دردشة بنات العراق, دردشة حوامل العراق , تجمع بنات العراق

امرأة الفرح · 10-13-2012, 03:54 PM

هلو بنيات ,, شونكم شلع ,,,,,,

اليوم بنتي خانسة متتحرك خوفتني

بدور حبيبتي الله يعينج .. شوفو اليوم ام زوجي شسوت اسمع باب الشقة يندك تفلش تفليش

هاي ساعة 11 الصبح جنت نايمة لأن زوجي يرجع بالليل وبعد وكت عالشغل
طلعت خالتي تكلي والله اني اليوم تعبانة وكاعدة متأخرة تعالي شوفي البيت شنو يحتاج ,, اني الخارمة صدكت وانقهرت كتلهه صار خالة عد عيناج خمس دقايق وتلكيني يمج ...

(( بالمناسبة يومية هي متشتغل لأن دوام عدهه وانزل لبيتهه انضف واطبخ واصعد لشقتي عود هي تشتغل جمعة وسبت ))

المهم .. نزلت وفتت للمطبخ عالسريع وبديت اطبخ طبعا وظهري يموتني من الالم وكوة واكفة اسمعهه تكركر وتضحك بالتليفون وية بتهه لو كل شوية مخابرة واحد تسولف وياااا

وين راح التعب ما ادري ,,,,

كملت طبخ وصعدت حتى ماكتلهه رايحة والله قهرتني ...
من تجي يم الشغل تتعب هاي لو طلعة جان لزكت روحهه اوووووووووف

المغتربه المتفائله · 10-13-2012, 04:40 PM

بدوور حبي الله يعينج
اهلج بعيدين متكدرين تفلتين بس زين تعوضيه اسبوعين هههههه

رنوووود قلب شلونج اخباررج
هاي اني هم النونو قبل كم يوم اخذله يومين مايتحرك ولوتشوفيني شبعت بجي
اني بالعاده من اكل شي حلوو يتحرك اكلت حلويات ماخليت شي ما اكلته هههههه وهم ما تحرك
واني متعوده من احجي وياه وامسح بأيدي على بطني يكوم يتحرك هم سويته وماكو حركه
بعد كعدت ابجي كتله لزوجي هسه اروح للمستشفى ماقبل كال شغلي قران وشوفي هسه يتحرك
شغلت القران وكعد الاخ النائم هههههههههههه فديته حبيبي

وعلى عمتج وسوالفه الله يسسساعدج يمه ماخلصتي من مهند هسه طلعت عمتج
هسه هيه متشوفج حامل وبأخر اشهرر غير تكول خطيه تعبانه
لو ماعده احساس ابد الله يكون بعونج ويصبرج عليه

امرأة الفرح · 10-13-2012, 04:50 PM

سراوي خليهه وسكتي ,, عمتي لو اسولف عنهه يشيب راسكم وربي ,,,

بالنسبة للحركة قبل يومين احسهه دتلعب ملاكمة بس اليوم ما ادري شبيهه
من تتحرك هواي اضوووج ومن ماتتحرك اخااااف ههههههههههه
هم احتارت وياية خطية

المغتربه المتفائله · 10-13-2012, 05:24 PM

رنووده الله يكووون بعوووووونج قلبي

هم صدك احتارو بينه مايرضينه شي يتحركون هواي نضوج مايتحركون نخاف هههههههه

مروة87 · 10-13-2012, 10:27 PM

هلو بنات شلونكم
منو موجودة ترفع ايدها
ضااااااااااااااااااااايجة

ام مهدي22 · 10-14-2012, 05:17 AM

بنات ادعولي من الساعه١باليل لحد الان يعني ٥الفجر وجع ومي مينكطع ودم حبايب شكلي راح اولد تعبانه دعائكم الي

المغتربه المتفائله · 10-14-2012, 12:33 PM

هلووو بنات شلونكم

ملووووكه حبي الله يسهل عليج تعالي طمنينه عليج قلبي ياررب تكومين بالسلامه انتي ومهدي

شهووده شلونج حبي وينج ماكو من البارحه شوكت عندج فحص السكر ؟؟

سلامي للكل

امرأة الفرح · 10-14-2012, 12:40 PM

يا الله ياملوكة قلبي وياج عيوني ..
ربي يكومج بالسلامة ويسهل عليج بحق محمد وال محمد,,,,

مراوي وسراوي شونكم حبايب

ميوسة العراق · 10-14-2012, 01:57 PM

السلام عليكم بنات بلدي انشاء الله الله يحفظلكم اطفالكم وتولدون بالسلامة كلكم وتفرحونه والله يرزق كل متلهفة على الذرية ويعوض صبرها خير يارب
واني وياهم انشاء الله
تقبلوني بيناتكم بنات؟؟؟؟؟

امرأة الفرح · 10-14-2012, 02:19 PM

ميوسة هلا عيوني
نورتي التجمع ....

اكيد نقبلج بيناتنة,,,

ربي يرزقج بالذرية الصااااااالحة ياااااااااااااااااارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM