تجمع حــوامل التوائم

[حزن الزمان]

هجران شكرا على النصائح يا قلبي ...
بنات اليوم كان عندي موعد تلفزيون والاثنين صارت رووسهم فوق تخيلووو غريبة سبحان الله ...بس الحمدلله كل شي تمام ...وخايفة من القيصرية ...
توأمي الله يخليك علميني شلون خياطتك ...وهل صحيح في المستشفى ما تقدرين تتحركين ؟؟ولا ترضعين أنا هاي اللي اسمعه ...واللحين شلون بعد العملية .. بنات اللي جربو القيصري كلمونا بليز شنو مساؤها وشنو مزاياها ...

[ام منصور]

السلام عليكم
انا والحمد لله كنت حامل في الاسبوع ال12 وبعد تصوير اربع مرات توهم اكتشفوا اني حامل بتوام في كيس واحد ومشيمه وحده وكان نبض واحد منهم ضعيف
الغريب انهم مااكتشفوهم الا متاخر يعني كنت دخلت الشهر الرابع بيومين
والحمد لله الحمد لله وقف النبض عنهم الله يعوضني ان شاء الله
وبدون سبب
بس العوارض اللي حسيتها انها غير عن الحمل الطبيعي كانت واضحه بس ماشكيت انه توأم
الله يرزق كل وحده تتمنة حمل التوأم ويكونون متعافيه وسالمين وكاملين
آآآآآمين

[محجبه]

حزن الزماااان
مجربه القيصري محاسنها وحده بس انه مافيه صراااااااخ هههه ومساوئها اشكثرها اولا ترهل البطن حتى بعد الولاده بمده وثانيا بعد العمليه ماتقدرين تشيلين اي شي والحركه محدوده لانك تعبانه حيييييييل ا تطول الوحده بفراشها يعني تخافين من اي شي بالنسبه لتجربتي جلست سبع شهور اعاني من كتمه بسبب البنج مادري شكلي ماتحملته دايم نفسي مكتوم واذا غطيت وجههي احس روحي بتطلع وصار فيني فقر دم
لكن الطبيعي اللهم اني اسالك من فضلك ويارب ماتحرمني من الطبيعي فررررق من يومين تحسين بنشااااط الله يفرج لكم ويهون علينا ويفرحنا بشوفه جناينا بدون نقصان تامين واصلحهم ياررررررررب

[لغة الحب]

السلام عليكم يالغاليات كيفكم وكيف الثقل معاكم

حساسة انا كان معاي شوي مويات لمى رحت الطواري قالت لي ان الرحم مقفل ومن بكرة اخذو سونار وقالو الحمد لله موية الجنين مافيها شئ قالو لي اكيد افرازات عادية

ام منصور الحمد لله ع السلامة والله يعوضك يااااااااااارب قرررررررررريب

حزن الزمان ادعي بالعشر الاخيرة ان ربي يكتب لك الي فيه الخير
انا الحين الدكتورة تقولي رووسهم تحت واحتمال طبيعي وانا خايفة واختي تقول لاتصدقينهم
لان اختي جابت توامها واحد طبيعي والثاني عملية لان الثانية كانت معترضة

وانا بتوكل ع الحي القيوم الذي لايموت سبحانه

ونسيييييييييت اقولكم مبروك دخول العشر الفضيلة الله يجعلها من افضل ايامنا يارب

وادعو لي اولد والله تعبت من الثقل والام ظهري فظييييييييييييييييعه انا دخلت الاسبوع الثاني بالتاسع ادعووووووووولي

[فراوله حمرا]

طيب بنات ممكن تجاوبوني

متي ينزل راس التوائم لتحت لاني بعرف انه طالما نزل لتحت في الحوضو معناته قربت الولاده وفي السابع كثير بدري ينزل روسهم فمتي ممكن ينزلو

[نونة العسولة]

المشاركة الأصلية كتبت بواسطة ام البنين

نونه ياااقلبي عليك متى ولدتي ومبروك العروسااات وولادتك طبيعي والا قيصري مارجعت لصفحااات الي ورى ماعندي وقت

الحمد لله اولادي طلعو من الحضانه بعد اسبوع من من الولاده والحمد لله
وعلى قولت نونه اشبعو نوووووووووووووووووووم اهئ اهئ اهئ الله يصلحهم بس
وبنسبه لصدرك يانونه ادهنيه بعد كل رضعه بزيت الزيتون وماتشوفي شر ياارب

هلا حبيبتي انا ولدت من 6 ايام وولدت العروسات طبيعي الحمدلله

الحمدلله على سلامة الشباب ربي يحفظهم

والله يعييييييييينا على تربيتهم

المشاركة الأصلية كتبت بواسطة محجبه

توامي فرحه عمري
والله ماقصرتي معنا الله يجزاك الجنه بس سؤالك اتوقع ان البطن مو بالسهوله يرجع زي اول انا جربت طبيعي وعمليه يطول البطن مايدخل
الطبيعي افضل من ناحيه البطن والترهل بس العمليه لازم تترهل لانهم فتحو عضلات البطن انا وانا نحيفه لي كرش بسبب العمليه
الله يخليلك النونوات يارب

نونه وام البنيين
اه اه متى يجي اليوم اللي نصير بمكانكم والله ورانا مشواااااااار يارب تفرجها بس ياليت انك ماتقطعون نستفيد من تجاربكم ولا الحين تكبرتو علينا صرتو امهاااات ومبرووووك عليكم

ان شاء الله توصلون للتاسع

ونفرح بخبر ولادتكم يارب

المشاركة الأصلية كتبت بواسطة أم فاطمة

صباح الخير
الله يعينك نونة العسولة على صدرك لان ببنتي الثانية صار لي نفس حالتك ورحت المستشفى وعطوني علاج احطه على صدري واذا رضعت بنتي من صدري ما يأثر العلاج عليها والحمد لله بسرعة طبت ووقف الدم .

شكلي بروح المستشفى

لان خلاص تعبت من العوار

ياربي تعبت من السهر وهالالام

الله يعين بس

المشاركة الأصلية كتبت بواسطة توأمي فرحة عمري

صباح الخير
كيفكم بنات

حزن ومحجبه
مشكورين على الرد

متلهفه لحظوركم
كيف شكله الكورسيه ووين القاه

نونه العسوله
والله صدقتي ماعاد فيه نوم أبد انا تعبت مره
بيجيني انهيار من قلة النوم والله التربيه متعبه
حتى انا ودي أغير نظامهم بالنوم بس مادري كيف ؟


الأميره الصغيره
انتي ولدتي بالسابع غريبه طلعوا البيبيات ماتكون الرئه مكتمله

اي شلون ننظم نومهم بس

انا ماما راح توصل عندي بعد يومين

بخليها تسهر معاهم وانام يوم متواصل

لان احس خلاص مخي بيوقف من قلة النوم

الحين هم من الصبح نايمين يقعدون يرضعون

ويردون ينامون واذا اجى الليل قعدوا ومايبون ينامون

بس يبجون

المشاركة الأصلية كتبت بواسطة هجران

يا هلا ومرحبا بالكل

حسااااااااااسه حيل لا تسكتي أذا تنزل عليك مويه روحي راجعي انا خبرتني الدكتوره أذا شفتي مويه تنزل عليك أو دم أو إفرازات جديده الحدث أروح الطواري مباشره

الحمدلله لدخولك التاسع والله يتمم ويسهل عليك

الشيخه حميه أيش تعملي عزيزتي نظمي أكلك وانتي حامل يعني ما تحتاجي حميه ولا خرابيط شيلي هالتفكير من راسك بس حاسبي من السكريات وعليك بالفواكه التفاح الاخضر والموز كثري منه لا تاكلي مانجو ولا حلويات حتى توازني

نونه العسوله فرحتينا بولادتك وببناتك ربي يحفظهم أدهني صدرك يمكن عندك تشققات حبيبتي كيف كان وضع البيبات قبل لا تولدي يعني روسهم الاثنين تحت احكي لنا بالتفصيل
أنا وحده من البيبات راسها تحت والثانيه معترضه
والدكتوره تقول راح تولدي طبيعي وراح نعمل لك طلق صناعي لو كانوا أستمرت وحده على هذا الوضع وانا خايفه كثير كيف أولد ووحده راسها تحت والثانيه معترضه أفكر كثير وكل يوم أحلم بالولاده

حبيبتي حزن الزمان أحبكي الله الذي أحببتني فيه يا عسل
وبالنسبه لدمك سوي مثلي خبرتك كان نازل 8 ومن بدى رمضان بديت في عصير الشمندر أخلطه عباره عن
برتقاله 1 وتفاحه 1 وشمندر 1 بس تكون بحجم حبة التفاح عشان يكون مفعولها قوي
وأذا حبيتي تضيفي 1 أفوكادو بعد زين تحلي الطعم لأن طعم الشمندر مثل التراب
وحطي سكر حسب ما تحبي بس لا تكثري سكر

وحطيه بالثلاجه واشربيه خلال يومين لأنه حاولي تشربيه مع حبوب الحديد
ويكون بعد الفطور وبعد العشاء وبعد السحور
3 مرات

حبيبتي وصدقيني راح يتعدل معك الدم ويزيد وما تنسي الموز وبامانه كثير مفيد لوزن البيبات حاول حتى تاكلي 2 بعد الفطور 1وتتسحري على 1

بالنسبه للثقل أمس كنت أتسوق أنا وزوجي وبغيت أموت من الثقل قلت أحس أني بولد وما قدرت أكمل مشي وتعبت حسيت أن الثقل بينزل كله لكن الحمد لله طلعت وجلست بالسياره أنتظره كنت رايحه أشتري كبده وشمندر وتمر عشان بس الدم ما ينزل معي أبد أريد أحافظ

وكل التحيه للاخوات إللي يدشوا يطمنوا علينا وربي يرزقهم الذريه الصالحه

توامي فرحة عمري ربي يحفظ لك توامك الحلوين

انا روس البيبيات اثنينهم كان تحت

ولا تخافين ابدا وكلي امرج لله وصلي استخاره

انا صليت وايد والحمدلله تسهلت من الله

صح تعبت 3 ايام بالطلق واخذت طلق صناعي

بس الحمدلله خلصت ويبتهم طبيعي عقبالج يارب

[نونة العسولة]

خواتي انا عندي كريم التشققات من مذركير وادهن فيه

وامس دهنت بزيت زيتون بس مافي فايدة

العوار موتني احس الحلمة نفسها مشقوقه وكل مايرضعون ابجيييي من العواررر

توني رضعت وحده والثانية ماقدرت ارضعها خلاص عطيتها مسكينة حليب صناعي

افكر اشفطلهم الحليب بس اخاف ينسون الرضاعه من صدري ؟؟؟

[حزن الزمان]

شخباار الكروشاات ... لغة الحب شكرا يا قلبي وهذا فعلا اللي ناويه اسويه الدعاء بالعشر الاواخر ...والله يفرجها عليج يارب ويحقق كل ما تتمنين ..

[جومانا]

سلااااااام بنااات كيفكم
انا لي يومين اعاني الم ضرس مايخلينيي انام مرررررة يوجع
ورحت الدكتورة ماقدرت تحط الا حشوة مؤقتة لمدة شهر
وبعد شهر اغيرها

[حنان الهاجري]

خواتي منو وياي عالخط ؟ انا بالاسبوع ال 26