تجمع حوامل سوريا-دردشة ورود سوريا-دردشة الغاليات

[عاشقة جوجو2]

كيفكن بنات انا بخير بس كنت مشغولة اليوم بيجتمع كل بنات حماي عند امن وانا طبعا لاني فوق حماتي وهلاء راحو
والف مبروك حبيبتي الحمل والله يتمملك على خير بس انتي ريحي حالك ولا تتعبي

[Nayota]

الف الف الف مبرووووك زهرة والله يتمملك على خير من قلبي فرحتلك

نصيحتي لا تعملي سونار مهبلي قد ماقالولك آمن بعض الاجسام مابيتحمل الجنين بينزل

وازا فيكي تستني ليصير عمر الجنين اربعين يوم بتسمعي النبض بفرد مرة احسنلك

وقت نايا انتظرت للشهرين لرحت اسمعت النبض

[Nayota]

مافي إلا فايتة طالعة عالمنتدى عم صبح ومسي ههههههه
صباح الخير صبايا ....

انا ونايا مشتائينلكون منفترة عم علم نايا عالرضاعة هلكتني مابتعرف ترضع منها
انا مشان شربا مي احسن من المعلقة وكمان ازا حبيت شربا عصير
مبارح شربت عشرة ميل عصير برتقال للللللليش ههههه

[عاشقة جوجو2]

مسا الخير ما شاء الله الله يخليلك نايا يارب
وبعدين شوي شوي بتتعود انا بنتي ما رضعت الا بالببرونة
ولهلاء بساويلها رضعة قبل ما تنام رغم انها صبية صارت هههههه
صح اتذكرت بدي اسالك انتي ولدتي هون ولا بسوريا والله انا خايفة اولد هون
واذا هون باي مشفى لاني لهلاء مو عارفة وين بدي اولد عشان كمل مراجعة الحمل
انا من يومين فتت بالخامس صح لسه بكير فكر بس لاني كنت ناوية اولد بالشام
ويالي عم يصير خربط افكاري ان شاء الله تنحل الازمة وانزل اولد عند اهلي يارب
كل يوم بحكي قصة حياتي تحملوني شو بدنا نساوي لازم نتحمل بعض

[بسبوسة زوجها]

اهلين صبايا كيفكن حبيباتي
نايوتا كيفك وكيفها هالامورة يعني ضحكتي علينا بشوية صور للامورة وسكتينا لأ حبيبتي بدي صور كمان الها نزليلي صور لنايوتا باسرع وأت وهاد امر عسكري هههه
انا اليوم طابخة أرماني باللبن وفريكة لان جاييني بيت اخو زوجي وانتي شو عم تطبخي هاليومين
وشو هالكبسة ياسلام شطت ريالتي عليها ههههههه
حبيبتي بدي الطريقة بالتفصيل الممل حتى نوع الرز وكمية المي يللي بتحطيلو اياها لان ماشاالله طالع مدردر ومو مخبص بنوب انا لما بستعمل رز بسمتي بخبص معي أمت لغيتو من طبخاتي بس طالعة الكبسي يمممميييي شهية

[بسبوسة زوجها]

نور
اهلا وسهلا نورتي التجمع بنورك ووجودك تشرفت بمعرفتك
بس ماعرفت انتي مقيمي بالاردن ولا نزحتو من سوريا؟وأديش الك حامل؟
انا اسمي منار من ادلب عمري ٢٤ طالبة حقوق س٣ ساكني بامريكا من سنة و٣ اشهر متزوجي من سني ونص حامل بالشهر الخامس

[بسبوسة زوجها]

زهرة سوريا انشاءالله الف مليون مبروك الحمل الله يتمملك على خير انشاالله ويأومك بالسلامي مع البيبي انتبهي عحالك حبيبتي ولاتعبي حالك بهالشهرين وبلشي بالفوليك اسيد وانشا الله بس رحتي عالدكتورة بطمنك بالنسبي الي لما رحت اول معايني كنت بالاسبوع السابع وعملتلي سونار مهبلي وشفت الجنين بس الدكتورة انتبهت كتير وكان من برى لبرى وانتي متل ماحكت نايوتا ديري بالك من السونار واسالي الدكتورة و تاكدي منها ويبأى طمنينا عنك

[بسبوسة زوجها]

هلأ اجا دور اخباري احم احم
كان عندي موعد عند الدكتورة يوم الاربعاء وطلع جنس البيبي صبي
الف الحمدلله وانا طبعا فرحت لاني كنت حاسي انو بنت بس مباشرة بين الحمدلله صبي الله يخليه ويحميه ويأومنا بخير وسلامي يارب
وعندي بعد ٣ اسابيع موعد بالمشفى مشان يعملولي فحص ويتاكدوا من سلامة الجنين انشاءالله بإذن الله بكون سليم ومعافى وطبيعي وخلقة تامة يارب ادعولي بنات هاد اصعب واهم فحص بحياتي دعائكم لابني الله يخليلكن ولادكن ويحفظهن يارب
بس مابعرف كيف بكون هالفحص ياريت يللي مجربتو تشرحلي

[شام الهوى]

ماشاء الله تبارك الله ربي يتمم حملك على خير زهورة وربي فرحتلك من قلبي كيف الاوضاع بدرعا طمنيني حبيبتي

[Nayota]

كيفكون صبايا ....


ام جوجو كيفك وكيفا جوجو الحق معك تقلقي مشان وين ولادك اهم شي تكون المشفى يلي رح تولدي
فيها مجهزة بغرفة عمليات بركي لاسمح الله صار استعصاء دغري بيحولوكي عالقيسرية وان شالله الله يجمعك
بدكتورة فهمانة وشاطرة والله يسهلك ولادتك يارب
انا ولدت هون بسعودية بس مو بالرياض بالمنطقة الجنوبية كنت ساكنة هونيك حسب شغل زوجي بتنقل
بكل المملكة

بدي اسألك انت ولدتي جوجو طبيعي او قيسري؟؟؟