تجمع حوامل سوريا-دردشة ورود سوريا-دردشة الغاليات

عاشقة جوجو2 · 11-26-2012, 04:41 AM

كيفكم بنات ليش هيك التجمع صاير كسلان
انا دخلت شوف تجمعاات تانية ماشاء الله
موضيع وسوالف غير يالله كل وحدة ظروفها غير عن التانية
بس انا يمكن لاني طفشانة وما عم لاقي حدا دردش معو

شذا حداد · 11-26-2012, 10:38 AM

صباحو كل الصبايا ....ميار ..نايوتا ..شام الهوى ..بسبووسة ..زهرة سورية ..سروووؤة ...سدووورة ...عاشقة جوجو ...وازا نسيت شي وحدة ..معليش عتبكن عالزهايمر ..هههه....
ميار ...كيفك يا قلبي انشالله وحامك مو صعب ..ماشالله ع هنووودة جد رح يطلع شب بيجنن
بسلوسة كيفك ...من زمان ما لقطتك هون ...
نايوتا ..كيفك وكيف الصغيرة بوسيلياها ..الله بيعينك بينما تنتظم المومة ...
عاشقة جوجو ..أنا لمن فتت عالمنتدر من شهرين ماكان في غيريي وبعدين صارت ميورة تفوت وضليينا أنا وياها شي أسبوعين مافي غيرنا وقلي لقلك ..هههه...ولما قربت فوت التسع انشغلت شوي وماعاد فتت متل أول ..قام لقيت التجمع مليان ماشالله ...هههه
سيدرة كمان من زمان ما كرينا ....
شام الهوى كيفك وشو الأخبار ...؟
زهرة سورية ألف مبروك الحمل ..حافظي عليه منيح .الله يتمملك بخير وأنا انشالله ولادتي قربت ..وبيقولو دعوة الولادة اللهه بيستجبلها ..انشالله بدعيلك ولكل الصبايا ....
قربت يا صبايا ...ادعولي ما اتعذب بالولادة

زهرة سورية · 11-26-2012, 03:51 PM

مرحبا للصبايا الحلوين و الكتاكيت الاماميرر

تسلميلي شذا حبيبتي ع الدعوة الحلوة والله يبارك فيكي يارب و يقومك بالسلامة و تكون ولادتك سهلة وتجيبي أحلى كوكي 😊

نايوتا انا ساكنة بالرياض السليمانية حبيبتي وانتي كمان ساكنة بالرياض صح

رجعت رحت عند دكتورة تانية هيك جوزي بدو يطمن. قالتلي انو اعمل سونار الاسبوع الجاية يعني بكون بالاسبوع السادس ال بس مشان نشوف كيس الحمل انتو شو رايكم ساووي و لا اجلو كمان

بنات بدي اسالكن من تجاربكن عم يدور ببالي افكار سلبية و بحس اني خايفة افرح كتير و بعدين اخسر حملي لا سمح الله عطوني نصايحكن

ندى الشام · 11-26-2012, 05:31 PM

كيفكن صبايا كلكن انشالله تمام انا بخير والله ومشغولة شوي بهالبيت كل يوم بساوي شغلةيوم الحمام ويوم المطبخ ويوم الخزانة اخخخخخ والله اتعبت بنتي رح يصيررر عمرا سنتين بعد اربع اياام كلكن معزووومين ها

ندى الشام · 11-26-2012, 05:34 PM

نايوتا كيفك حبيبتي تسلملي بنوتك شو لذيذة ... عم فكر سمي بنوتي الجاية نايا شو رأيك والله عجبني هالاسم وبيلبق مع ندى بيصير عندي ندى ونايا ... شووووووو هالكبسة هي طلعتي مالك قليلة بالطبخ

ندى الشام · 11-26-2012, 05:35 PM

ميورة كيفك شووووووووووووووووهالهنودة هاد احلى عريس والله يسلملي شو قطقوط وبيتاكل بلا ملح بسم الله حولو وحوالية اللهم صلي على النبي ديري بالك على حالك وعلى حملك الله يكووون معك

ندى الشام · 11-26-2012, 05:37 PM

بسبوسة مبروك انك عرفتي جنس الجنين الله يكرمك بصبي كامل مكمل يا ررب انا طلع معي بنوتة الحمد لله اهم شي الخلقة التامة والقومة بالسلامة ديري بالك عليه وعلى حالك

ندى الشام · 11-26-2012, 05:39 PM

شذى انشالله تقومي بالسلامة مجبورة الخاطر وتكون ولادتك سهلة وميسرة يا رب وتشوفي بنوتك بخير وسلامة الله يكون بعونك ديري بالك على حالك وعليها وكلي منيح واهمتي بصحتك

ندى الشام · 11-26-2012, 05:48 PM

زهرة سورية مبررروك الحمل الله يتمملك على خير يا رب بس اول تلت شهور ديري بالك على حالك منيح بعدين عااادي بالنسبة للسونارر ازا على بطنك مو مشكلة عمليه لتشوفي نبض الجنين وتتاكدي انو كلشي تمام اما ازا مهبلي امممم بنصحك لا تعمليه احسنلك انا عملتو وانا بالاسبوع السادس بعيد عنك وووقت رجعت عالبيت دغري سقطت ونزل البيبي .... مشان الواسوس يلي عم تجيكي انو رح ينزل او تسقطي لا سمح الله ** انتي قولي يارب استودعت هالببو عندك وعندالله لاتضيع الودائع اتوكلي على الله وانشالله الله يفرحك بشوفتو هلئ اهتمي باكلك ولاتتحركي كتير وتتعبي حالك بشغل البيت ولا تقرفسي او تطخي كتير عاااااااادي ريلاكس خليكي مريحة حالك وقت تشوفي انك تعبتي اتسطحي فورااا الله يتمملك على خير حبيتي ويرزقك بطفل كامل الخلقة سليم معافى

زهرة سورية · 11-29-2012, 02:44 PM

اقتباس:

المشاركة الأصلية كتبت بواسطة ندى الشام

زهرة سورية مبررروك الحمل الله يتمملك على خير يا رب بس اول تلت شهور ديري بالك على حالك منيح بعدين عااادي بالنسبة للسونارر ازا على بطنك مو مشكلة عمليه لتشوفي نبض الجنين وتتاكدي انو كلشي تمام اما ازا مهبلي امممم بنصحك لا تعمليه احسنلك انا عملتو وانا بالاسبوع السادس بعيد عنك وووقت رجعت عالبيت دغري سقطت ونزل البيبي .... مشان الواسوس يلي عم تجيكي انو رح ينزل او تسقطي لا سمح الله ** انتي قولي يارب استودعت هالببو عندك وعندالله لاتضيع الودائع اتوكلي على الله وانشالله الله يفرحك بشوفتو هلئ اهتمي باكلك ولاتتحركي كتير وتتعبي حالك بشغل البيت ولا تقرفسي او تطخي كتير عاااااااادي ريلاكس خليكي مريحة حالك وقت تشوفي انك تعبتي اتسطحي فورااا الله يتمملك على خير حبيتي ويرزقك بطفل كامل الخلقة سليم معافى

الله يبارك فيكي يارب وتسلمي لقلبي يا رب والله لما قريت حكيك حسيت كانو اختي عم تنصحني وانن طالعين من قلبك الله يخليلك ندوش الحلوة و يتمللك حملك على خير يارب و تشوفيا بين ايديك بالخلقة التامة و تفرحي بضمتا لصدرك
وان شاءالله رح اعما بكل نصايحك والله من وقت قريتن وانا كل شو بدعيلك الله يتمللك ع خير و ييسرلك ولادتك يارب

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
تجمع حوامل سوريا-دردشة ورود سوريا-دردشة الغاليات	jorri sham	إستفسارات حوامل من الشهر السابع إلى الشهر التاسع	791	07-07-2012 04:03 AM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM