.·¤ تجمع الحوامل اللي ولادتهم في محرم¤·.

[ام التوينز3]

المشاركة الأصلية كتبت بواسطة اعز الناس عافوني

وااخخخخيرآآآ وصصصلت لآاخرر صفحه الوآجب طويل جدآ

حرمت اغيب يوم عن التجمع خخ من امس واانا اقرأ

المهم الله يبارك بعمركم ياللي باركتولي بكتكوتي ووترآ يابوزيد كنك ماغزيت

نسيت كل ابو السوالف مراوي شكلي بتبع طريقتك بالرد ههه اسجل كل رد واسدحهم لما اخلص

تفاعلت مع كل وحده وانااقرآ وعلقت عليها مع نفسي بس الحين مييح ولاحاقه


المهم ان الامور طيبه واحنآ بخير ..
بالنسبه للتنوراات جدآآ عاجبيني بس مايليقون ع الحوامل اللي هابين فيهم هاليومين


مسسك نورتي التجمع يااحلوه وانآ صغيره مثلكـ وحافزيه بعد
وشكلي بلحقك بالخصم امس جيت بحدث بياناتي ودخلت الرقم غلط ووقفو حسابي
وللحين موقف مدري شلون بحدثهم -)

هلا اعز بس لازم تتصلي على حافز وتشوفي المشكله عشان ما يخصمو عليك وتعرفي كيف تتصرفين

[ام التوينز3]

المشاركة الأصلية كتبت بواسطة ملكتني بهمسك

ام التوينز وانا كمان لسه باقولك نشاء مع زبادي او نشاء مع مويه واهم شي الراااااحه ثم الرااااحه ثم الرااااحه

تسلمين ملكتني بس تعرفين العيال وحوستهم ولسه الشغاله ما وصلت وان شاء الله اخذ نشاء وزبادي ويروح الدم له مزعجني ومخوفني الدكتوره تقول من المشيمه بس اعطتني مثبتتات واذا دخلت السابع باذن الله راح اخذ ابرة الرئه لانهم متوقعين الولاده

الله يحفظهم ويجو بالتاسع بصحه وسلامه

[ام التوينز3]

المشاركة الأصلية كتبت بواسطة اعز الناس عافوني

ام التوينز .. من جد عليك بالنشا والمويه البارده
انا ببدايه حملي كان عندي دم وافرازات بنيه واستمريت عليه اول ثلاث اشهر والحمدلله خف لين ماوقف
لاتهملي نفسسك ولوتعطين دكتورتك خبر احسن ولاتجهدي نفسسك بحوسه رمضان

صدقيني ما ني مره مجهده نفسي يادوب الاساسيات والباقي الاولاد مساكين كل يوم يسالون متى تيجي خدامتك بس لازم الشغل لابد منه

[ام التوينز3]

يله سلام للحلوات بس لاتكثرون علي الصفحات

[Marawy]

صباح الخير ،،

ام التوينز ،،

ربي يسمع منج يالغلا واتوفق لان هو العالم بحاجتي لهالوظيفه ،، بس افكر بحملي وممكن يرفضوني لو عرفوا بحملي ،، الله يستر ،،
اخذي بنصايح نوقا ،، والنشا مفيد للدم يوقفه ،، ربي يحفظج من كل شر ،،

[Marawy]

اميرة الورد ،،

بسم الله عليج ،، ماعليج الا العافيه ان شاء الله ،، انا نفسج ما احب الجمعات هذي ،، اتعيجز عنها ،، وفرصه انج تخلصين اغراضج للعيد والا النونو ،،
ربي يسهل حملنا وولادتنا يارب ،، شي طبيعي يكون بطنج اكبر من المعتاد لانج حامل بتوينز ياقلبي ،، لا تهتمين لكلام الناس ولا تعقدين نفسج ،، اهم شي ترقين نفسج واجنتج قبل تطلعين بالرقيه الشرعيه واقري المعوذات وانتي طالعه ،، والمفروض الناس ماتعلق بصراحه على هالسوالف ! وش دخلهم ! انقهر لما تجيني وحده تقول مو كأنج متنانه !! او متنفخه ! والله ارد عليهم وانا اضحك (والله اسوي ريجيم انتي وش رايج) لكن ف قلبي ودي اهزءهم (يعني حامل تبوني اصير رشيقه بالكرشه ) !! استمتعي يا عمري بالكرشه وبحملج قد ما تقدرين ،،

الافرازات لو بدون ريحه وحكه عادي ،، ولو هي التهابات بتحسين بالام في بطنج ،، انا تعبت منها بالاول ابيض وبعدين انخلطت بأصفر والحين رجعت ابيض ولما سألت دكتورتي قالت هذي فطريات والتهابات ،، ووصفت لي تحميله وحده بس احطها بالليل وانام ،، امس بالليل حطيتها والحين اشوف مافي شي حتى افرازات التحميله ما ظهرت ههههههه مدري وين راحت ! لا يكون البيبي اكلها ،،!

[Marawy]

نوقا ،،

ربي يسمع منج حبيبتي واجي اطمنكم فديتج ،، فديتها ربي يحفظها النونو ،، انا لاحظت هالشي بعد سبحان الله لما اقرا القران تتحرك ،، حتى بالاول قلت ممكن من النسم لاني اقرا بصوت واخذ نفس طويل واوقات اتعب ،، بس بعدين تأكدت لما كنت مشغله صلاة التراويح وتحركت على صوت السديس ،، استانست وقلت يعني تسمع فديتها ،،

انا احب الشي الناعم ،، احس لو تسوين شعرج استشوار عادي واستريتر يطلع حلو ،، وممكن من قدام تسوين حركه بسيطه فيه ،، لو تشوفين حلقة (كنة الشام وكناين الشاميه) شوفي شعر شجون الهاجري فيه حلو ،، وتقدرين من قدام تسوينه نفسها تثبتينه بشي يكون مو باين ،، يطلع حلو وناعم ،،

نوم العوافي فديتج ،،

[Marawy]

مشاعل ،،

حياتي انتي ،، عسى السعاده تلازمج يا قلبي ،، وان شاء الله ربي يسمع منج واتوفق واجي ابشركم ،، ادعولي ،،

[Marawy]

اللهم سترك ،،

فديتج حبيبتي والله ربي يسمع منج يارب ،، زين خبرتيني ان g للاعشاب تنفع اكثر من الحليب ،، عشان اخذ لي وحده ماركة بيجون ،، (افنت) كان ودي اخذها بالطقم اللي كم وحده بكرتون (الذهبي) بس فكرت انها بلاستيك والبنات قالوا لا تشترون بلاستيك لانها تضر ،، مع اني اشوف مكتوب عليه 0% من هالماده اللي تضر ،، شكلي بعد ما اولد واشوف وضع البيبي مع الرضاعه راح اخلي زوجي يتشري لي (افنت) ،، وكان بخاطري اخذ (DrBrown) بس كل اللي حصلتهم بسنتربوينت كبار كبار كبار ههههههه على قولة زوجي هذي رضاعة خروف مو ياهل ! ههههههههههههه بس قال هالجمله تركت الرف ورحت لرف ثاني على طول ههههه ،،

فديت قلبج يالغاليه من ذوقج والله ،، وماعليج زود ،، ويحفظكم من كل شر يارب ،، ويحفظ لكم المملكة ويدوم عزها ان شاء الله ،،

المغص يجي ويروح ،، واللي متعبني الام الظهر ،، وجنب واحد يألمني وكأن مقعدتي الله يعزج منفصله عن جسمي ،، مدري ليش مره وحده جاني هالالم ،، الخوف ان يكون هذا مع تقدم الحمل وراح اظل على هالحال وازيد لين اولد ،، الله يستر ،،

[Marawy]

مسك ،،

فديته القطو حلو ،، قبل لا احمل بفتره بعت قطوتي :( وكأني حاسه اني راح احمل ،، بس الحمدلله صج فقدتها لكن الله عوضني بأحلى شي بحياتي وهو الحمل ،،

الله يعين من الحموضه والله شي مقرف لابعد الحدود هههه ! مالقيتي شي ثاني تشتهينه !! هههههههه لازم ما يخلونج بروحج انتي ،، عادي تتهورين وتشربينه هههه !