتبت بواسطة عاشقة الجنه

مرحبتين يالينا
تسلمين يالغاليه عندى رقم عشرين وحده بس زي ماقلتي يتشرطون والشي الثاني يورطونك اسبوع او عشر ايام ثم قالت خلاص هونت ماني مشتغله
الله يفرجها من عنده ويعين يارب
ضاااااااااااااااايق صدري اليوم موعدي بالعسكري ومارضيت الدكتوره اسمها حياة مارضيت تكتب لي اجازه مع ان الحساب عندها دخلت اجازه من يوم جيت وانااتحسب عليها تقول قبل نهاية التاسع باسبوعين افكر اعطيك المشكله ملفي قدامها عندي الف مشكله بالحمل الله ينتقم منها

الله يعينك موظفه وحمل وبدون شغاله والله شئ صعب لاكن وكليها على ربك وعدي هل الاسبوعين واصبري ودائما زي مااسمع العسكري نكديين الي فيه والله ياحبيبتي
من حقك اذا انتي تعانين من مشاكل في الحمل انك تريحين الزم ماعليك طفلك وصحتك الله يتمم لك وانصحك اذا جاك الطلق انك تروحي تولدي في مدينه الملك فهد الطبيه تراها مره روعه انا اراجع هناك وربي روعه نظافه واهتمام وهدوء وراحه نفسيه بس لازم تروحين خالصه مره يعني طبيعي لانهم مايستقبلون عمليات الاباامر او تحويل او كملي متابعتك في خاص واولدي عندهم ابرك من العسكري وغيره على الاقل فيه مجال تاخذي اجازه منهم على كيفك ، والله العظيم حماتي كانت تراجع في الحبيب لان زوجها تبع التامينات وتمدح فيه مدح مو صاحي وولدت فيه واخذت جناح هي وزوجها وكان معاها وقت الولاده وجلست يومين على طلبها في المستشفى قسم بلله تقول ولافندق خمسه نجوم بس زوجها ماشاء الله عليه قادر وماعنده مانع ،، لاكن شوفي انتي ضروفك ولي يناسبك سويه الله يسعدك يارب وطمنينا دائما على نفسك .

[للحب عنوان]

انفسي بالمستشفى كثير ناس يسونها اهم شئ راحتك

[عاشقة الجنه]

للمحبه عنوان ؟ كيف انفس بالمستشفى اول مره اسمع فيها

ليــــــــــــــنا 3
الله يسمع منك ويسعدك ويتمم حملك بخير شفتي ظروفي كيف صايره اصلا كان عندي شغاله جلست خمس سنوات ويوم سافرت جبت وحده من مكتب 13000 الف نقل كفاله وهربت الله لايلقيها خير
وبالمناسبه انا فاتحه ملف في دله بس الدكتوره الي ابغاها كانت اجازه ورجعت لكن كان موعد العسكري ورحت ومن حقي اجازه لاني دخلت التاسع ويوم الدوام اكون ماخذه منه اسبوع بس حظي عاد وداني عندها باروح بعد بكره باذن الله دله
خلينا من هالخرابيط انا جبت لك بشااااااااااااااااااااااره المحل الي باسواق مكه فيه مفارش خياليه وسالته تبيع قطع معينه لاني مابغى المفرش كامل قالي عاااااااااااادي ويقبل المكاسره بصراحه ندمت اني ماخذه مفرش ليتني صبرت شوي بس الحمد لله
راح اكتب لك رقم تلفون المحل واسمه انا اخذت من عنده روبين واحد قطن وواحد مخمل بس بنبهك المحل الي جنبه بالضبط ارخص منه لكن يفصل الارواب تفصيل حسب طلبك عنده عينات قماش مره جنان لكن مافي وقت بالنسبه لحالتي
اسم المحل(حبيبتي ماما)ورقم تلفونهم 4115850
ياليت قدرت افيدك

[لينا 3]

هلا باالغاليه والله اني مدري كيف اشكرك الله يسعد قلبك ويخليك يارب فعلا خدمتيني الله يسخر
لك من يخدمك في ولادتك يارب وفعلا والله اني منحاسه هل الايام في ترميم شقتي وبعد معي
زوج ماشاء الله عليه همته عاليه يومه بسنه يعني شكلي بقضي من هنا واروح اولد من هنا
لاكن الله يهونها علينا وعليك ويقومك باالسلامه حبيبتي والله انك اخت تستحق الدعوه في ظهر الغيب ...... اختك ام عبد العزيز .

[حياتي عيالي]

معليش ياعاشقه الجنة سؤالي لماكنتي اول بنفاسك اللي قبل واللي قبله من كان يقوم بشغل البيت من تنضيف وترتيب والتنظيف بعد الضيوف واكلك من يسويه وكم عندك اطفال انا عندي بنت عمرها 6 سنين وولد عمره 3 سنين وخلاص باذن ربي نويت احمل وتوني فاكه الحبوب

[عاشقة الجنه]

هلا وغلا يا ( حياتي عيالي) الله يخلي لك عيالك يارب
يالغاليه مره كان عندي شغاله وكانت زي عدمها لانها توها جت وماتعرف لاعربي ولاانجليزي بس نفعتني بغسيل الحمامات الله يكرمك والكنس والي قبل والله ماكان عندي احد بس ترى الموضوع مو صعب للدرجه هذه انا غلطت بنفاسي الاول ماكان احد يوجهني ويعلمني كنت افطر صامولي وجنه وشاهي ولااهتم اقوم بدري واشتغل وااغسل وانظف وتعبت بعد الاربعين لمدة سنه لدرجة عدت الخياطه مره ثانيه بس الحمد لله تعلمت وفهمت
المرة هذي راح اقولك طريقتي 1-بالنسبه للضيوف تعرفي طريقتنا الي يجي يجيب قهوته واغراضه معاه وتنحط عالطالوله ويتضيفون منها وانااكون مجهزهسلة فيها تمر ومغلفتها وفاتحه بس طرفها وسله ثانيه معمول تمر بجهه وبتفور بجهه وغلفتها وتكون على طول بالطاوله الي في المجلس الي انا فيه وفناجيل قهوه وشاهي بصحن حلو ومغطيتها بمنشفه
اما بالنسبه لي شخصيا اكون قبل النفاس مجهزه دقيق بر وخالطه معاه دبي وناخلته وموزعته باكياس يعني كل كيس فيه ثلاث اكواب بر وكوبين دبي واعجن كل واحدلمدة ثلاث ايام بالثلاجه احط معاه ثلاث ملاعق حليب وملعقه ص حبه سوداء وملعقه سكر وملعقه ملح ويكون نفس القرصان اثقل من عجينة اللقيمات وكل يوم اطلع منها شوي واحمي الصاج (الصيينيه) واسوي قرص واحد مع ثلاجة قشر وشوي تمر او بيضه مسلوقه وحليب هذا فطوري
والغدا بالضغط تعرفي ماياخذ وقت مره مسلوق ومره خضار ومره مرق واحط بقدر ثاني شوي رز لزوجي وعيالي واهم شي ماتعرض للهواءواسوي كل يوم ( شمر يانسون حبه سوداء كراويه لي انا والنونو )لمااجوع احاول اكل فواكه والحياة تمشي غصب وانااختك بس اهم شي تجهزي كل شي قبل التاسع والله يقومك بالسلامه
بالنسبه للملابس غسالتي تماتك
وطمنينا عنك الله يكتب لك مافيه الخير ترا منزله موضوع فيه كل احتياجات النفاس وطرق استخدامها وانا بالخدمه يالغاليه

[dimond]

اهلين بالحبايب ..........كيفكم ياحلوين .......آسفة توني اقرا المشاركة ..بالنسبة للمحل اللي اخذت منة المفرش اسمة شار هو جنب محل حبيبتي ماما بس ارخص منة وشغلاتهم حلوة صحيح انو المحل ضيق بس والله عندهم ضغط في طلبات الزباين عشان كذا يرخصون اسعارهم ........تخيلي كان المفروض ندفع حق المفرش بكامل القطع ال22 ب750 لكن يوم اخروا التسليم قالو لنا خلاص عشان تاخرنا عليكم في تسليم الطلبية ادفعو بس 500عاد حنا ماصدقنا خبر .ههههه

اتمنى اكون افدتكم ياليت تدعون لي بتسهيل الولادة لي ولكم آآآآآآآآمين يارب ....والله كل ما افكر انها قربت اخاف واحاول اتناسى الموضوع الله يسهل علينا يارب...ويستر علينا.

[عاشقة الجنه]

هلا وغلا دايموند الله يتمم لك ولنا على خير ويارب عقبال ماتنورين المفرش مع النونو وانتم بصحه وعافيه والله ندمت اني تسرعت واشتريت بس الحمد لله
انا دخلت التاسع زي ما قلت بس مره تعبانه تقلصات ذابحتني ومغص والم مع اني بعيالي قبل اكمل التاسع مادري عن حملي هذا الله يستر كاني اول مره احمل هههههههه خايفه

[dimond]

والله اني زيك واحس نفسي خايفة ....صار لي خمس سنوات ماحملت عشان كذا مطولة واحس اني متوترة كل ماتذكر الولادة احس انة بيصير فيني شي مدري كذا احساس غريب احس هالمرة غير مدري لية ....

[لينا 3]

دايموند وحبيبتي عاشقه الجنه بلاه والله من الدلع خمس سنوات وتسع سنوات وانا سبع سنوات كلها نوم ورباده ودلع وتمشي في الاسواق وسفريات وبعدها جانا الي هجدنا وكبرنا وتعبنا لاكن لجل عين تكرم مدينه صح يابنات يعني هذي كلها تخوفات من الولاده لانا مجربين وعارفين وش قدامنا لاكن الله يسهل وهي فتره وتعدي وش تقولون فيه انا توائم الله يعين ويتمم ربي على خير المشكله انو التعب يهون بجنب الحاله النفسيه الزفت قسم بلله من كثر المشاكل الي صارت في حملي هذا صرت كارهه شئ اسمه حمل وولاده صرت حساسه وزوجي عصبي ومكرهني في نفسي ولاقاعده ارمم الشقه وتعرفون الترميم ومايلحقه من مشاكل وانا ابغى حاجه وهو يبغى وتعالي شوفي
البس والفار بس حقيقه مو افلام كرتون حتى اني فكرت اروح اولد عند امي واتركه هو وعياله لانه صراحه مو متعاون وانسان يرفع الظغط بجد لاكن مااقول غير الله يفرجها ويسهلها يارب ويسترنا يارب في الدنيا والاخره امين يارب العالمين .