بافضفض لكم حبيبي خاني وحرقني قلبي وكسره

[احاسيس ورده]

ماقصرو الاخوات
بس انا اقول استفيدي من لي صار لصالحك
يمكن يتغير بعد لي صار في
قومي اليل واستخيري الله
وفكري في عيالك وفي نفسك
وشوفي اش في رجالك شي زين واش الشي الشين
واكتبي السلبيات بورقه
وحطي عنده كل سلبيه حل لتغير
مثلا
يترك التاكسي ويدور علي وظيفه ثانيه لوحارس امن الشغل مو عيب
بهتم فيكي وفي عيالك
مايحرمك من اهلك
وعاد شوفي الي انتي تبغينه وخليها شروط لكي.
وانه يتغير
ترا الرجال ضعيف الحين تحصلينه فاق وندم الف مره علي الي سوا
يبغا رضاكي فانتي اضغطي علي نفسك وخليكي قويه لا تضعفين غيري معاملتك له بس خليكي ذكيييييه
واستغلي كل غلطاتوفي صالحك

والله يساعدك ويسر امرك يارب

[بدون نك]

الله يكون بعونك كثري من الاستغفار وادعي ربك ان الله يريح قلبك واحمدي ربك انه انكشف ولا استمر يلعب عليك والبنات ماقصرووو ماعندي شي اقوله اكثر من كذا

[ام مناف 11]

صباح الخير حبيباتي
اولا اريد اقولك الله يصبرك ويعوضك خير في مصيبتك
ثانيا حابه اطرح سؤال انتي متأكدة ان هذي اول مره يخونك ؟؟؟؟؟ يمكن انه من زمان يخونك وانتي منتي داريه بس يمكن سويتي خير وربي كشفة لك ؟؟؟؟
انا ما اقدر انصحك لاني مو مستشارة اسريه بس افضل تسألين متخصصين بهذه الامور مثل
الشيخ الدكتور عادل العبد الجبار استشاري متخصص في مجالات الاسرة الاجتماعية
انا ما اعرف له رقم دوري عليه وحاولي تستشيرينه افضل حتى انهم ممكن يرسلون له ناس يكلمونه وينصحونه


انا احب اقص عليك قصة احدى الاخوات من اقربائي مثلك سكوته دفعها كثير

احدى القريبات كانت توها متزوجة لها سنتين كان زوجها دائم السفر للمنطقة الشرقيه وهم ساكنين في المدينة المنورة وكان سفرة بحجة العمل وتفاجأت مره باتصال منه على والدي قال له الحقني انا واقع في مشكلة كبيرة ويمكن اروح فيها ولم يطلعهم على تفاصيل القضية وذهب والدي واخو زوجها وهناك كانت الفاجعه كانت قضية لواط والعياذ بالله ويقول ابي دارت به الدنيا لايعرف كيف يتصرف لو اخرج قريبة من القضية يكون قد ظلم الطفل واذا ترك قريبة قد يزعلون الجماعه منه ولكن صلى واختار ان يترك اخوه يحلها ورجع وابلغ زوجته وقال لها لك الخيار اما تذهبين لاهلك او تتحملين ابتلأك وتصبرين بحجة يمكن ان ينصلح وتم سجنة 6 شهور وخرج لعدم كفاية الادلة وكانت نصيحة ابي التي كانت ترذها الى يوم وفاتها ( اذهبي لأهلك قبل ان تنجبي منه وتعلقين به فنوع هذا الرجل لايمكن ان تأمنية ومن يعجبه الحرام لايجد لذة في الحلال ) كانت هذي نصيحة والدي ولكن لم تستمع مع ان الرجل قريب ابي لكن الزوجة لاتقرب لنا ابدا
اكملت حياتها معه بعد ان اعتذر وقدم الهدايا وانه تائب ولن يكزها
وبعد 3 سنوات يسجن في المدينة المنورة لنفس السبب لمدة 4 شهور ومن السجن يرسل رسائل شوق وحب واعتذار وعاد عليها ابي نفس النصيحة كانت لم تنجب وقال هذي من رحمت ربي بك ولكن لم تسمع النصيحة سمعت قلبها ولم تسمع عقلها
وخرج واكملت حياتها وبعد 3 سنوات انجبت ولد وبعد سنتين انجبت بنت وكانت تعرف انه على نفس عادته ولكن لا تستطيع ان تقول لاهلها ولا لاحد لانها رضت وتنازلت في البداية وكان كل مره يخرج من السجن يزيد قسوه وعذاب لها وفي الاخير تركت كل شي وهربت لاهلها وطلبت الخلع واستمر في تعذيبها طعنها في شرفها وشكك في تصرفاتها وفعل المستحيل لعذابها
وفي الاخير تطلقة وعذبها في ابنائها وبعد سنة من طلاقها سجن في قضية لواط لمدة اربع سنوات ونصف ولم تثبت القضية فخرج وبعد خروجه بشهر توفت المسكينة من شدة القهر انه في كل مره يفعلها ويخرج لعدم توفر الادله وخوفها على ابنائها منه
وكانت اخر كلمة قالتها قبل وفاتها امانه معكم اولادي لاتتركوهم لوالدهم فهو غير كفئ


فارجوا ان تتعضي من قصتها ولا تغامري بنفسك وباولادك

اسمعي نصيحة المستشارين حتى لاتندمين

وانا تحت امرك في اي شي تحتاجية راسليني على الخاص لو محتاجتني في اي شي
اختك في الله

[حلليمو]

حبيبتي الله يفك كربك ويفرج ضيقتك

موقف صعب جدا وحاسسسسسسه فيك الا الخيانه

البنات ما قصروا وانا مع رأي الاخت استشيري مختص بالموضوع وكيف انك ترجعي زوجك لك ..

اسأل الله ان يقر عينك فيه ويقر عينه فيك...

[مثـــل القمر]

المشاركة الأصلية كتبت بواسطة أم فروحة

يابعد عمري حت انا انصدمت معك وحاسة بإحساسك
ويمكن الغلط كان من البداية انك رحمتيه وتركتيه على هواه, والله غلطانة اللي ترحم زوجها
الحين تسألين نفسك وش بتسوين أنا رح اقولك لو مكانك وش بسوي
أولا هو أخذ عقابه وانفضح أمره وصار صغير بعينك وعين نفسه وعيون الناس ياليته متزوج كان أرحم , محاولة اغتصاب!!! هذي كبيرة جدا
علشان كذا رب العالمين رحمك ورحمه انه ماتم الأمر وانمسك وانفضح أمره
انت الحين في النفاس والقهر مو زين لك ومايصير ترضعين ولدك او بنتك وانت زعلانة او معصبة لان هالشي راح يأثر بجسمه وغير كذا ممكن ينشف حليبك من الزعل
إلزمي الصمت معاه ولا تكلمينه حتى لو جاك يبرر, لاتروحين بيت اهلك ولاتعلمينهم عن شي علشان عيالك ما ينزل قدرهم بين الناس ولا يعايرهم احد بالمستقبل بأبوهم
إلزمي بيتك وامسكي عيالك وهو لاتكلمينه ولاتعطينه وجه خاصميه ولاااااااااااا كلمة تعرفين وش يعني ولاكلمة؟؟ اصلا ما يستاهل منك النظرة ولاحتى الدمعة
إلزميه يصرف عليك زي الناس واذا قال مامعي قولي ماعلي منك دبر عمرك وخليكي حازمة معاه مافي رحمة بعد اليوم لين يتعدل ويصير رجال
الحين عنده حرمة و3 عيال وعنده وقت لهالخرابيط؟؟ كله لأن انت وفرت له هالجو, وفرتي له الوقت والمال تحت مسمى راحمته
عيشي حياتك زي باقي الحريم وقوي عينك عليه وخلاص دام الحب مافاد معاه بلاش منه اليوم ابدي حياة جديدة انا زوجة مو حبيبة انا لي حقوق غصب عليك وزوجك طلع رجال مو كفو اصلا ما اتوقع بصير له عين يحط عينه بعينك
أدبيه أختي وتغيري هالقلب الرهيف ارميه على جنب , اصلا خلاص صارت صفحته سودة عند الحكومة واتوقع هالشي لصالحك يعني اللي سولت له نفسه لهالشي بتسول له بأشياء كثيرة
ممكن اختي يكون هالشي رحمة من ربك عسى ان تكرهوا شيئا ممكن يكون سبب للتوبة وعلشان يرجعلك تائب ندمان وتزين حياتك معاه
علشان كذا اقولك لا تكبيرين الموضوع واستري عليه بس كبري دماغك وقسي قلبك والله يعينك على ما بلاك ويفرج همك
وانا اتوقع بعد هالكارثة رح تصير حياتك احسن

مشأالله عليك كلامك 100% هو الحين مكسور ومتفشل يعني صديه بقوه ولا تعطيه وجه تراه الحين ضعيف وانت استقوي عليه وخذي حقك منه اذا شاف منك الطيبة وصدقتي انه مظلوم راح يتمادى عليك اول شئ اطلبي انك تلتحقي بالجامعة وكل حقوقك لك وطلبيه مصروف لك بدل ما يصرف فلوسه على الكلام الفاضي

[عنوان الانوثه]

اهلاً غاليتي(ياحسايف ) ماقول الا الله يربط على قلبك ويعضم اجرك ماتدرين كيف يعتصر قلبي من كلامك لأني حاسه بروعتك
والرجال مهما غليتيه مايبين فيه عليك بالصبر واكثري من السجود حته وانتي نفاس مو صلاه اجلسي لحالك بغرفه وضعي جبهتك وهي اعز مافي الانسان لله سبحانه واعرضي شكواك عليه وخلي توكلك به قوي واكثري من الاستغفار فهو الفرج بإذن الله
وإذا طلع بيني له انك زعلانه وإذا كابر او قالك يقالك زعلانه علي قولي انا زعلانه لشي وفرحانه لشي زعلانه انك قواك الشيطان ونفسك على فعل هالشي وانك قدرت تستخفي من الناس ومني وماالم ترى وجود الله واطلاعه عليك وجعلتاه سبحانه من اهون الناظرين إليك وهو من انعم عليك بالعافيه والصحه والذريه غيرك يتمنى ان يعطى شئ يسير مما اعطاك الله اياه ليصرفه في طاعته وانت تبارز الله بمعصيته .. حزني عليك انك لم تقدر لي اي مشاعر واستغليت وقت ضعفي وانا استنزفت قواي لأنجب لك طفلاً تفرح به ويحمل اسمك ولا يننقطع ذكرك بعد مماتك
وفرحه بأن الله امهلك ليعطيك فرصة التوبه وان الله امهلك لتتفكر فيما انت فيه من نعيم لتشكره عليه وفرحه ان الله جعلني اطلع على ما اقدمت عليه من نيه لكي اذكرك برقابة ربك واكون نعم الزوجه الحافظه لزوجها المنقذه له من عذاب ربه
ان لا يهمني ما اقدمت عليه فعلاً اثر في نفسي وادمى قلبي لكن لو تتفكر في ذاتك لعلمت ان كل انسان سيحاسب عن نفسه وعن عمله واتق الله فينا فأنت لا ترضى هذا الفعل لزوجك ولا لأبنتك فكل سيرى صنيعه في الحياة قبل الممات (دقه بدقه ) راقب الله ولا تجعله من اهون الناظرين لك ..واتق الله فينا

[Orchid109]

زوجي مسافر لقي ناس وعلى اساس يسافر فيهم وطبعن عشان بطاقه الاحوال حقه ضاعت شايل معه كرت العائله وله يوم غايب عن البيت
تدرون على ايش صحيت الصباح على رنت جوالي كان عسكري تدرون ايش يقول زوجي مسكوه مع وحده في فندق متهم انه حاول يغتصبها بس هي صرخت وجوه الي بفندق ومسكوهم
زوجي عمره 35 والبنت عمرها 18 وانا عمري 28

هلا حبيبتي

انا من رايي تتاكدي اكثر من الموضوع ولاتتسرعي
لانه شي غريب بصراحة عسكري يدق عليك؟! ويقولك زوجك مسكوهـ

طيب العسكري هذا ليه مادق على ابو زوجك اخوان زوجك
شي مرة غريب صراحة

اتمنى اختي تروقي اعصابك وتعطي زوجك فرصة وتتنتظري نتيجة التحقيقات
وصدقيني حتى لو فيه تنازل مايطلعونه من السجن بكفالة

لازم يطبق علي الحد اذا هو فعلاً اعتدى عليها او حاول يغتصبها والبنت بعد تنال جزاها اذا هي طالعه معاهـ يعني الاحكام الشرعية مو خبط لزق,!

مادري اختي
اتمنى تفكر زين
وانتبهي الظلم ظلمات يوم القيامة مادتري ايش حيثيات القصة وماتدري اذا العسكري هذا فعلن صادق والا كذا
لو طلع زوجك معناته ماعليه خلاف ان شاء الله وماخانك.

اتمنى انك تفكري كذا مرررررة بالموضوع وقلبيه يمين يسار
ولاتتسرعي بموضوع الطلاق وانتبهي تهتز صورة الابو قدام عياله

[أم عبد الرحمن2006]

الله یفرج علیک اختی و یرشدک رب للتصرف الصحیح و الله جیت بکتب و انصحک لکنی تذکرت انک ادری الناس بزوجک و ای طریقه تناسبه بس ارجوک شیلی فکرة الطلاق من بالک علشان عیالک بس اهم شی استغلی الموقف لصالحک و لا تتکلمین معاه الحین لانک معصبه و رح تغلطی بالکلام و تخسری و تنقلب علیک .رب یحل جمیع مشاکلک یارب

[اا ام وليد اا]

ياقلبي وجهة نظري لو هو متهم وموجود عليه دليل مستحيل يطلع كفاله ابدا

لازم ينال جزاه

فاكيد مو ماكدين عليه التهمه عشان كذا يطلع كفاله

وانتي ريحي نفسك عشان نفسية النفاس واكثري الاستغفار مادام لا صلاه ولا استخاره

عليك بالدعاء وكرري قول حسبي الله ونعم الوكيل

الله يفرج همك ويبعد كرتك يارب

دعواتك اولد قبل الثلاثاء لان موعدي طلق الصناعي

وانا راح اخلص التاسع بكره

[AngelN]

ياااا حبيبتي .. الله يفررج همك وييسر امرك

رب هذي المصيبة اللي صارت والفجعه اللي جاتك تنبيه من الله عشان تصحين من غفلتك والحمدلله جات على كذا

خذي حقك وراتب شهري ينصرف لك ولكي يوم محدد تروحين السوووق وووووووو

حطي له شرووط يلتزم فيها ولا عااااد تحنين على الرجااال والله لازم نقسي قلووبنا والا كل شئ يزيد عن حده ينقلب ضده

الله يوووفقك ويساعدك ويعييينك وصدقيني ربي معااااكي مايمنعك تدعين في نفاسك وتسألين الله ..