【ツ】أحلى تجمع لأحلى حوامل التوائم 【ツ】 ‏الجزء الثالث

[غنو حياتي]

هلا ام عمر
نورتينا بتجمعنا,حابه اسالك عندك اطفال من قبل
اذا كنت حابه تحملي بتوأم اولا ادعي والحي على ربنا بالدعاء يستجيب لك باذن الله
واذا اذا كان عندك وضع معين ممكن تتعالجي
والخيره فيما اختاره الله

انا سبحااان ربي والحمدالله على كل شي ولدت قبل سته اشهر بنتي الاولى بعمليه قيصريه
وكنت حتى من قبل الزواح ادعو ربنا بالتوأم
وبعد ثلاث شهور من ولادتي وكنت اخذ حبوب الرضاعه لكن والحمدالله على كل شي حملت
ما تتخيلين المفاجأه هذه كيف خوفتني
حنى واعوذ بالله الشيطان وسوس لي انزله لاني كنت خايفه لسه جرحي ما طاب
بعدين اتوكلت على وربنا واستعذت من الشيطان الرجيم
وكانت المفاجأه الاحلى وليله رمضان اعرف اني حامل بتوأم
والحمد الله على كل شي
والان اخذ حبوب تثبيت ثلاث مرات ومكملات غذائيه وفيتامينات
لان جسمي ما استرد صحته والحمد الله على كل شي

وكلي امل ورجاء من ربنا انه ثبتهم وتشوفهم عيني سليمين معافين من كل عاهه وبلاء

[شنتوره]

بنااات اخباااركم طيبين
غنو وعواااشه شكرا على النصااايح والرد
غنو اذا تقصدين انا تحسبين اني لبنااانيه لا الحمد لله اني سعوديه هههههههههههههه
غنو كيف انتي لما سويتي القيصري واعطوكي بنج متىصحيتي بعد كم سااااعه وهل عرفتي ترضعين بنتك ومتى التئم الجرح
معليه هبلت بك بالاسئله بس خايفه لو يختاارو لي ولاده قيصري

[شنتوره]

رضاااك كيفك كيف البنوتااات عسى ما الشقاوه باينه من الحين من حركاااتهم ورفسهم ببطنك خخخخخخخخخخخههههههههه
واللي بالتاسع اذا ولدتو لكم يومين
بعد الولاده ترتاااحون بس بعدها خذو الاب توب وحكونا قصه الولاده والله يهون عليناااااااااااااااااااااااااا

[ام عمر ..]

غنو حياتي انا الحمد لله عندي عيال وكنت احمل فيهم طبيعي الحمد لله بس بعد اخر ولاده اخذت ابر منع الحمل واثرت علي سببت لي تكيسات وما تنزل الدوره الا بصعوبه فقال لي الدكتور اذا بتحملين لازم نعطيك منشطات وهي سبب التوم وانا اختك وانا ابقى الله يرزقني ولد لان ولدي يحن بيقى اخو له وزوجي بعد يحن وانا حملي متعب عندي دوالي في الاعضاء التناسليه اموت منها مع الحمل واخاف في حمل التوم تزيد الطين بله

[غنو حياتي]

هلا وغلا شنتوره
انا دخلت العمليه اعتقد الساعه 10 بالليل بعد ما جربوا فيني الطلق الصناعي لمده 12 ساعه اتخيلي وبالاخر قرروا عمليه واعتقد اني فقت الساعه 1 ويمكن اكون ملخبطه
ياسلام على الصوت بعدين شي خبااال من البنج ومن الصراااخ اللي قبل العمليه اتغير صوتي نهااائيا تعرفين لما يعلق الشريط بالمسجل كيف يطلع الصوووووت انا سرت كذاا
انا اول مافقت دقيت على زوجي فاااايقه
بعدها قال لي على بالي جوالك انسرق منك خخخخ

الجرح الحمدالله يمكن الاسبو الاول تتعبي بالحركه وهذا طبيعي وحتى لو ولدتي طبيعي بتتعبي بس الفرق المووووقع خخخخ
الحمدالله الحين الخياطه مو زي زمان ابره وخيك ييييع
ليزر مره يهون والله لانه بيكون بس طرف العمليه فيه خيط
وينزل لوحده يعني مو تروحي مستشفى وتتبهذلي ويشيلونه لك
بس اهم شي الغذاء انا مررره اهملت نفاسي لان كانت عندي مشااااكل وماكنت اتغذى وعشان كذا ماقدرت ارضع غنو الا اسبوعين يمكن

[غنو حياتي]

ام عمر اتوكلي على ربنا اول
واسالي دكتورك
وبيني وبيتك تعب 2 ولا تعب 1
الان فيه تطور والحمد الله تقدري تحددي بعد امر ربنا جنس المولود
او اتبعي برنامج معين لانجاب الذكور
بنفس الوقت استخدمي المشطات وربي يرزقك بتوأم اولاد يااااارب اللهم آمين

[رضاك ربي]

ام عمر طالما بعدك ماحملتي ليه ماتعالجي الدوالي ممكن باليزر وممكن بطريقة اخرى اسألي فيها قبل لاتحملي اظن موضوعها سهل

ام غنو ربي يسلم غنى ويتمم حملك بالخير

شنتورة هلا حبيبتي البنوتات بخير مسكينات يادوب احس فيهم دايما تعبانة ولاهية بنفسي اكيد براسلكم بعد الولادة وبخبركم اكشناتي اليومية بحاول ما اضحي باللاب توب ما اقدر على فراقكم


انا من كثر التعب طفشت اليوم وطلبت من زوجي اطلع من البيت لو مكان قريب المهم طلعنا مشيت عشر دقائق ورجولي ما حملوني صاروا يرجفوا ورجعنا البيت ومنها صداع والم ظهري وايدي ورجولي مارحموني لدرجة دخلت غرفتي وتمددت وبكيييييت كان خاطري اكلم الاهل وابكي عالتلفون بس ما حبيت اقلقهم والحين صحيت بعد مازوجي ربي يبارك لي فيه دلك ضهري وراسي قدرت اغفى مشغول بالي على موضوع الالتهابات ما كلمت طبيبي كارهته على الابر اللي ما استفدت منها بالكم يضر البيبيات لو اهملت الالتهاب مو باقي الا 14 يوم صديقتي طمنتني وصديقتي الثانية اقلقتني قالت يسبب التهاب بعيون المواليد الله يعافيني وتونزي ويعافيكم يارب

[غنو حياتي]

رضاك سلامتك
بس بسالك الالتهاب وين؟
وعشر ابر عالفااااضي

[رضاك ربي]

الالتهاب ظهر بالبول والعشر ابر اللي يذبحون جمل وذبحوني عالفاضي بسلامته الطبيب الحين بيزرع العينة يشوف انسب علاج له الله المستعان بس من اخذتهم ماشفت خير

[رضاك ربي]

من بعدهم طلعلي حبة كبيرة واحتقان بمنطفة حساسة وللحين الم عظام وعضلات طبعا غير الاثار اللي تركتها الابر بالخلفية ومعاناتي اسبوع ما قدر اجلس عليها والالم اللي عانيته اثناء ما اخذت الابر المحلول كان مؤلم ووحدة من الابر عطوني ياها بالوريد وصار وقتها اكشن طويل