دردشة حوامل مملكة المغرب - تجمع بنات المغرب

ام الخلفاء · 10-08-2010, 03:14 PM

مرحبا اختي اسمهان غدي نكلو الرفسة انشاء الله وليني راه الاخت دولس هيا لي تكلفات بيها

ههههههههههههههههههه

لعقبا ليها انشاء الله ولكل من باغي

اختي اسمهان انتي حاملة عندك شي وليدات ؟

ام الخلفاء · 10-08-2010, 03:14 PM

مشفتوش الاخت ام صيصة غبرات عسى ماشر

ismahan2000 · 10-08-2010, 03:52 PM

السلام عليكم.جمعة مباركة ان شاء الله.اياه اختي ام الخلفاء انا حاملة في الاسبوع 16 يعني غادي ندخل ل 4 شهور.الله يكمل.حتى انا هدا هو حملي الاول الله يعونا عليه.

dolce · 10-08-2010, 04:06 PM

السلام عليكم كيف راكم مع الحمل شوية ايوة معندي مندير انتوماا مثقلات انا الي غادي نديرالرفيسة ماكاين باس كيدايرين مع الحمل وانشاء الله ام صيصة تكون على خير شفتهاا غبرات
اجي نقوليكم تتاكلوا الفوليك اسيد تيعطيوه ليكم في اول الحمل تماا راه ضروري ومفيد

ismahan2000 · 10-08-2010, 04:23 PM

الله يبارك فيك اختي دولسي.باينة فيك حادكة.ايوا ا لحمل ها حنا غادين معاه الحمد لله.انا كاناخد حمض الفوليك و لكن للاسف ما خديتوش من بداية الحمل حينت هو مفيد بزاف في 3 شهور الاولة.عرفتو انا اليوما مسافرة غادي نشوف دارنا توحشتهم .العقوبة ليكم حتى انتوما و الله يعاونكم مع غربتكم.ايوا نشوفوكم نهار الاثنين ان شاء اللله.

ام الخلفاء · 10-08-2010, 09:20 PM

طريق السلامة اختي اسمهان تمشي وترجعي بالسلامة انشاء الله

اه اختي دولس خديت فالاول الفوليك اسيد ومجوعة دلفيتامينات على حقاش انا كنت ناقصة فالوزن بزاف

ايوا الزواج اومايدير هههههههههههههههه

ودبا كتبات ليا الحديد ناخدو حتى نولد

بلاتي حتى حنا خصنا نطالبو بتتبيت التجمع ديالنا
اولا لا
كنجي نرد عليكم كنلقا الموضوع طار تنقلب الصفاحي تنلقاه فالتالتة والى اكتر

ام صيصة · 10-08-2010, 09:48 PM

مرحربا بناس الرباط و مراكش عقبال المدن تانية
ايه اخيتي عاش منديروش الرفيسة راه شي عامين ما دقتها هههههه الله يستر

اهلا بام خلفان هاد لقب ديال ولدي على سمية مسلسل احمد ادم في رمضان الا شفتيه كان اسمو صيصة و عمو و ابوه لقبوه بصيصة و هو اسمتو سيف على فكرى زوجي مصري داكشي علاش كيحبو يدلعو سميات ولادهم هههه

ام الخلفاء · 10-08-2010, 10:35 PM

الله اخليه ليك اختي ويهديه غير بيت نضحك معاك شوية ولكين زين الدلع شكون الي كره هههههههه

شوشتينا عليك غبرتي

ولكن الحمد لله على السلامة

dolce · 10-09-2010, 12:34 AM

اختى اسمهان الله يديك على خير انشاء الله ام صيصة عامين مادقتيش الرفيسة ويلي اصحبتي وانشاء الله نبقاو على اتصال ديماا

Om KHaled · 10-09-2010, 12:40 AM

أهلا , اهلا بالغزالات
انتما هنا ونا مافخباريش بصراحة الله يعطيك الصحة أختي أم صيصة على هاد الفكرة في تجمع المغربيات , فرحت بزاف فااش شفتو وان شاء الله ربي يجمعنا فيه على خير ونكونو اسرة فيه حيث والله ربي الللي عالم بينا خصوصا احنا المغتربات توحشنا الهدرةبالمغربية وماكانلقاو معامن نتكلموا ...معلش نسيت نعرفكم على نفسي
انا نور القمر طبعا اسم مستعار بنت فاس مزوجة سعودي وعايشة بمكة من حوالي 6 شهور .. انا حاملة ب 5شهور ان شاء الله هذا اول حمل لي , عمري 28 سنة ونا فرحانة بزاف بزواجي الله يكمل لي بالخير ويسعدنا مع بعض ...
تحياتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحبن بضيفة من المغرب......	أم حفصة	ملتقى عضوات حوامل	10	04-22-2012 05:54 PM
صور لقصر الامير سلطان في المغرب	غلا الشوق	المـنـتـدى الـعـام	31	08-09-2011 04:35 PM
المغرب من تصويري تفضلو	ام حصة	المـنـتـدى الـعـام	31	03-14-2011 01:27 AM
المغرب من تصويري الجزء الثاني	ام حصة	المـنـتـدى الـعـام	1	11-13-2010 04:30 PM
قفطان بلاد المغرب الحبب	سموة الشوق	الموضة و الجمال	12	09-25-2010 05:54 PM