دردشة وتجمع الحوامل السهرانين❀๏̯͡๏ 【ツ

[اقصوصه]

الله يسلمك يا رب وانتي بخير حبيبتي واحلام سعيده :)

[غمزه]

اااااااااااه يابنات فيني الم وحزن مايتخيله عقل مجروحه ولا لي حيله من القهر جيت اكتب وانا مادري هل فيه احد يسمعني ويكسب فيني اجر دحين والله ابكي وخايفه عالجنين

[اقصوصه]

غمزه ليش حبيبتي عسى ما شر ، لا تضايقين عمرج عشان البيبي ، الدنيا يوم حلو ويوم مر حاولي تقرين قران وتكلمين حد تفضفضين له لا تتمين بروحج الله يفرجها عليج يا رب

[غمزه]

ذبحتني الغيره يا اقصوصه انا مو حلوه عاديه وزوجي حلو وسيم جمعنا القدر مادري كيف
كل ماسمعت انه جالس مع بنات اخواته والا شغاله امه الكبيره بالسن انجن واتالم

[غمزه]

من شوي جاي ابني الصغير يقولي بابا واقف مع الشغاله لمن واجهته قال عشانك منتي حلوه تغارين حتى من الشغاله ودايم يجرحني مو اول مره لدرجه اتمنى يصيره حادث ويتشوه

[اقصوصه]

يا بنت الحلال كبري عقلج ، انا كل اللي يشوفني يقول ان زوجي احلى مني وانا اعرف هالشي واعترف فيه بس شو يعني؟ هالمعلومه ما تأثر عندي ولا تغير اي شي لاني لو كنت انا ملكة جمال العالم او كان شكلي بغاية البشاعه ما تفرق لان الرجل مع الوقت يتعود على الاثنين ، والدليل انك ممكن تلاقي واحد زوجته جمال وتلاقيه متعرف على وحده سودا او مسوي علاقه مع الخدامه او مع اي وحده اقل جمال من زوجته بمليون مره ، لان الرجل يألف زوجته ويتعود عليها سواء حلوه او عاديه او بشعه بعد!!

[غمزه]

والله كلامك حلو وصحيح ويطمن بس ايش تفسرين استهتاره بي تخيلي لاني سمراء يناديني يالعبده والله وانا اكتب هالكلمه احسها تقطع قلبي

[اقصوصه]

يا بنت الحلال اغلب الرياييل مزاجهم ثقيل هاي طبيعتهم بس ما يقصدون ، انا زوجي اول ما خذني اربع وعشرين ساعه يقولي انتي ما فيح انوثه تخيلي! الرجل حبيبتي لازم تكونين جدامه واثقه من نفسك دوم وتحسسيه ان كلامه السلبي ما ياثر فيك لانك عارفه نفسك كويس

[غمزه]

المشكله ماحب حتى يقربني احسه شايف شوفه وجاي يفرغ فيني بس ذبحني الشك والوسواس ابي حل تكفووووووووووووون ياليت اكره كان اسيبه وادور على واحد يناسبني وياليتي موظفه كان زادت ثقتي بنفسي اكثر

[غمزه]

اقصوصه تقبليني صديقه ارسلك ايميلي عالخاص عشان احصلك عالماسنجر