دردشة بنات العراق, دردشة حوامل العراق , تجمع بنات العراق

[فوفو العراقية]

بنات
منو تعرف ب تفسير الاحلام او عدهة موقع محدد ممكن يساعد على تفسير الاحلام
لان الليلة حلمت حلم وتمنة اعرف تفسيره

حلمت كأني رايحة عمره لمكة لاول مرة
وجنت لوحدي
وهناك من شفت الكعبة فرحت فرح تدمع العيون له
وشفت حجم الكعبة عن قرب اكبر من ماكنت اتصورها
ورحت شربت من المي الي موجود بداخل
وجان يروي كلش
وكنت لما اشوف الناس اقولهم السلام عليكم ورحمة الله بس ماحد يرد السلام
خجلت وقتها لان ماحد رد علية
ورحت بركن من مكة اصلي وقفت وخلفي الحائط
ووقفت ادعي وصلي هناك واني مو مصدكة
بس حسيت بالوحشة وحدي ماكو احد من معارفي ولا اندل شي
يارب يكون خير.... يارب...

[أم أيهومي]

هلو حبيبتي فوفايه..اني الحمد لله ابخير ومشتاقه الكم
وشكرا للكلمات الحلوة,,بس حبي اني كلش حساسه ويبقى الموضوع مأثر بيه فتره يالله انساه

انتي اشلونج وحملج اشلونه يارب ابخير
حبي اني سامعه انه اليحلم ايروح للحج هو فعلا حج وتعتبر حجه وكأنه زاير قبر الرسول
وهذا مو حلم هاي رؤيا
ويارب تتحقق هاي الرؤيا وتزورين قبر المصطفى وتحجين ان شاء الله

[White angel]

هلو ام الق لج عيني الف الحمدالله ع السلامه وتخبل الوقه فديت قلبها وعمرها
ربي يحفظها ويخليها ألج والابوها


عيني ام أيهم فدوه القلبج
هذاك الموضوع انسد وي الدردشة السابقه
وكلنا غلط ماكو وحده صح تعرفين لو لا لان خربنا صداقة صار سنتين بسبب وحده فاتت كامت تحجي وتلغي وانتو أكيد متعودات ع البنات يعني ماعندكم مشكله
والبنات هماتين غلطو وتعدو وصارت كلش محلوه
من الطرفين
واتمنى ينسي الموضوع وأي وحده تفتحه سكتوها وخلو تسده لان والله مبينه حيل نخسر اكثر صداقتنا
فديتكم أني

[عسل بغداد]

مساء الخير
ام الوقه الف الحمدلله على السلامه
فدوه لعينها الوقه تخبل الله يحفظها ويجعلها قره عين الج ولابوها وتتربى بعزكم ودلالكم

[فوفو العراقية]

ام ايهومي
تسلمين حبيبتي عالدعوة الحلوة
والله اتمنة تتحقق هالرؤية
لو تشوفين اشكد جان حلووووووووو وجنت ابجي وكـأني فعلا امام الكعبة المشرفه
يارب يبلغني هاليوم ولا يحرمني من زيارة بيته وزيارت الرسوم الاعظم عليه افظل الصلاة واتم التسليم وعلى اله وصحبة.
والله ياعمري منوميتمنة هاليوم الي يزور بي بيت الله الحرام..
اللهم بلغنا اجمعين ....

[فوفو العراقية]

شلونج عسوووووولة؟؟؟؟؟؟؟؟؟؟؟
شلونة البيبي
شوكت تخلصين شهرج السابع؟
يارب عقبال التاسع والكومة بالسلامة واتمام الفرحة عليكم وعلى كل حامل يارب.

[أم أيهومي]

اي والله حبي زينب اني هم دااحاول انسى الغلط بس مع الاسف الغلط صار علفيس بوك
وراح اتجاوزه هم لانه اخلاقي متسمحلي اغلط
عموما الزمن كفيل ايداوي الصار

[صعب تنساني]

شلوونكم
ام ايههومي تعالي تقدرين تعلميني وين برنامج تحميل صور على خلفيات حلووه لانه ابي احملهم على صور سيف وابي اكبرهم

[White angel]

ام ايهومي حبي انتي
قلبي باعي اكولج شغله
شوفي راح احجي وياج من ناحية الدين
اقسم لج بالله اني عمري 12 سنه من اجيت للسويد
وطول حياتي ب السويد انواع صادقت فلسطينيات عراقيات سوريات لبنانيات سويديات ووووو كومه دوله بعد
وبيهم المسلم وبيهم المسيحي وبيهم الصابئي وبيهم اليهودي وبيهم البوذي وبيهم الكافر الي ماله دين
بس اقسم لج بالله عمري مسألته عن دينه وعن اي ملله يتبع هو
اني من قبل لااتزوج مااحب هاي سوالف
لان الانسان يبين من اخلاقه ومن كلامه
والبنات مع الاسف مو خربو الصداقة
وبسبب فد شي اعتبره تافه
لان كل شخص مقداره هي اخلاقه
ومو معناته البنات غلطو يعني انو الاسلام كله غلط ومابي اخلاق
لا والف لا
يعني ماكو اخلاق تمثل دين او طائفه كل شخص وهو وتربيته واخلاقه
اتمنى ماااكون ازعجتك بس حبيت اوضح هاي الفكره

وانسي عيني خلي قلبج بس للنسيان حتى تكدرين تعيشيين وحتى ولو فاتو ع الفيس ف انتي بس طنشي وانسي لان كل شخص واخلاقه

[White angel]

حبي فوفو
النبي محمد صل الله عليه واله وسلم
يكول {من راني فقد رأني} اذا ياقلبي الحلم باين يجنن من عنوانه
وراج حجه قريبه قلبي
وشوفي وكولي كالت زينب ربي يكتب لج زيارة الرسول محمد ويكتبنا اجمعين يــــارب