تجمع حــوامل التوائم

[ليال العيد]

السلام عليكم
كيفكم بنات وكيف الصيام معاكم
حبيت اسئلكم من فيكم زوجها في سابك
وتراجع في الحرس الوطني

[haiaat4]

هلا حبيباتي انا حامل ب توام وانا بالشهر الثالث ودعواتكم لي ربي يرزقهم لي بالصحة والعافية

[حامل وبكريه.]

السلام عليكم

تكفون اي وحده كانت ولاده بتوأم متشابهه <يعني بكيس واحد<ترسل لي رساله على الخاص

[حنان الهاجري]

المشاركة الأصلية كتبت بواسطة أم فاطمة

اهلين فيك حنان الهاجري شخبارك مع الحمل

انا حامل بالسبوع 28 ويومين بس بالشهور اسبوع من السابع وانتي في اي اسبوع ؟

انا حامل بالاسبوع ال 26 معناته باقيلي اسبوع وادش السابع صح ؟؟

[نواعم النعومه]

تسلمون ياللي رديتوا علي بخصوص حبوب الحديد والله شكلي بشتريها من الصيدليه بس معليش وش اسمها علشان علاجي باقي 2 يومين ويخلص الله يستر عليكم

بعدين البكريه كيف تحس بالحركه انا حسيت بزي النبض خفيف هي كذا معليش بس والله متلهفه اعرف عن الحلوين اللي ببطني

[أم فاطمة]

صباح الخير على وجوه الخير
ليال العيد انا الى اللحين بعدي ما جهزت شي يمكن الشهر الجاي ابدأ اجهز
انا من السعودية من الدمام وانتي من وين

[أم فاطمة]

زود الغلا انا الى اللحين افكر اني احطهم بسرير واحد لانهم طول التسع شهور مع بعض واجي انا بظرف يوم افرقهم لا اخليهم مع بعض احسن

[ليال العيد]

المشاركة الأصلية كتبت بواسطة أم فاطمة

صباح الخير على وجوه الخير
ليال العيد انا الى اللحين بعدي ما جهزت شي يمكن الشهر الجاي ابدأ اجهز
انا من السعودية من الدمام وانتي من وين

هلا فيك خيتو ام فاطمة انا ساكنة في الدمام بس اهلي بالاحساء
اناجهزة من مذر كير كان مسوي خصومات كبرى

[أم فاطمة]

اهلين اختي ليال العيد انا ناسية التجهيز حدي اروح السوق اشوف وش فيه احتار وش اخذ لان لي سبع سنوات ماحملت يعني كأني اول مرة
اذا ممكن مذر كير عنوانه بالضبط وين لان زوجي كل ما اقوله نروح المحل الفلاني يقول ما ادل مثل ايكيا

[القلب الحنون]

السلام عليكم
اكيد نسيتوني غبت عنكم لاني كنت عند اهلي وما كان فيه نت يمكن تذكرني توأمي وكم وحده انا الحمدالله ولدت وجبت بنتين الحين عمرهم شهر و 23 يوم بس والله ماتتخيلو كيف التعب لانوم ولا راحه تعب مو طبيعي بس الحمدلله
الله يسهل عليكم الولاده والصيام تخيلو انا للحين ماصمت ولا يوم من الدوره الله يكرمكم