ديوانية البحرين - دردشة حوامل البحرين - البحرينيات

[الفتاة الذهبية]

هههههههههههههههه
انا من جم يوم ياني الم في بطني مو طبيعي عقب عمتي تقول هاذي ريح استقبال خخخ

[الفتاة الذهبية]

تمشي وايد هالفترة عشان تولدين

[بنت الأياويد]

اي في الثامن ترى بييج جذي نفس الريح انا صادني ذاك الاسبوع كنت توني حاطه ريولي في السكشن بحضر المحاضرة وياني الم مو طبيعي الي ماقدر اتنفس ولا قادرة اوقف على ريولي ومشيت رجعت البيت ظل وياي الالم ساعه كاملة قالت لي امي بسوي لج دارسين وتبخرت بزعتر بري قالوا لي اذا صج طلق بزيد الالم اما اذا طلق كاذب بيروح وفعلا عقب ساعه ونص راح

[بنت الأياويد]

قالت لي الدكتورة كثري من المشي والجماع عشان راس البيبي يدخل عنق الرحم ، وانا مالي بارض حق جماع ولا هم يحزنون كفاية الثقل الي فيني وبعدين انا عندي نظرية ان كلشي بيد رب العالمين لاجماع ولا مشي ، اذا الله كاتب بيطلع هاليوم بيطلع

[الفتاة الذهبية]

انا يوم اييني كنت راقده قعدت ع الالم
وريلي راقد ولا يدري بالدنيا وانا قاعده اتألم بس ما قعدته تعبان مسكين
كان راد من الشغل وتعبان وقلت خله راقد وعقب مهلت شوي وراح

[بنت الأياويد]

اي هذي الم يعودج على الي ياي ههههههههههههه توج في الحمد

[الفتاة الذهبية]

هو صح الي الله كاتبه لج والى البيبي هو الي بيصير
بس عشان تتسهل عليج الولاده تكثرين من المشي والجمااع
لانه الماده الي يفرزها الريال هي نفسها الماده الي يستخدمونها حق الطلق الصناعي
من جذي يقولون لج ان الجماع يسهل الولاده

[الفتاة الذهبية]

الله يكون في عوني عيل
اذا توني في الحمد خخخخ

[أحلام أم]

صباح الخير ،قلت أسلم عليكم
بنوته حلوه
الله يساعدش على السهر ،كلنه صايدنه قلت نوم
طفلي حياتي
هلا بأم عباس الفرحاان إللي مايخلي أمه تنام ،يختي هذا من الحمل السهر نااس يصيدهم أرق مو طبيعي ويمكن تخربطين في نومش الصبح لو الظهر بس لازم تحاوليين وقت النوم تشربين حليب دافي وفي أدعيه تدفع الأرق دوري في الصحيفه الفاطميه وإقري سورة ياسين وحاولي ماتنبهيين حواسش بكمبيوتر ودردشه لوتلفزيون جده مابتنامين وإنتين توش داخله السادس ومحتاجه لنوم وراحه فكريه
بنت الأياويد
يارب نسمع عنش والده،صبري لموعد ولادتش ولاتنسين المشي
الفتاة الذهبيه
ماعليش شر ،ألحيين عااد بتيش بروفات الولاده لأنها تبدي من السابع

باقي البنات ويش أخباركم مالفيت على كل إللي فاتني مافيي شدة يارب كاكم بخيرالله التلفزيوون بدى محرم وصوت الرواديد وشيلاتهم تتحسسنه بإنتمائنه وتبعث في القلب الشجن
البارحه ملجة حميي وتعبانه حدي من الروحه والتنقع ،يقولوون الخطوبه في ربيع ويمكن يتحول لعرس
أشوفكم على خيرر

[بنت الأياويد]

المشي عندي اهون من الجماع ماقدر بصراحة واااايد صعبه وفي نفس الوقت احس الله بيعاقبني لاني حارمه زوجي من هالشي كفاية في النفاس بينحرم بعد الحين بس شسوي ماقدر وايد يصيدني شد تحت يذبحني