تجمع حوامل ليبيا

ليبياقلبي · 12-19-2010, 04:24 PM

ام سعد ممكن سوال علاش متحبيش تردي علا كلامي ولا تعلقي لاحظتك تعلقي علا الكل الا انا توا سالت عليك الكل قتليهم الا انا منعرفيش السبب

رجاء2 · 12-19-2010, 04:46 PM

مرحبا ليبيا
على فكرة حتى انا ليبياقلبي من اللي مايحبش ليبيا

أم سعد · 12-19-2010, 04:50 PM

اقتباس:

المشاركة الأصلية كتبت بواسطة ليبياقلبي

ام سعد ممكن سوال علاش متحبيش تردي علا كلامي ولا تعلقي لاحظتك تعلقي علا الكل الا انا توا سالت عليك الكل قتليهم الا انا منعرفيش السبب

لالالالالالا والله ماركزت ... أنا نحاول نرد على الكل

لكن ممكن سقطت سهوا

وعلى العموم حقك عليا ... والله من غير قصد

أم ردينة · 12-19-2010, 08:23 PM

اهلا نسرينا سلمك نشاده لالا راجلي قاعد مروحش يبي يومسن اوثلاثه تاني واني طلعت اليوم واخيرا حسبت الجو اليوم حلو مش صقع هلبه زي اليومين اللي فاتو فمشيت لحوش امي معأن اثار المرض قاعده عندهم لكن مليت من القعاد بروحي والحوش بلا بيه ايدره الكبد والوقت طويل وخاصه في الليل ..

عيون زوجي · 12-19-2010, 10:16 PM

اقتباس:

المشاركة الأصلية كتبت بواسطة رجاء2

حاااااااضراختي عيون زوجي
انتي تاااامري امر ...ولايهمك انجاوبك وليش لا
انا من اجدابيا ومعاي بكالوريس علوم (احصاء) وبعد التخرج اشتغلت لكن بعد الزواج دارلي زوجي تفريغ

ماتخافيش يا ام سعد

واخدة عالوضع وماينخافش اعليها

هههههههههههههه

اهلا وسهلا بيك بينا
انا عيون مواليد1982

بكالوريس صيدله
من طرابلس
المهنه ربة بيت بعد الزواج

اشتغلت قبل الزواج في المستشفى

وفي صيدليات خارجيه

عندي ولد وبنت سارة ومحمد

واعتبر نفسي اوخيتك في التجمع ياريت تقبليني

عيون زوجي · 12-19-2010, 10:17 PM

مبروك الطلعه يا ام رودينه
كيف حال العزري والصبيه

عيون زوجي · 12-19-2010, 10:19 PM

ام سعد كيف زكمتك وطهور انشاءالله
ليبيا قلبي..شكلك وحدة دلوعه وديمه تلومي وتتدلعي صح
حي اعليه راجلك بيعاني البيبي الجديد ولا مراته الدلوعه

عيون زوجي · 12-19-2010, 10:23 PM

اقتباس:

المشاركة الأصلية كتبت بواسطة ام اسيل

لا متخافش نقي فيهم لازم اللي نجيبها نكون احلى منها
وبعدين الضابط بعدي منعمي كل يوم يشوف فيا احلى
وكان تبي الطريقة نقولك عليها

خلاص العبي اعليك بعد الله
الطريقه نبوها مفصله تفصيل
ولو مش حابه تحكيها لبقية البنات عادي//انانيه
مافيش مشكله ابعثيها عالخاص
ههههههههههههههههههه
الليله لو ماحكيتهاش مش رح يجيني نوم
ومش انا بس كلهم زيني

رجاء2 · 12-19-2010, 11:24 PM

بالمهللللللللي ياعيون
هضا تواضع كبييييير منك كيف اتقولي ياريت تقبليني انتو الاصل انتو اصحاب المكان ونحنا الضيوف نحنا مازلنا اجدد و لنا الشرف ان نبقو اخوات
اناعندي اوليد و ابنية وانتمنى من الله يزيدنا عليهم في

رجاء2 · 12-20-2010, 12:14 AM

مشيت اوجيت وميش حد