تجمع حــوامل التوائم

ندى السعوديه · 09-03-2010, 06:38 PM

السلام عليكم

الله يرزقني معاكم واسولف معاكم وافرح زوجي بانتظارنا هالمولود

اااخ يابنات والله اني اتمنى احمل وتنتهي مشاكلي مع زوجي ومع اهل زوجي

ابي طفل يونس وحشتي والله الوحده من دون ضنى ولاشئ احس قدام زوجها

دعوااااتكم لي بالشهر الفضيل الله يسعدكم

اللهم اني اسالك يااكرم الاكرمينيارحيم يارحيم يارحيم ان ترزقني بحمل توام عاجلا يعوضني صبري
وتفكيري وهمي وحزني

نونة العسولة · 09-03-2010, 07:12 PM

اقتباس:

المشاركة الأصلية كتبت بواسطة قلائد العز

السلام عليكم حبيباتي

أختي نونه العسوله
قرت عينك بالوالده الله يحفظها قولي لها صديقاتي الكروشات يسلمون عليك .
ثم ياحبيلك لا تستعجلين ..!
يعني يبي لك ست شهور على الأقل تستجمعين قواك من جديد ويرجع جسمك مثل أول
وأصحي إلا الريجيم هالحين توك أنتي تحتاجين لغذاء جيد والنونوات يحتاجون حليبك
أفيد لهم . ولعلمك الرضاعه الزينه ترد البطن للداخل وتشد العضلات ..
وأهم شي حبة الفيتامين لا تتركينها ... على الأقل تعوضك وتزيد من جودة الحليب عندك .

أخواتي الحوامل
بقولكم معلومه مهمه جداً .. ترى وزن الجنين يبدأ بالزياده المنتظمه من الشهر التاسع
يعني الجنين بالشهور الماضيه كان بطورنمو داخلي والتاسع هو شهر زيادة الكتله الدهنيه
و اللحم بالجسم .. يعني ( الوزن ) سبحان الله
وترى هذا من تجربه عندي بأولادي
الله يطمن خواطرنا أجمعين و يتمم لنا ولكم شهور الحمل على خير ومسره
ونسأل الله أن يرزقنا وإياكن أطفال أصحاء سليمين معافين من كل تشوه ومرض
ويقر أعيننا وإياكن بحسن الخلق والخلقه .

فديتج قلائد

سلامج وصل للوالده ووصيتها تدعيلكم الله يقومكم بالسلامة بشهركم التاسع يارب

بخصوص الرجيم حتى امي هزئتني تقول مافي رجيم الحين

بس انا مااحب المتن بس ان شاء الله خلاص باجل الموضوع مني ل 6 شهور

الله يتمملك حبيبتي على خير وتفرحينا فيج

اقتباس:

المشاركة الأصلية كتبت بواسطة حزن الزمان

عسولة الرجيم ممنوع اللحين بس قللي الكمية بدال ما تاكلين صحن كبير اكلي اصغر والفيتامينات مهمة والرضاعة تضعفج بدون رجيم وبدون رياضة والرياضة على طول تسبب نزول الرحم والرجيم بها الفترة يسوي هواء وبتتعبين كثير يبيله علاج طويل وبالنسبة للمانع الدكتورة هي تحدد لج احسن والله معاك

اي ان شاء الله حزونة

وانتي الف مبروك دخولج الثامن

عقبال مانباركلج بالولادة

اقتباس:

المشاركة الأصلية كتبت بواسطة توأمي فرحة عمري

صباح الخير

كيفكم وكيف كروشكم وبيبياتكم
القلب الحنون
ألف ألف مبرووووووك الحمدلله ع سلامتك وسلامة البيبيات
ولدتي طبيعي ولا قيصري ؟

بنااااااااااات
بنتي اللي كانت بالعنايه طلع عندها ثقب بشريان القلب وماكنت عارفه
والدكتور طمني ويقول عادي ماتحتاج علاج يتقفل لما تكبر
وانا بموت من الخوف عليها
مين منكم عندها خلفيه عن هذا الموضوع تطمني ؟
بس هي دايم تبكي تبكي

لا تخافين بنت خالتي انولدت ومعاها ثقب

وتسكر بروحه

والحين متزوجة يحليلها

اقتباس:

المشاركة الأصلية كتبت بواسطة توأمي فرحة عمري

يالييييييييييت يالقلب الحنون انا اول وحده ارفع يدي

محتاجين هالتجمع خاصه التوأم يبيلهم عنايه غييييييير
انا تعبت معهم وماعندي خبره بس يبكوووووووووون

حتى وهم شبعانين ومغيرين ونظاف برضو يصيحون
ماااااااايسكتون ولادقيقه أقعد احيانا ابكي معهم

ابي اعرف كلهم بيبياتكم مثلي ولا بس بناتي

عجلي سوي تجمع أنقذينا نبي خبرات
وأقترح يكون بقسم العنايه بالمواليد

وابي أسألك انا للحين ينزل علي دم النفاس وماصمت ولا يوم
الحين لي 34 يوم متى تتوقعين اطهر
انتي مثلي ولا لا ؟

وانا معاكم بالتجمع

سبحان الله يتني الفكره افتح تجمع

بس قلت حرام نطلع من تجمع الحوامل

قلت ننطر حواملنا يولدون بالسلامة ونتجمع كلنا بتجمع امهات التوام

انتي كم عمر بنوتاتك الحين؟؟ ليش ماتسويلهم شريط للعمر

محجبه · 09-03-2010, 07:50 PM

نونه الحمد لله على سلامه امك والله يخليها

بناااااااااااات من يوم حسيت ان السادس بيدخل مادري حسيت بشبح الولاده
المبكرة ياررررررررب انك ماتخيب ضني يارب انك تمم علي وعلى اخواتي
الدكتوره تقول احتمال ولاده مبكره لانك مع توامك كيس وضايق صدري
يعني تتوقعون الدكتوره تعرف ان عندي احتماليه الولاده المبكره قبل ولا مااعتمد على كلامها لانه تقول السادس اوالسابع ماندري وخصوصا اني ماسويت ربط يارررررررب انك تسهل علي واخواتي وتمم علينا

متلهفة لحظوركم.. · 09-03-2010, 08:36 PM

محجبه توكلي على الله وخلي ثقتك بالله كبيررررره انا مثلك قايلين لي راح تولدين بدري والله كل اسبوع اقول بولد بس قلت اللي الله كاتبه بيصير متى ماولدت ربي كاتبه ربي عارف قدرتي وعارف تحملي الدكاتره بس كذا يروعون الواحد بس خليك مرتاحه ولا تجهدين نفسك واللي الله كاتبه بيصير .. انا سوو لي مسحه من تحت يقولون فيه هرمون اذا صار مرتفع فمعناته انك راح تولدين خلال الاسبوعين الجايه والحمد لله طلع عندي ناقص بس وهم ياخذون المسحه يعور شوي بس ممكن تخليك تطمنين اسألي دكتورتك عنهااا ...
والله يكتب لنا اللي فيه الخير يارب ويسهل لنااااا امورنا ياكريم..

عواطف السلمان · 09-03-2010, 09:48 PM

زود الغلا ..
أراجع عندهم خوفا من الولادة المبكرة لان المستشفيات الخاصة مايستقبلون الولادة المبكرة للتوام بسبب عدم توافر الحضانات والصباح الوحيد اللي الحكومة مزودتهم بالحضانات الفائقة بالعناية للخدج .

شازل · 09-03-2010, 09:49 PM

الأخت نونة العسولة ... حفظ الله لك ذيتك بخير ...
أولا : لا لا وألف لا ممنوع الرجيم ... خلي جسمك يرتاح شوي أولا حمل بعده رجيم ... بإذن الله راح ينتظم خلال ستة شهور وسنة ...
ثانيا : إعملي رياضات بسيطة جدا ... رياضة البطن بس خفيفة خمس مات باليوم ...
ثالثا : الرضاعة الرضاعة الرضاعة هي بحد ذاتها رجيم سليم ، لأن نصف غذائك يأخذه الأطفال - تبارك الله - ...
رابعا : حاولي تكثي السوائل خاصة الزنجبيل والنعناع والكمون والشمر ...
وبإذن الله راح ترتاحين ...

توأمي ... الله يبارك لك بأولادك ...
أولا : كثرة البكاء عموما الصغار - اللي أقل من 3 كيلو - لاحظتهم يبكون كثير من دون سبب ...
ثانيا : عوديهم على الاستماع إلى القرآن من التلفاز أو المذياع .. هذا يريحهم ...
ثالثا : الثقب في القلب عادي وكثير من الاطباء ما يخبرون لأنه ما فيه مشكلة مع الوقت هو ينقفل ويتسكر ... والحمد لله على العافية ...
رابعا : كثير يقولون إن نفاس التوأم يقعد أكثر من 40 أو بعد الأربعين ينزل دم بعد فوق 10 أيام ...

محجبة ... تمم الله حملك بخير ...
طبيعي إن الواحدة بالسادس تخاف من الولادة المبكرة ، بس توكلي على ربك وهو الله يتمم حملك ...أنا بالثامن وحتى الأن تجيني وساوس الولادة المبكرة ... على فكرة أنا حملي كيس ومشيمة وهالحين في الاسبوع31 ، كل شيء بقضاء وقدر رب العالمين ولا تنسين إن الدعاء يرد القضاء ... ومادامك تراجعين لا تخافين ... ثقي بالله ولن يضيعك ربي أبدا ...

مشتاقه لتوأمي · 09-03-2010, 10:19 PM

السلام عليكم
انا متابعه معاكم بس من ضيقة الحمل مالي خلق أرد

القلب الحنون · 09-03-2010, 10:35 PM

الله يبارك فيك توأمي....انا ولدت قيصري....ما تتخيلو كيف تعبت بس الحمدلله
لاتقلقي على بنتك ..بنت اختي كان عندها ثلاث تقوب في القلب من ولدت والحين صارت بالمدرسه والثقب انقفل من حاله يعني لا تقلقي
واذا عالبكاء بناتي طول اليوم في نكد معاهم ..امي الله يخليها لي قالتلي اديهم حلبه قليل مره مع نعناع لانها تعتبر مهدئه لهم وعلى طول بعدها ينامو
انا ما ربط بطني لاني مره خفت سبتها على الله....
انا اتمنيت التجمع من اللي شفتو من بناتي الله يحفظهم ...قلق وبكاء وقل نوم وتعبني معاهم الله يكرمكم الامساك يجلسو 4 ايام مايسو شي والله تعبت معاهم بس اذا اديتهم نعناع وكمون على طول يسوها بس خايف يتعودو عليه
انا خلصت الاربعين طهرت يوم واحد بس و رجعت معايا بس قويه مره لمدة 7 ايام
والاربعين كله ما طهرت ولا يوم
نونه العسوله ..
قلت تفتح تجمع لاني انا مو قادره اتصرف معاهم وقلت نستفيد من بعض

لينا 3 · 09-03-2010, 11:40 PM

بنات تكفون كيف اقتبس سطرين بس من المشاركات وارد عليها
انا اضغط اقتباس بس يطلع لي النص كله بسرعه تكفون لاني ابي اشارك في موضوع مهم خارج المنتدى .

حزن الزمان · 09-04-2010, 12:54 AM

هلا كروشات شخباركم ... توأمي انا زوجي فيه ثقب وهو صغير هههههههههه وهذا هو ما فيه شي ..